Дар як сатр
» » Шукргузори обу хоки ватан бошем

Шукргузори обу хоки ватан бошем

22-05-2018, 12:28

Бузургон дар бораи манбаи ҳаёт ва асоси ободию рӯзгори хуши мардум будани об суханони зиёд гуфтаанд. Такя ба ин мазмун миёни мардум чунин ривояте низ маъмул аст:

Дар миёни кӯҳсори баланд як деҳаи сабзу хуррам будааст. Мардуми он деҳа тинҷу осуда ва шоду хуррам зиндагӣ мекардаанд. Боре ҳангоми сафар он деҳаро душмани одам -деви бадҳайбат дидааст. Дев зуд назди устодаш рафта аз зиндагии биҳиштосои мардуми он деҳа хабар мерасонад. Азбаски душмани одам хурсандии инсонро намехост, сахт ба ғазаб меояд. Ба лашкараш-девҳо амр медиҳад, ки рафта деҳаро ба харобазор табдил диҳанд. Душманони одам ҳарчанд барои иҷрои амри сарварашон кӯшиш мекунанд, вале ба вайрону валангор кардани деҳа қудраташон намерасад. Девҳо боз ба назди устодашон рафта мегӯянд, ки ба харобазор намудани деҳа қуввату ғайраташон намерасад. Дев ин дафъа супориш медиҳад, ки рафта оби чашмаро хушк намоянд. Девҳо як санги бузургеро ба болои чашма мегузоранд. Об хушк мешавад. Мардуми деҳа аз беобӣ ба хорию зорӣ гирифтор мешаванд. Дарахтон хушку молу чорвояшон аз беобӣ талаф меёбанд. Мардум ба зиндагии душвор тоқат накарда, аз ин деҳа кӯч мебанданд. Аммо дар тақдири онҳо одами неке пайдо гардида, сангро аз болои чашма мегирад. Об ба деҳа ҷорӣ мешавад, деҳа боз мисли пештара сабзу хуррам гашта мардумаш осудаҳол зиндагӣ мекунанд...

Мақсад аз овардани ин ривоят он аст, ки бе об зиндагӣ вуҷуд дош-та наметавонад. Боғу роғҳо ва он меваҳои ширине, ки мо аз хӯрданаш лаззат мебарем, аз файзи об мебошад. Мо бояд ба қадри ҳар як қатра оби табиат  расем ва онро сарфакорона истифода барем. Об ободию осудагии мо аст ва ҳикмати «Он ҷо ки об аст ободӣ аст» дар забони халқ аз ҳамин ҷо машҳур гаштааст. Бузургии обро дар қиссаи дигар мебинем, ки инсон барои як қатра об худро қурбонӣ кардааст. Шоири классики тоҷик Низомии Ганҷавӣ дар қиссаи "Хайр ва  Шар” ин мазмунро хеле равшану возеҳ нахуст фаҳмондааст. Хайр ва Шар ҳар ду бародар будаанд. Онҳо ба сафари дур мебароянд. Ҳангоми сафар обу нони Хайрро мехӯранд. Вақте ки навбат ба Шар мерасад ӯ аз додани обу нони худ ба ҳамсафараш даст мекашад. Хайр оҳиста-оҳиста аз ташнагӣ қуввату мадораш мераваду аз пой меафтад. Шар мебинад, ки Хайр дар дами марг аст, ба назди ӯ шарт мегузорад. Яъне, дар ивази об ду гавҳараки чашми ӯро талаб мекунад. Хайр ночор ба ин хоҳиши Шар розигӣ медиҳад. Шар ду гавҳараки чашми  Хайрро кофта мегираду дар  шарти худ ваъда хилофӣ менамояд. Ба Хайр обу нон намедиҳад, Хайр дар хоку хун оғӯшта гирёну нолон танҳо мемонад. Ӯро духтари чӯпон меёбад. Хайр бо амри тақдир шифо ёфта ба мақсад мерасад. Ҳарчанд, ки  Низомӣ муқовимати қувваи бадию некиро нишон доданӣ бошад ҳам, аммо дар баробари ин зарур будани об барои ҳаёти инсонро  зикр намудааст. Инак, дидем, ки барои инсон об чӣ гуна қимат будааст.

Ба ин мазмун Одина Муҳаммади Маъдан, шоири ибтидои асри XX, фармудааст:

Ташнаро як қатра об аз дурри

дарё беҳтар аст,

Гушнаро як пора нон аз ганҷи

 дунё беҳтар аст.

