Дар як сатр
» » Фалаки тоҷик 28-сола шуд

Фалаки тоҷик 28-сола шуд

16-10-2017, 10:43

Фалаки тоҷик 28-сола шуд


Даҳуми октябрро ҳамасола дар саросари ҷумҳурӣ ҳамчун Рӯзи Фалак ботантана ҷашн мегиранд. Одатан дар ин рӯз, дар тамоми гӯшаю канори мамлакат як силсила барномаҳои фарҳангӣ бо иштироки бевоситаи фалаксароён, оҳангу садои ширин ва таронаҳои пурмазмуну дилнишини онҳо доир мегардад.

Бахшида ба ин рӯз дар мактаби санъати бачагонаи шаҳри Қӯрғонтеппа низ бо ширкати раиси шаҳр Абдуаллим Исмоилзода чорабинии фарҳангӣ ва озмуни «Фалаксарои беҳтарин» миёни наврасон баргузор гардид.

Нахуст раиси шаҳри Қӯрғонтеппа А. Исмоилзода аз дастовардҳои шогирдони мактаби санъати бачагонаи шаҳр дидан намуд. Пас аз баргузории чорабинии мазкур фалаксароёнро ба Рӯзи фалак табрику таҳният намуда, ба ҳунари сарояндагии онҳо баҳои баланд дода, аҳсант хонд.

Дар фарҷоми чорабинӣ барандагони озмуни «Фалаксарои беҳтарин» бо дипломҳо ва туҳфаҳои хотиравӣ қадрдонӣ карда шуд.

Бояд гуфт, ки ансамбли «Фалак» ҳанӯз 28 сол қабл, яъне 20 июли соли 1989 бо Қарори Ҳукумати Ҷумҳурии Тоҷикистон таҳти роҳбарии Ҳунарманди мардумии Тоҷикистон Давлатманд Холов дар шаҳри Кӯлоби вилояти Хатлон таъсис ёфта буд. Пас аз фаъолияти 16-солаи ансамбл дар санаи 16 ноябри соли 2001 бо ташаббуси Президенти ҷумҳурӣ Эмомалӣ Раҳмон ба ансамбли «Фалак» мақоми давлатӣ дода шуд.

Низомиддин ИСОЕВ,
«Хатлон»



Шарҳи хонандагон +

Матолиби дигар:

Таҷлили Рӯзи омӯзгорон дар Данғара

Таҷлили Рӯзи омӯзгорон дар Данғара

Хабарҳо, Маориф ва илм, КОМРОНИ БАХТИЁР
Озмуни вилоятӣ, ки 5000 сомонӣ ҷоиза дорад, 4-уми май ҷамъбаст мешавад

Озмуни вилоятӣ, ки 5000 сомонӣ ҷоиза дорад, 4-уми май ҷамъбаст мешавад

Фарҳанг ва адабиёт, Хабарҳо, ҲАНГОМА ПАҲЛАВОНОВА
Таъсиси ансамблҳои рақсӣ дар Қӯрғонтеппа

Таъсиси ансамблҳои рақсӣ дар Қӯрғонтеппа

Фарҳанг ва адабиёт, Хабарҳо, ҲАНГОМА ПАҲЛАВОНОВА
Кӯдакону наврасони мактаби санъат хушнавозанд

Кӯдакону наврасони мактаби санъат хушнавозанд

Фарҳанг ва адабиёт, Хабарҳо, АМОН МАҲКАМОВ
Кӯлоб. Озмуни «Шукуфаҳои баҳор»

Кӯлоб. Озмуни «Шукуфаҳои баҳор»

Фарҳанг ва адабиёт, Хабарҳо, ҲАНГОМА ПАҲЛАВОНОВА