Дар як сатр
» » Ҷомӣ. Ҷавонон касбу ҳунар меомӯзанд

Ҷомӣ. Ҷавонон касбу ҳунар меомӯзанд

11-03-2018, 10:18

Бо мақсади рушди касбу ҳунаро-мӯзии бонувону ҷавондухтарон ва эълон гардидани соли 2018 ҳамчун Соли рушди сайёҳӣ ва ҳунарҳои мардумӣ дар ноҳияи Абдурраҳмони Ҷомӣ бо иқдоми масъулини мақомоти маҳаллӣ ва муассисаи давлатии таълимии литсейи касбии техникӣ  10 адад дастгоҳи  адрасбофӣ насб гардида, дар заминаи ихтисоси дӯзандагӣ курсҳои омӯзишӣ ба роҳ монда шуд.    

Ҳамакнун ҷавондухтарон дар доираи дарс ва берун аз он, яъне дар вақтҳои холӣ метавонанд ба омӯзиши адрасбофӣ бо истифода аз дастгоҳҳои нав машғул шаванд.

 Бояд гуфт, ки дар ин муассисаи касбомӯзӣ 287 нафар ҷавонон аз рӯйи ихтисоси тракторчӣ, машинисти истеҳсоли кишоварзӣ, кафшергари барқӣ, дӯзанда, ронандаи автомобили дараҷаи  С, челонгар, таъмири автомобил ба касбу ҳунаромӯзӣ фаро гирифта шудаанд.

Мувофиқи талаботи давр Бунафша Мирзоева, омӯзгори муассисаи мазкур, ба шаҳри Хуҷанд рафта, такмили ихтисос карда, имрӯз ба омӯзонидани шогирдон машғул аст.

Имрӯзҳо қариб дар тамоми шаҳру ноҳияҳои вилояти Хатлон литсейҳои касбии техникӣ фаъолият дошта, дар онҳо бо ихтисосҳои барои хоҷагии халқи мамлакат зарур, хонандагон ба касбомӯзӣ фаро гирифта шудаанд. Ҳамзамон, дар доираи эълон гардидани Соли рушди сайёҳӣ ва ҳунарҳои мардумӣ масъулин мекӯшанд, ки бо истифода аз шароити мавҷуда ба ҷавонон касбу ҳунарҳои мардумиро низ омӯзонанд.

 

Низомиддин ИСОЕВ,

                    «Хатлон»



Шарҳи хонандагон +

Матолиби дигар:

А. Холиқзода: «бузургтарин неъмат барои ҳар як миллат  оромии ҷомеа аст»

А. Холиқзода: «бузургтарин неъмат барои ҳар як миллат оромии ҷомеа аст»

Ҳаёти иҷтимоӣ
ИСТЕҲСОЛИ ЛИМӮ БАРЗИЁД ИҶРО ГАРДИД

ИСТЕҲСОЛИ ЛИМӮ БАРЗИЁД ИҶРО ГАРДИД

Иқтисоду тиҷорат
ЗАНОН-БУНЁДСОЗИ ҶОМЕА

ЗАНОН-БУНЁДСОЗИ ҶОМЕА

Ҳаёти иҷтимоӣ, НАҶОТ САФАРЗОДА
Чорабинӣ хотирмон гузашт

Чорабинӣ хотирмон гузашт

ҲУНАРҲОИ МАРДУМӢ, ИСМАТУЛЛО ҲАСАНОВ
Тасдиқи рамзи «соли рушди  Сайёҳӣ ва ҳунарҳои мардумӣ»

Тасдиқи рамзи «соли рушди Сайёҳӣ ва ҳунарҳои мардумӣ»

ҲУНАРҲОИ МАРДУМӢ, Ҳаёти иҷтимоӣ