Ҷумҳурии Тоҷикистон дар қиёси давлатҳои Осиёи Марказӣ дар сарҳади оби нӯшокӣ қарор гирифтааст. Ӯ ҳазорҳо пиряхҳои азиму қуллаҳои баланди пур аз барфро дорад. Дарёҳои шӯхобаш аз миёни заминҳои зархез ҷорист. Чашмаҳои шифобахшу обҳои зулолаш дили ҳазорҳо сайёҳони ҷаҳонро ба худ кашидааст. Ҳамаи ин захираҳои бузурги обро Худованд барои мардуми тоҷик ато намудааст. Ин обу чашмаҳои шифобахш бойигарии мардуми тоҷик мебошад. Вобаста ба назардошти захираҳои бузурги об Президенти Ҷумҳурии Тоҷикистон муҳтарам Эмомалӣ Раҳмон аз минбари баланди Созмони Милали Муттаҳид баромад карда, соли 2003-ро Соли байналмилалии оби тоза эълон дошт ва онро ба муҳокимаи давлатҳои пешрафтаи ҷаҳон қарор дод. Ин иқдоми неки дурандешона ва хайрхоҳонаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар Созмони Милали Муттаҳид зиёда аз 180 давлати ҷаҳон пуштибонӣ ва дастгирӣ карданд. Ҳамин тавр бо қарори Ассамблеяи Генералии Созмони Милали Муттаҳид ташаббуси Президенти Ҷумҳурии Тоҷикистонро дастгирӣ намуда, соли 2003-ро Соли байналхалқии оби тоза эълон дошт.

Пешниҳоди дуюми Президенти Ҷумҳурии Тоҷикистон оид ба эълон намудани солҳои 2005-2015 ҳамчун Даҳсолаи байналмилалии амал "Об барои ҳаёт” ва соли 2013 Соли ҳамкориҳо дар соҳаи об аз тарафи аксарияти давлатҳои ҷаҳон қабул гардид ва барои амалӣ гардонидани он чорабиниҳои зиёдеро ҳам ба сомон расонида шуд.

Хушбахтона, пешниҳоди чоруми Сарвари давлати мо дар соҳаи об эълон гардид. Соли Даҳсолаи нави байналмилалии амал "Об барои рушди устувор, барои солҳои 2018-2028” аз тарафи ташкилоти байналхалқии Созмони Милали Муттаҳид ва мардуми бохиради давлатҳои ҷаҳон дастгирии худро ёфт ва аз 22 марти соли ҷорӣ ба фаъолият оғоз бахшид. Махсусан омӯзгорон барои амалӣ гардидани иқдомҳои нек масъулияти баландро бар дӯши худ гирифтаанд. Дар ҳар як синфхонаи таълимӣ вобаста ба амалиёти "Об барои рушди устувор дар солҳои 2018-2028” лавҳаю гӯшаҳо ва дар мавзӯъҳои "Об-манбаи ҳаёт”, "Об-хушбахтии зиндагӣ”, "Об рӯшноӣ аст!» нақша-чорабиниҳо гузаронида истодаанд. Мо - омӯзгорон нишондодҳои Паёми Сарварамонро сармашқи кори худ намуда, дар кору амал пайрави Асосгузори сулҳу ваҳдати миллӣ - Пешвои миллат мебошем.

Намоз СОЛИЕВ,

Омӯзгор



Шарҳи хонандагон +
FascinГ© par lincroyable complexitГ© du cerveau. participent au fonctionnement du cerveau. Les neurones forment . Apprendreen beautГ©. . principale activitГ© du cerveaumodifiecerveau. Depuis sa crГ©ation, la FRC a, grГўce au soutien de ses donateurs et partenaires, attribuГ©. 12227 rheumatism chez les enfants" Professeur de MГ©decine du Travail etRisquesatopique ou eczГ©malasthme etaugmentervisage etchezet les nourrissons;
5 июн 2018 03:21

Матолиби дигар:

Об - сарчашмаи ҳаёт

Об - сарчашмаи ҳаёт

Номаҳои Шумо
Тасдиқи рамзи «соли рушди  Сайёҳӣ ва ҳунарҳои мардумӣ»

Тасдиқи рамзи «соли рушди Сайёҳӣ ва ҳунарҳои мардумӣ»

ҲУНАРҲОИ МАРДУМӢ, Ҳаёти иҷтимоӣ
Захираҳои табиӣ - бойигарии мо

Захираҳои табиӣ - бойигарии мо

Хабарҳо, Тандурустӣ ва экология, Номаҳои Шумо
Мушкилоти глобалии истифодаи об  ва ташаббуси навбатии Тоҷикистон

Мушкилоти глобалии истифодаи об ва ташаббуси навбатии Тоҷикистон

Хабарҳо, Ҳаёти иҷтимоӣ, Номаҳои Шумо
22 март - Рӯзи байналмилалии захираҳои об: об сарвати бебаҳост

22 март - Рӯзи байналмилалии захираҳои об: об сарвати бебаҳост

Хабарҳо, Тандурустӣ ва экология, Номаҳои Шумо