Дар як сатр
» » Намояндагони Шӯрои ҷамъиятии ВКД Ҷумҳурии Қирғизистон дар Хатлон

Намояндагони Шӯрои ҷамъиятии ВКД Ҷумҳурии Қирғизистон дар Хатлон

4-10-2017, 11:30

Намояндагони Шӯрои ҷамъиятии ВКД Ҷумҳурии Қирғизистон дар Хатлон

Тибқи стратегияи ислоҳоти милитсия барои солҳои 2013-2020, ки бо Фармони Президенти Ҷумҳурии Тоҷикистон тасдиқ гардидааст, айни замон дар ҳудуди ҷумҳурӣ Барномаи ислоҳоти милитсия барои солҳои 2014-2020 амалӣ гашта истодааст.

Яке аз самтҳои барнома таъсиси Шӯроҳои ҷамъиятиро дар бар мегирад. Бояд тазаккур дод, ки шӯроҳои ҷамъиятӣ дар тамоми қаламрави Ҷумҳурии Тоҷикистон, аз ҷумла дар вилояти Хатлон, фаъолият дорад. Ҳадафи Шӯрои ҷамъиятӣ пеш азҳама мусоидати ҷомеаи шаҳрвандӣ дар таъмини тартиботи ҷамъиятӣ, ҳамчунин, фаъол намудани мақеи ҷомеаи шаҳрвандӣ дар пешгирию ошкор намудани ҷиноят ва ҳуқуқвайронкуниҳо ба шумор меравад.

Вазифаҳои асосии Шӯрои ҷамъиятӣ баланд бардоштани боварии аҳолӣ ба системаи ҳифзи ҳуқуқ мебошад. Аъзоёи Шӯрои ҷамъиятӣ дар якҷоягӣ бо мақомоти ҳифзи ҳуқуқ, хусусан бахшҳои ҳифзи тартиботи ҷамъиятӣ, нозирони минтақавӣ барои пешгирии зуҳуроти номатлуб, аз ҷумла шомилшавии ҷавонон ба ҳизбҳои экстремистӣ-террористӣ, як қатор корҳои фаҳмондадиҳӣ бурда истодаанд.

3 октябри соли равон барои ошноӣ пайдо намудан ба фаъолияти Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Раёсати Вазорати корҳои дохилии Ҷумҳурии Тоҷикистон дар вилояти Хатлон як гурӯҳ аъзои Шӯрои ҷамъиятии Вазорати корҳои дохилии Ҷумҳурии Қирғизистон ба вилояти Хатлон сафар намуданд. Меҳмонони олиқадрро ҳамоҳангсози миллӣ доир ба ислоҳоти милитсияи Вазорати корҳои дохилии Ҷумҳу-рии Тоҷикистон генерал майори милиса Шодмонзода Фарҳодбек Алиёр, муовини сардори Раёсати корҳои дохилии вилояти Хатлон Вализода Илҳом, раиси Шӯрои ҷамъиятӣ Лоҳутӣ Шоҳназаров, Хирад Каргасов, ҳамоҳангсози ТБ “Ҷаҳони бехатар” ҳамроҳӣ намуданд.

Мулоқоти хотирмон дар тарабхонаи “Леваканд”-и шаҳри Қӯрғонтеппа сурат гирифт. Чорабиниро ҳамоҳангсози миллӣ доир ба ислоҳоти милитсияи ВКД Ҷумҳурии Тоҷикистон генерал майори милитсия Шодмонзода Фарҳодбек Алиёр ҳусни оғоз бахшида, доир ба фаъолияти шӯроҳои ҷамъиятӣ дар Ҷумҳурии Тоҷикистон ибрози назар намуд. Муовини раиси Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар Раёсати Вазорати корҳои дохилии Ҷумҳурии Тоҷикистон дар вилояти Хатлон Асалмо Сафарова сухан намуда, доир ба фаъолияти Шӯрои ҷамъиятӣ ҳисоботи муфассал дод.

