Дар як сатр
» » 15 ҷинояти авбошӣ бо истифода аз силоҳ

15 ҷинояти авбошӣ бо истифода аз силоҳ

5-04-2018, 11:13

Дар толори Прокуратураи вилояти Хатлон маҷлиси ҳайати мушовараи прокуратураи вилоят баргузор гардид. Дар ин ҳайат оид ба таҷрибаи тафтишотию судии парвандаҳои ҷиноятҳои авбошӣ ва ғоратгарӣ дар ҳудуди вилояти Хатлон мавриди таҳлил ва ҷамъбаст қарор ёфт.

 Ба қавли сардори шуъбаи назорати иҷрои қонунҳо дар мақомоти корҳои дохилӣ ва назорати маводи нашъаовари Прокуратураи вилояти Хатлон О. Шаҳидуллозода, дар соли 2017-ум дар вилоят 291 ҷиноят - марбут ба авбошӣ ва 30 ҷинояти ғоратгарӣ  ба қайд гирифта шудааст, ки нисбат ба ҳамин давраи соли гузашта ҷиноятҳои авбошӣ 45 ва ҷинояти ғоратгарӣ 9 адад зиёд мебошад. 

- Дар ин давра 15 ҳолати содиршавии ҷиноятӣ авбошӣ бо истифода аз силоҳ ва ё ашёи ба сифати силоҳ истифодашаванда, аз ҷумла дар шаҳру ноҳияҳои Бохтар 5, Кӯлоб 6, Ҷайҳун, Н. Хусрав, Ёвон, Восеъ 1- тогӣ ба қайд гирифта шудааст, - гуфт О. Шаҳидуллозода. – Инчунин, содир гардидани ҷиноятҳои ғоратгарӣ 21 парвандаи ҷиноятӣ нисбати 31 нафар бо тасдиқи фикри айбдоркунӣ барои баррасӣ намудан ба судҳо ирсол гардидааст. 

Иттилоъ дода шуд, ки дар давоми соли 2017 ошкоршавии ҷиноятҳои авбошӣ 97% ва ҷиноятҳои ғоратгарӣ 96% -ро ташкил медиҳад.

"Ба ҷинояти авбошӣ даст задани ноболиғон дар шаҳру ноҳияҳои вилояти Хатлон ташвишовар буда, бештар сокинони шаҳри Бохтар, Кӯлоб ва ноҳияҳои Ҳамадонӣ, Дӯстӣ, Шаҳритӯс, Ш. Шоҳин, Ҷ. Балхӣ, Ҷайҳун, Панҷ, Ёвон ва Темурмалик ба қайд гирифта шудааст. Дар баробари ин, 7 ҷинояти ғоратгарӣ аз тарафи ноболиғон дар шаҳри Кӯлоб, ноҳияҳои Ёвон ва Фархор ба қайд гирифта шудааст. Таҳлилҳо нишон дод, ки ҷиноятҳои авбошӣ асосан дар роҳравҳои биноҳо, ҳавлиҳо, кӯча ва назди муассисаҳои таълимӣ содир гардидаанд”, - афзуд О. Шаҳидуллозода.

Бино ба иттилои Насрулло Маҳмудзода, прокурори вилояти Хатлон ба ҳолати 1-уми январи соли 2018 дар ҳудуди вилояти Хатлон 11 нафар айбдоршавандагон бо моддаи 237 –и Кодекси ҷиноятии Ҷумҳурии Тоҷикистон ва 5 нафар бо моддаи 248-и Кодекси ҷиноятии Ҷумҳурии Тоҷикистон дар кофтуков қарор доранд.

Дар ин ҳайати мушовара иттилоъ дода шуд, ки  аз тарафи судҳои шаҳру ноҳияҳои вилояти Хатлон дар соли 2017-ум 190 парванда нисбати 293 нафар марбут ба авбошӣ баррасӣ карда шуда, аз шумораи умумии парвандаҳои баррасишуда ба 174 парвандаи ҷиноятӣ нисбати 275 нафар ҳукм бароварда шудааст. 

 

Комрони БАХТИЁР,

"Хатлон”



Шарҳи хонандагон +

Матолиби дигар:

85 эътироз ба қарорҳои раисони шаҳру ноҳияҳои вилоят

85 эътироз ба қарорҳои раисони шаҳру ноҳияҳои вилоят

Ҳуқуқу амният
Н. Маҳмудзода: “Муроҷиати шаҳрвандон бояд сари вақт баррасӣ шаванд”

Н. Маҳмудзода: “Муроҷиати шаҳрвандон бояд сари вақт баррасӣ шаванд”

Хабарҳо, Ҳуқуқу амният, НОСИРҶОН МАЪМУРЗОДА
88,5%-и ҷиноятҳо ошкор шуданд

88,5%-и ҷиноятҳо ошкор шуданд

Хабарҳо, Ҳуқуқу амният, КОМРОНИ БАХТИЁР
Прокуратура: Ҷинояткории ноболиғон афзудааст

Прокуратура: Ҷинояткории ноболиғон афзудааст

Хабарҳо, НОСИРҶОН МАЪМУРЗОДА
Ифтитоҳи 43 парванда вобаста ба ҷиноятҳои ифротгароӣ

Ифтитоҳи 43 парванда вобаста ба ҷиноятҳои ифротгароӣ

Хабарҳо, Ҳуқуқу амният, НОСИРҶОН МАЪМУРЗОДА