Дар як сатр
» » Қӯрғонтеппа. Тӯйи суннатии 50 кӯдак ва арӯсии ду ҷуфти ҷавон аз оилаҳои ниёзманд

Қӯрғонтеппа. Тӯйи суннатии 50 кӯдак ва арӯсии ду ҷуфти ҷавон аз оилаҳои ниёзманд

5-03-2015, 14:15

Қӯрғонтеппа. Тӯйи суннатии 50 кӯдак ва арӯсии ду ҷуфти ҷавон аз оилаҳои ниёзманд

Ҷомеаи солим аз оилаи солим манша гирифта, барои пойдории давлату миллат заминаи устувор мегузорад. Агар фарзанд дар оилаи солим ба дунё омада, таълиму тарбияи дуруст гирад, барои рушди ҷомеа саҳмгузор мешавад. Танҳо дар сурати тарбияи дурусти волидайн ва фазои солими оила меҳру муҳаббат дар қалби атфол зиёдтар ҷо мегирад. Маҳз ин меҳру муҳаббатро метавонад модар бо суруди аллаи ҷонбахшаш дар қалби фарзанд ҷо намояд. Аз ин аллаи модар оғоз мегардад муҳаббат ба волидайн, ба хонадон, ба Ватан.

Бесабаб нест, ки Сарвари давлат дар Паёми навбатиаш ба Маҷлиси Олии кишвар нисбати ин масъалаи муҳим махсус таъкид намуда, иброз доштанд, ки барои таҳкурсӣ гузоштан ба оилаи солим, пеш аз ҳама, фарзандон бояд аз ташхиси тиббӣ гузаранд, сипас оилаҳои нав бунёд намуда, фарзандони солим ба дунё оранд. Бо пешниҳоди Президенти ҷумҳурӣ соли 2015 «Соли оила» эълон гардид.

Вобаста ба ин дар вилояти Хатлон як қатор нақша-чорабиниҳо тарҳрезӣ гардиданд ва масъулин муаззаф шуданд, ки барои дар амал татбиқ намудани дастуру ҳидоятҳои Роҳбари давлат тамоми кӯшишу имкониятҳои хешро равона созанд. Бо иқдоми мақомоти иҷроияи ҳокимияти давлатии вилояти Хатлон ва шуъбаи асноди ҳолати шаҳрвандии вилоят дар тарабхонаи «Оби тоза»-и шаҳри Қӯрғонтеппа тӯйи дастаҷамъонаи суннатии 50 нафар кӯдакон аз оилаҳои ниёзманд ва тӯйи арӯсии ду ҷуфти ҷавон баргузор гардид. Оғози фасли баҳор барои онҳо оғози хушбахтиҳо хоҳад шуд.

Дар чорабинӣ раиси вилоят Давлатшоҳ Гулмаҳмадзода ширкат варзида, оилаҳои ҷавон ва кӯдакони хушбахтро ба ин рӯзи саид, рӯзи оғози фасли зебои баҳори оламафрӯз табрик гуфта, барояшон саодати рӯзгор, тансиҳатӣ ва хонаободӣ таманно намуд. Давлатшоҳ Гулмаҳмадзода зимни суханронӣ иброз дошт, ки ҳадафи Сарвари давлат Эмомалӣ Раҳмон аз «Соли оила» эълон намудани соли 2015 беҳбудӣ бахшидан ба рӯзгори сокинон ва ҳаёти пурбаракати навхонадорон мебошад. Аз ин рӯ, модарон ки, пеш аз ҳама, тарбиятгарони насли навини ҷомеаанд, бояд ин рисолати аслии хешро хуб ба ҷо оварда, дар таълиму тарбияи фарзандони хеш саҳми арзанда дошта бошанд. Танҳо модар метавонад фарзандро аз овони тифлӣ бо навозишу меҳру муҳаббат ва самимият ба роҳи рост ҳидоят намояд. Ҳамин тавр, Давлатшоҳ Гулмаҳмадзода ба оилаҳои ҷавон ва атфоле, ки тӯйи суннатӣ доштанд, беҳтарин хушиҳои рӯзгорро таманно намуда, ба онҳо туҳфаҳои хотиравӣ супурд.

Чорабиниро ҳунармандони Раёсати фарҳанги вилоят бо суруду таронаҳои дилнишин шукӯҳу шаҳомати хоса бахшиданд.

ВАХШОНА


Шарҳи хонандагон +

Матолиби дигар:

Тӯйи дастаҷамъонаи суннатӣ дар шаҳри Қӯрғонтеппа

Тӯйи дастаҷамъонаи суннатӣ дар шаҳри Қӯрғонтеппа

Ҳаёти иҷтимоӣ, Хабарҳо, КОМРОНИ БАХТИЁР
Бармаҳал хонадор намудани ҷавонон иштибоҳи маҳз аст

Бармаҳал хонадор намудани ҷавонон иштибоҳи маҳз аст

Ҳаёти иҷтимоӣ, Хабарҳо, Ҷавонон ва варзиш, Номаҳои Шумо
Ҷорӣ намудани дарси маърифати оиладорӣ ба нафъи кор аст

Ҷорӣ намудани дарси маърифати оиладорӣ ба нафъи кор аст

Ҳаёти иҷтимоӣ, Номаҳои Шумо
Дар партави Паём. Оила – ошёни меҳру вафо

Дар партави Паём. Оила – ошёни меҳру вафо

Ҳаёти иҷтимоӣ
Соли 2015 - «Соли оила»

Соли 2015 - «Соли оила»

Ҳаёти иҷтимоӣ, Хабарҳо, НОСИРҶОН МАЪМУРЗОДА