Дар як сатр
» » Қулфинай - давои камхунию подагра

Қулфинай - давои камхунию подагра

30-04-2018, 10:05

Қулфинай, ки онро тути заминӣ ҳам меноманд, меваи хушмаззаи баҳорӣ буда, дар таркибаш қанд, кислотаҳои органикӣ, клетчатка, моддаҳои пектинӣ, витаминҳои С, Е, В1, В2, В6, В12, каротин (провитамини А), микроэлементҳо ва ғайра мавҷуд аст.

Дар тибби қадим қулфинай воситаи муҳими парҳезӣ ва давобахш маҳсуб мешуд. Табибон онро барои пешгирии пирӣ истифода мекарданд. Табибони халқӣ меваи тару хушк, афшура, барг ва решаи қулфинайро ҳангоми бемориҳои гуногуни ҷигар (холесистит, зардпарвин, гепатити куҳна, дарди санги талхадон), роҳи меъдаю рӯдаҳо (гастрит ва энтероколити музмин, бавосир ва ғ.), узвҳои пешоб (қабзияти пешоб, дарди санги масона), инчунин дар мавриди табларза (чун давои арақовар), камхунӣ, тарбод, ниқрис (подагра) ва ғ. истифода мебаранд. Бо афшураи қулфинай доғи кунҷитак ва гармичаро низ меравонанд.

Қулфинай баҳри рафъ намудани бӯйи нохуши даҳон муфид буда, бо афшураи мева ва барги қулфинай ғарғара мекунанд. Бо  баргаш шукуфа ва ҷароҳати римнокро тарбандӣ менамоянд.

Дар тибби муосири илмӣ меваи қулфинай ба сифати ғизои парҳезӣ, иштиҳоовар, ҳозим ва хунофар, ҳангоми бемориҳои гуногуни меъда, ҷигар, дилу рагҳо (миокард, бемории дил, кардиоатеросклероз, ғалаёни хун), камхунӣ, ихтилоли мубодилаи намак ва ниқрис тавсия дода мешавад. Ашхосе, ки узвҳои пешобашон санг дорад, бояд аз нӯшобаи мева ва барги қулфинай истифода кунанд. Рӯзе то 1 кг истеъмол намудани меваи қулфинай дарди санги гурда ва ниқрис (подагра)-ро даво мебахшад.

Аз ин рӯ, тавсия медиҳем, ки аз ин меваи хушлаззати баҳорӣ фаровон истеъмол кунед.



Шарҳи хонандагон +

Матолиби дигар:

«Тути балхӣ» - яке аз беҳтарин анвои тут

«Тути балхӣ» - яке аз беҳтарин анвои тут

Тандурустӣ ва экология, ҲАНГОМА ПАҲЛАВОНОВА
Волидайни гулдастам маро гулпарвар карданд

Волидайни гулдастам маро гулпарвар карданд

Арсаи кишоварзӣ, ҲАНГОМА ПАҲЛАВОНОВА
Чӣ тавр аз ботулизм эҳтиёт кунем?

Чӣ тавр аз ботулизм эҳтиёт кунем?

Хабарҳо, Тандурустӣ ва экология, ҲАНГОМА ПАҲЛАВОНОВА
Идораи кишоварзӣ: «Ҳосил фаровон аст»

Идораи кишоварзӣ: «Ҳосил фаровон аст»

Хабарҳо, Арсаи кишоварзӣ, НОСИРҶОН МАЪМУРЗОДА
Агар гирифтори зуком шудед…

Агар гирифтори зуком шудед…

Хабарҳо, Тандурустӣ ва экология, ҲАНГОМА ПАҲЛАВОНОВА