Намояндагони Шӯрои ҷамъиятии ВКД Ҷумҳурии Қирғизистон дар Хатлон

Тавре ки номбурда таъкид дошт, аъзои шӯрои ҷамъиятӣ таҳти роҳбарии Лоҳутӣ Шоҳназаров тӯлӣ фаъолияти хеш ба як қатор дастовардҳо ноил гардиданд. Аз ҷумла, тибқи нақшаи корӣ дар 25 шаҳру навоҳии вилоят бо қишрҳои гуногуни ҷомеа суҳбату вохӯриҳо доир намуданд. Дар ин мулоқот пеш аз ҳама аз дастовардҳои Ваҳдати миллӣ, самараҳои Истиқлолияти давлатӣ андеша баён намуда, барои пешгирии ҷавонон аз шомилшавӣ ба ҳар гуна ҳизбу ҳаракатҳои террористӣ андеша баён доштанд.

Ҳамин тавр, зимни ҷамъомад раиси Шӯрои ҷамъиятӣ назди РВКД Ҷумҳурии Тоҷикистон дар вилояти Хатлон Лоҳутӣ Шоҳназаров низ андешаҳои хешро нисбати фаъолияти Шӯро ва нақшаҳои минбаъда баён дошт. Намояндагони Шӯрои ҷамъиятии Вазорати корҳои дохилии Ҷумҳурии Қирғизистон низ доир ба фаъолияти хеш, дастовард ва нақшаҳои корӣ ибрози андеша намуда, изҳор доштанд, ки зимни сафари корӣ аз фаъолияти Шӯрои ҷамъиятӣ РВКД Ҷумҳурии Тоҷикистон дар вилояти Хатлон таҷриба омӯхта, минбаъд дар фаъолияти хеш онҳоро мавриди истифода қарор медиҳад. Пас аз суҳбати мизи мудаввар меҳмонон аз дафтари кории Шӯрои ҷамъиятии РВКД Ҷумҳурии Тоҷикистон дар вилояти Хатлон дидан намуданд.

Зимни суханронӣ намояндагони Ҷумҳурии Қирғизистон аз он изҳори хушнудӣ намуданд, ки маркази вилояти Хатлон-шаҳри Қӯрғонтеппа нисбати 20 соли қабл хеле ободу зебо гаштааст. Биноҳои хуштарҳу замонавӣ, кӯчаҳои ободу зебои маркази вилоят гулпӯш гардидааст, ки ба кас ҳаловати хоса мебахшад. Сафари кории намояндагони Шӯ-рои ҷамъиятии Вазорати корҳои дохилии Ҷумҳурии Қирғизистон дар шаҳри Норак низ идома ёфт.

ВАХШОНА,
“Хатлон”



Шарҳи хонандагон +

Матолиби дигар:

Ҳадафи ислоҳот – ҳамкории бештари милитсия бо мардум

Ҳадафи ислоҳот – ҳамкории бештари милитсия бо мардум

Хабарҳо, Ҳокимияти давлатӣ, Ҳуқуқу амният, АСАЛМО САФАРОВА
Дар таъмини сулҳу ваҳдат ҳамагон саҳмгузор бошем

Дар таъмини сулҳу ваҳдат ҳамагон саҳмгузор бошем

Хабарҳо, Ҳокимияти давлатӣ, Фарҳанг ва адабиёт, АСАЛМО САФАРОВА
Вохӯрии Искандар Солеҳзода бо аъзои Шӯрои ҷамъиятӣ

Вохӯрии Искандар Солеҳзода бо аъзои Шӯрои ҷамъиятӣ

Хабарҳо, Ҳуқуқу амният, КОМРОНИ БАХТИЁР
Дар рушди ҷомеаи шаҳрвандӣ саҳмгузор бошем

Дар рушди ҷомеаи шаҳрвандӣ саҳмгузор бошем

Хабарҳо, Ҳуқуқу амният, АСАЛМО САФАРОВА
Нахустин нишасти Шӯрои ҷамъиятӣ оид ба ислоҳоти милитсия

Нахустин нишасти Шӯрои ҷамъиятӣ оид ба ислоҳоти милитсия

Хабарҳо, Ҳуқуқу амният, АСАЛМО САФАРОВА