Дар як сатр

Рӯ ба рӯ бо мардум

5-04-2018, 10:48

Чун анъана раиси вилоят Давлатшоҳ Гулмаҳмадзода бо фаъ-олону сокинони ноҳияи Қубодиён вохӯрда, ба арзу матлаби онҳо гӯш дод.

Раиси вилоят, узви Маҷлиси миллии Маҷлиси Олии Ҷумҳурии Тоҷикистон таъкид дошт, ки тибқи дас-туру супоришҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон, бояд роҳбарони вазорату кумита, раисони вилоятҳо, шаҳру навоҳӣ дар маҳалҳо бо заҳматкашон вохӯрда, баҳри ҳалли масоили мавҷуда ва мушкилоти онҳо расидагӣ намоянд. «Аз ин лиҳоз, мулоқоти имрӯзаи мо низ ба он хотир аст, ки  баҳри ҳаллу фасли мушкилоти мавҷуда, суҳбати рӯ ба рӯ дошта бошем», - ироа намуд раиси вилоят Давлатшоҳ Гулмаҳмадзода  ва афзуд, ки тамоми қонунҳои амалкунандаи Ҷумҳурии Тоҷикистон, аз ҷумла санади тақдирсоз - Конститутсияи Ҷумҳурии Тоҷикистон баҳри ҳимояву ҳифзи ҳуқуқҳои шаҳрвандон равона гардидааст. Донистани қонун имкон медиҳад, ки дар ҳама ҳолат шаҳрвандон аз ҳуқуқҳои хеш дифоъ намоянд.

Сипас, сокинони ноҳияи Қубодиён ба раиси вилоят арзи дил намуданд. Собиқадори меҳнат, сокини Ҷамоати деҳоти "Тахти сангин"-и деҳаи Авесто Қувват Додов ҷиҳати дастгирӣ барои оғози корҳои сохтмонии обанбори Кофарниҳони Поён арзи матлаб намуд. Доир ба масъалаи мазкур ҳанӯз дар даврони собиқ Иттиҳоди Шӯравӣ, яъне соли 1970 лоиҳа пешниҳод гардида буд, вале бо сабаби пош хӯрдани Иттиҳоди Шӯравӣ лоиҳаи мазкур амалӣ нагардид. Дар натиҷаи бунёди обанбори мазкур дар ҳудуди ноҳияҳои Қубодиён, Шаҳритӯс ва Носири Хусрав беш аз 70 ҳазор гектар замин обёрӣ мешавад. Атрофи масъалаи мазкур роҳбари вилоят андешаҳои хешро баён дошта, таъкид намуданд, ки масъалаҳое, ки дар атрофи ободонию бунёдкорӣ мавҷуданд, батадриҷ роҳи ҳалли хешро меёбанд.

Хусрави Маҷнун, сокини Ҷамоати деҳоти "И. Ниёзов”, деҳаи Мир Шикор оид ба дастгирӣ барои ба рӯйхати  хатсайрҳои сайёҳӣ дохил намудани мавзеъҳои таърихию сайёҳии "Тахти сангин”, "Кӯли Раҳматулло”, "Хоҷамашҳад” ва "Чилучорчашма” арзи матлаб намуд. Роҳбари вилоят изҳор дошт, ки дарвоқеъ бо дастгирӣ ва иқдоми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018 Соли рушди сайёҳӣ ва ҳунарҳои мардумӣ эълон гардидааст. Ҳадафи Роҳбари давлатамон аз ин иқдом эҳёи ҳунарҳои миллӣ, рушди сайёҳӣ, бунёди коргоҳҳои хурди истеҳсоли маҳсули ҳунарҳои ҳунармандон, бунёди муассисаҳои маишиву хизматрасонӣ мебошад.

Барои он ки  садҳо ҷойи нави корӣ пайдо гардаду дар ин замина касбу ҳунар ва шуғлҳои аҷдоди-амон аз нав эҳё шавад, пеш аз ҳама ширкатҳои сайёҳӣ таъсис додан зарур аст, - ёдовар гардид Давлатшоҳ Гулмаҳмадзода.

Тошпӯлод Розиев, сокини Ҷамоати деҳоти "Заркамар” бобати дастгирӣ ҷиҳати ба имзо расидани парвандаи замин барои сохтмони муассисаи таҳсилоти миёнаи умумӣ дар деҳаи Учқунобод арзи дил намуд. Равшан гардид, ки қарорҳои раиси ноҳия ва раиси вилоят ба тасвиб расида, парванда ба Кумитаи идораи замин ва геодезии Ҷумҳурии Тоҷикистон фиристода шудааст. Дар ин деҳа беш аз 780 хоҷагӣ, 4019 нафар аҳолӣ сукунат доранд ва беш аз 500 нафар хонандагон масофаи 3 - 5 км роҳро тай намуда, ба мактаб мераванд. Атрофи масъалаи мазкур роҳбари вилоят дастуру супоришҳо доданд.

Шодӣ Саймуродов, Маҳмад-исо Абдуллоев, Билол Сайҳунов, Адолат Сайфуллоева, Нуриннисо Ҷабборова доир ба масъалаҳои таъмиру тармими осорхонаи таърихию кишваршиносӣ, мусоидат намудан ҷиҳати пахши мавҷи телевизиони Хатлон, таъминоти техни ка, барои беҳтар намудани ҳолати мелиоративии заминҳо, бунёди китобхона, ошхона ва варзишгоҳ дар мактаби №54 ва баррасии парвандаҳо дар идораи барқи ноҳия муроҷиат намуданд.

