Дар як сатр
» » Ҳашари пахтачинӣ бо ширкати зиёда аз се ҳазор нафар

Ҳашари пахтачинӣ бо ширкати зиёда аз се ҳазор нафар

4-10-2017, 12:57

Ҳашари пахтачинӣ бо ширкати зиёда аз се ҳазор нафар

Хатлон вилояти агро-саноатӣ ба шумор рафта, ҳамасола аз ҳисоби кишти пахта фоидаи хубе ба даст меоварад. Имсол низ дар майдони 119 ҳазору 550 гектар замин кишти пахтаро ба роҳ монда, тибқи нақшаи дурнамо бояд дар вилоят 250 ҳазор тонна пахта ҷамъоварӣ шавад. То якуми октябри соли 2017-ум 196 ҳазору 396 тонна пахта ҷамъоварӣ карда шуд.

Ҷиҳати саривақт ва хушсифат ҷамъоварӣ кардани ҳосили пахта бо иқдоми раиси вилояти Хатлон Давлатшоҳ Гулмаҳмадзода шанбеи гузашта ҳашари пахтачинӣ эълон гардид. Ин иқдом аз ҷониби шаҳриён пазируфта шуд. Кормандон аз тамоми корхонаю муассисаҳои вилоят бо теъдоди зиёда аз 3 ҳазор нафар бо майлу хоҳиши худ як рӯз ба ҷамъоварии пахта баромаданд.

Бояд гуфт, ки ин иқдом тайи чанд соли ахир дар вилояти Хатлон амалӣ нашуда буд. Ва ин навбат, ҳашари умумӣ аз заминҳои пахтазори хоҷагии «Файзали Саидов»-и ноҳияи Бохтар оғоз ёфт.

Қодиралӣ Тоҳиров, Саркишоварзи хоҷагии «Файзалӣ Саидов» зимни суҳбат бо мо чунин иброз дошт: Имрӯз дар ин хоҷагӣ аз тамоми корхонаҳои вилоят дар доираи ҳашари умумӣ барои ғундоштани пахта камари ҳиммат бастаанд.

Ба гуфтаи ӯ имсол хоҷагӣ дар майдони 10 ҳазору 900 саду 40 гектар замин пунбаи навъҳои “Хатлон” 2014 кишт кардааст.

Ҳашари пахтачинӣ бо ширкати зиёда аз се ҳазор нафар

Бохтар дар вилояти Хатлон яке аз ноҳияи калонтарин ба шумор рафта, то имрӯз аз майдони 11 ҳазору 481 гектар замини пахта 19 ҳазору 452 тонна «тилои сафед» ғундоштааст.

Бо назардошти нархи нахи пахта дар бозори ҷаҳонӣ ва талабот ба ин ашёи хоми саноатӣ бо ташаббуси соҳибкор Нусратулло Файзуллоев ба ин хоҷагӣ навъҳои тухмиҳои навъи хориҷии хушсифат ва серҳосили пахта оварда шуда, дар заминҳои хоҷагии «ФайзалӣСаидов» кишт гардид.

Дар ҳашари дастҷамъӣ раиси вилояти Хатлон Д. Гулмаҳмадзода ва муовини Сарвазири кишвар Маҳмадтоҳир Зокирзода фаъолона ширкат доштанд. Ҳамчунин дар ин рӯз аз хурд то бузург ба ҷамъоварии “Тиллои сафед” машғул шуданд.

Мутасаддиён иброз доштанд, ки иқдоми раиси вилоят саривақтӣ буда, барои ҳарчи зудтар ҷамъоварӣ намудани маҳсули заҳмати марди деҳқон мусоидат мекунад.

Маврид ба ёдоварист, ки ахиран зимни Иҷлосия раиси вилоят зикр дошт, ки пахта яке аз ашёи хоми асосии саноатӣ ва содиротӣ дар мамлакат мебошад. Аз ин рӯ , раисони шаҳру ноҳияҳои вилоятро лозим аст, ки аз ҳавои мусоид истифода карда, барои сари вақт ва бе талаф ҷамъоварӣ кардани пахта чораҳои заруриро андешанд.

Н. ИСОЕВ,
«Хатлон



Шарҳи хонандагон +

Матолиби дигар:

Муждаи пахтакорони Шаҳритӯсӣ дар арафаи ҷашни истиқлол

Муждаи пахтакорони Шаҳритӯсӣ дар арафаи ҷашни истиқлол

Хабарҳо, Арсаи кишоварзӣ, НОСИРҶОН МАЪМУРЗОДА
Кишти пахтаву зироатҳои дигар бомаром ҷараён дорад

Кишти пахтаву зироатҳои дигар бомаром ҷараён дорад

Хабарҳо, Арсаи кишоварзӣ, НОСИРҶОН МАЪМУРЗОДА
Идомаи кишти пахта дар Хатлон

Идомаи кишти пахта дар Хатлон

Хабарҳо, Арсаи кишоварзӣ, ҲАНГОМА ПАҲЛАВОНОВА
То имрӯз дурнамо 51,3% иҷро шуд

То имрӯз дурнамо 51,3% иҷро шуд

Хабарҳо, Арсаи кишоварзӣ, НОСИРҶОН МАЪМУРЗОДА
Дурнамои чиниши пахта 31,9% иҷро шуд

Дурнамои чиниши пахта 31,9% иҷро шуд

Хабарҳо, Арсаи кишоварзӣ, НОСИРҶОН МАЪМУРЗОДА