Вакилон маоши панҷрӯзаи худро хайр карданд

Вакилони Маҷлиси намояндагони Маҷлиси Олии мамлакат ва кормандони дастгоҳи марказии он ба сокинони аз офатҳои табиӣ зарардидаи шаҳри Кӯлоб кумак расонида, ба сандуқи хайрияи ин минтақа музди маоши панҷрӯзаи худро ирсол намуданд.

Ин маблағ барои бунёди ду хонаи нав бо тарҳи замонавӣ кифоят мекунад. Тавре қаблан иттилоъ дода будем, 11 май дар натиҷаи омадани сел дар шаҳри Кӯлоб даҳҳо манзили истиқоматии сокинони шаҳр, роҳҳои мошингард, иншооти маданию хизматрасонӣ ва маишии шаҳр зарар диданд.