Имзои 8 созишномаи ҳамкорӣ

Дар натиҷаи Форуми байналмилалии тиҷоратии “Бохтарфуд-2021” миёни доираҳои соҳибкории Тоҷикистон, истеҳсолу содироткунандагони маҳсулоти озуқа, мақомоти давлатии соҳавӣ ва ҳамтоҳои онҳо аз мамолики хориҷӣ ҳашт созишномаи ҳамкорӣ ба имзо расид.

Дар доираи ин созишномаҳо ҳамкорӣ дар самти рушди содироти Тоҷикистон дар оянда дар назди Агентии содирот ташкили мактаби содирот барои омода кардани мутахассисон доир ба пешбурди фаъолияти содиротӣ, ҷорӣ кардани стандартҳои содиротии маҳсулот, таҳияи қарордодҳои содиротӣ, харидорӣ намудани маҳсулоти меваи хушк ва нахи пахта, содироти мева, сабзавоти тару тоза, пиёзи барвақтӣ, ангур ва ғайра ба роҳ монда мешаванд.