Дар як сатр
» » Артиши сулҳовари мо

Артиши сулҳовари мо

23-02-2015, 09:48

Артиши сулҳовари мо

Истиқлолияти миллӣ барои мардуми тоҷик басо гарон афтод. Зеро душманони миллат барои ноором сохтани вазъи сиёсии кишвар нақшаҳои муғризонае тарҳрезӣ намуда, мехостанд Тоҷикистонро ба нестӣ баранд. Вазъи Тоҷикистон торафт пуршиддат ва ноором мегардид. Он солҳо Ҳукумат қувваҳои мусаллаҳи ягона надошт, ки пеши ин ҳама муноқишаҳои сиёсиро гирифта тавонад.

Ин ҳолати мураккаби сиёсӣ Раиси Шӯрои Олии Ҷумҳурии Тоҷикистон Эмомалӣ Раҳмонро бе таваҷҷуҳ намонд. 18 декабри соли 1992 қарори №3 «Дар бораи таъсиси Қувваҳои мусаллаҳи Ҷумҳурии Тоҷикистон» ба тасвиб расид ва барои ташкили Қувваҳои мусаллаҳи мамлакат заминаи ҳуқуқӣ фароҳам омад. Пас аз ду моҳи баромади фармони мазкур-23-юми феврали соли 1993 дар майдони марказии пойтахти ҷумҳурӣ аввалин гашти низомии Тоҷикистон баргузор гардид. Ва ин рӯз дар таърихи кишвари соҳибистиқлол «Рӯзи таъсиси Қувваҳои мусаллаҳи Ҷумҳурии Тоҷикистон» эълон шуд.

Қувваҳои мусаллаҳи тоҷик дар ҳолати вазнини иқтисодӣ таъсис ёфта буд. Ба ин нигоҳ накарда, он баҳри дифои кишвар қадамҳои устуворе мегузошт ва баҳри мустаҳкам намудани пояҳои давлатдорӣ фаъолона иштирок менамуд.

Моҳи ноябри соли 1993 дар навоҳии Ғарм, Ҳойит, Ҷиргатол ва Тавилдара ҳокимияти оппозитсионӣ амал менамуд. Маҳз бо корнамоию диловариҳои сарбозону афсарони Қувваҳои мусаллаҳ дар ин минтақаҳои ҷумҳурӣ аз нав ҳокимияти қонунӣ барқарор шуд. Ба сарбозону афсарон дарсҳои сиёсӣ дар сатҳи баланд ба роҳ монда шуд, ки онҳо дар рӯҳияи баланди ватандӯстӣ ва пос доштани марзу буми он тарбия меёфтанд. Бо ташаббуси бевоситаи Президенти мамлакат муҳтарам Эмомалӣ Раҳмон Қувваҳои мусаллаҳ бо яроқҳои навтарин таъмин мешуд.

Қувваҳои мусаллаҳи мамлакат вобаста ба талаботи замон мавқеи стратегии хешро дигар кард. Ҳоло дар ҳайати Қувваҳои мусаллаҳи Ҷумҳурии Тоҷикистон қисмҳои хушкигард, тирандоз, қувваҳои ҳарбии ҳавоӣ, қӯшунҳои зудамал, мудофиаи зиддиҳавоӣ, қӯшунҳои сарҳадӣ, ҳолатҳои фавқулода ва мудофиаи гражданӣ амал мекунад.

Қувваҳои мусаллаҳи кишвар дар набардҳои сангин таҷрибаи бойи ҷангӣ омӯхта, обутоб ёфтаанд. Ҳамчунин дар машқҳои тактикии муштарак бо дигар кишварҳои абадқудрат иштирок намуда, аз худ шуҷоату мардонагии бемисле нишон додаанд.

Ҳукумати кишвар баҳри боз ҳам баланд бардоштани маҳорати ҷангии ҷузъу томҳои Артиши миллӣ чораҳои мушаххас меандешад. Ҳар сол даҳҳо нафар ҷавонони лаёқатманд дар мактабҳои ҳарбии кишварҳои абадқудрат таҳсил намуда, таҷрибаи ҳарбии худро сайқал медиҳанд. Бояд ёдовар шуд, ки баҳри ба кишвари сулҳ табдил додани Тоҷикистон саҳми Артиши миллӣ бағоят калон аст.

Қувваҳои мусаллаҳи тоҷик ҳоло дар марҳилаи сеюми инкишоф қарор дорад. Дар кишвар муассисаҳои махсусе мавҷуданд, ки мутахассисонро омода менамоянд.

Мардуми шарафманди тоҷик нисбати артиши миллӣ эҳтироми хоса доранд. Ҳар сол дар мавсими даъвати навҷавонон ба сафи Қувваҳои мусаллаҳи кишвар фарзандони худро бо як хушнудӣ гусел месозанд, ки ин нишони эҳтироми мардум ба артиши миллӣ мебошад.

Рустам СОЛЕҲОВ,
ассистенти кафедраи сиёсатшиносии
Донишгоҳи давлатии шаҳри Кӯлоб



Шарҳи хонандагон +

Матолиби дигар:

Ноҳияи Носири Хусрав яке аз аввалин шуда маъракаи даъвати наваскаронро ба о ...

Ноҳияи Носири Хусрав яке аз аввалин шуда маъракаи даъвати наваскаронро ба о ...

Хабарҳо
Ҷавонони шуҷоъ ба хизмати Ватан мераванд

Ҷавонони шуҷоъ ба хизмати Ватан мераванд

Фарҳанг ва адабиёт, Хабарҳо, АМОН МАҲКАМОВ
«Суруди сарбоз» - гулчини сурудҳои ватандӯстона

«Суруди сарбоз» - гулчини сурудҳои ватандӯстона

Хабарҳо, Ҷавонон ва варзиш, Номаҳои Шумо
Пешсафони маъракаи даъвати аскарӣ

Пешсафони маъракаи даъвати аскарӣ

Хабарҳо, Ҷавонон ва варзиш, НОСИРҶОН МАЪМУРЗОДА
Ҳифзи оромии Ватан барои мо қарз аст

Ҳифзи оромии Ватан барои мо қарз аст

Сиёсат