Роҳбари вилоят баҳри ҳаллу фасли масъалаҳои ҷойдошта ба намояндагони соҳаҳои марбута дастуру супоришҳо доданд. Сипас, роҳбари вилоят аз масъулини соҳаҳои иқтисодиёту иҷтимоиёт пурсиш ба амал оварда, баҳри рафъи камбудиҳои ҷойдошта дар ин соҳаҳо масъулинро муваззаф намуданд.  Раиси вилоят Давлатшоҳ Гулмаҳмадзода ҳамчунин доир ба Паёми Президенти Ҷумҳурии Тоҷикистон "Дар бораи самтҳои сиёсати дохиливу хориҷии Ҷумҳурии Тоҷикистон” андеша ронда, таъкид дошт, ки Асосгузори сулҳу ваҳдати миллӣ-Пешвои миллат Эмомалӣ Раҳмон дар Паёми навбатии хеш ба Маҷлиси Олӣ аз вазъи сиёсии ҷаҳон  оғоз намуд. Ин бесабаб нест. Падидаҳои номатлуб имрӯз дар гӯшаву канори олам ба чашм мерасад, ки ҳазорҳо нафар ҷавононро ба ҷодаи пурхатар гурӯҳҳои террористиву экстремистӣ шомил намуда, дар гӯшаву канори олам нооромиву низоъ ва ваҳшатафканӣ намуда, садҳо нафарро куштаву ҳазорҳо манзилу шаҳрҳои ободро валангор намуданд. Аз ин лиҳоз Президенти мамлакат  таъкид намуданд, ки кишвари Тоҷикистон бо мақсади вокуниши саривақтӣ ба таҳдиду хатарҳои ҷаҳонӣ дар раванди ташаккули иқтидори муносиби дохилӣ ва хориҷӣ тадбирҳои муассир меандешанд.

Тавре ки раиси вилоят ироа дошт, дар Паёми Роҳбари давлат бобати ин масъалаи доғи рӯз махсус таъкид шудааст. Бо мақсади таъмини амнияти устувор ҷиҳати пешгирӣ аз хатарҳои афзояндаи терроризму ифротгароӣ ва дигар таҳдидҳои замони муосир Ҳукумати Тоҷикистон  ҳамкориҳои густурдаро бо созмонҳои байналмилаливу минтақавӣ ва кишварҳои шариф тақвият мебахшанд. Ҳамчунин, роҳбари вилоят доир ба иқдомҳои неку инсондӯстонаи Асосгузори сулҳу ваҳдати миллӣ-Пешвои миллат сухан ронда, таъкид намуд, ки дар айёми таҷлили ҷашни Наврӯзи байналмилалӣ ва Рӯзи ҷаҳонии об-22 март дар маҷмааи Созмони Милали Муттаҳид ташаббуси нави глобалии Президенти мо Даҳсолаи байналмилалии амал "Об барои рушди устувор, 2018-2028” ба кори хеш оғоз бахшид, ки ин боиси ифтихори ҳар як фарди ватандӯст мебошад. Роҳбари вилоят доир ба дигар самтҳои Паёми Президенти мамлакат соҳаҳои маориф, тандурустӣ, раҳоӣ аз бунбасти коммуникатсионӣ, рушди саноат, энергетика таъкид ба миён овард.

Баҳри дар амал татбиқ гардидани дастуру супоришҳои Роҳбари давлат дар Паёми навбатиаш ба Маҷлиси Олӣ ба сокинони ноҳияи Қубодиён супоришҳои мушаххас дод.


Шарҳи хонандагон +

Матолиби дигар:

«ҶАШНИ БАЙНАЛМИЛАЛИИ НАВРӮЗРО БО  ОБОДОНИЮ СОЗАНДАГӢ ИСТИҚБОЛ МЕГИРЕМ!»

«ҶАШНИ БАЙНАЛМИЛАЛИИ НАВРӮЗРО БО ОБОДОНИЮ СОЗАНДАГӢ ИСТИҚБОЛ МЕГИРЕМ!»

Ҳокимияти давлатӣ, АСАЛМО САФАРОВА
Бо меҳнати аҳлона мушкилоти ҷомеаро бартараф созем

Бо меҳнати аҳлона мушкилоти ҷомеаро бартараф созем

Ҳокимияти давлатӣ, АСАЛМО САФАРОВА
Раиси вилоят: «Ба арзу дархости мардум таваҷҷуҳи бештар мебояд»

Раиси вилоят: «Ба арзу дархости мардум таваҷҷуҳи бештар мебояд»

Хабарҳо, Ҳаёти иҷтимоӣ, АСАЛМО САФАРОВА
Д. Гулмаҳмадзода: “Қарздиҳӣ аз ҷониби бонкҳо коҳиш ёфтааст”

Д. Гулмаҳмадзода: “Қарздиҳӣ аз ҷониби бонкҳо коҳиш ёфтааст”

Хабарҳо, Ҳокимияти давлатӣ, Ҳаёти иҷтимоӣ
Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Хабарҳо, Ҳокимияти давлатӣ, АСАЛМО САФАРОВА