Дар як сатр
» » Оғози бунёди Маркази табобатии тиббии ба номи Исмоили Сомонӣ ва мулоқот бо сокинону фаъолони ноҳияи Вахш

Оғози бунёди Маркази табобатии тиббии ба номи Исмоили Сомонӣ ва мулоқот бо сокинону фаъолони ноҳияи Вахш

16-08-2017, 12:15

Оғози бунёди Маркази табобатии тиббии ба номи Исмоили Сомонӣ ва мулоқот бо сокинону фаъолони ноҳияи Вахш


Дар доираи сафари корӣ дар ноҳияи Вахш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷамоати деҳоти “20 - солагии Истиқлолияти Тоҷикистон” барои бунёди Маркази табобатии тиббии ба номи Исмоили Сомонӣ санги асос гузошта, дар ҳамин ҷо бо сокинону фаъолони ноҳия суҳбату мулоқоти самимию созанда доир карданд.

Маркази табобатӣ бо ҳидояти Пешвои миллат муҳтарам Эмомалӣ Раҳмон ба хотири солимии ҷомеа, дастрасии аҳолӣ ба хизматрасонии хуби тиббӣ аз ҷониби соҳибкори маҳаллӣ роҳбари Хоҷагии деҳқонии тухмипарварию зотпарварии “Кӯлоб” Қурбоналӣ Юсупов дар давоми 1 сол бунёд мегардад.

Тавре ба Сарвари давлат муҳтарам Эмомалӣ Раҳмон соҳибкори ватандӯст иттилоъ дод, ба хотири дастрасии аҳолӣ ба хизматрасонии хуби тиббӣ ва мусоидат баҳалли мушкилоти иҷтимоии сокинон дар маркази табобатӣ нав хизматрасонӣ ройгон ба роҳ монда мешавад.

Бинои маркази табобатӣ чорошоёна хоҳад буд ва дар сурати пурра ба истифода додани он беш аз 60 нафар бо ҷойи кори доимӣ таъмин хоҳанд шуд.

Дар рафти корҳои сохтмонӣ 50 нафар сокинони маҳаллӣ бо ҷойи кори муваққатӣ ва маоши хуб таъмин мегарданд.

Дар ошёнаҳои аз якум то чорум беш аз 25 синфхонаи таълимӣ, 15 утоқи корӣ, наздики 70 кати хоб барои беморон, хобгоҳ ва толори маҷлис сохта мешавад.

Оғози бунёди Маркази табобатии тиббии ба номи Исмоили Сомонӣ ва мулоқот бо сокинону фаъолони ноҳияи Вахш

Ёдовар мешавем, ки қаблан ҳам роҳбарияти Хоҷагии деҳқонии тухмипарварию зотпарварии “Кӯлоб”-и ноҳияи Вахш иқдомҳои шоиста намуда, дар ҳудуди ҷамоат якчанд иншооти муҳими таълимӣ, хизматрасонию маиширо ба истифода дода буданд.

Президенти мамлакат ба ташаббусҳои созандаву ватандӯстонаи соҳибкорон изхори сипос карда, ба онҳо дар ин кори пуршараф барору комёбӣ орзу намуданд.

Дар хаминҷо Пешвои миллат муҳтарам Эмомалӣ Раҳмон бо сокинону фаъолони ноҳияи Вахш мулоқот карда, фаъолияти ҳамаи бахшҳои хоҷагии халқи ноҳияро давоми 25 соли соҳибистиқлолӣ натиҷагирӣ намуданд.

Сарвари давлат бо итминон таъкид доштанд, ки мардуми меҳнатқарини ноҳия минбаъд низ аҳлона заҳмат кашида 26 солагии истиқлолияти давлати хешро бо дастовардҳои арзандаи меҳнатӣ истиқбол мегиранд.


Шарҳи хонандагон +

Матолиби дигар:

Оғози фаъолияти Маркази таълимӣ - истеҳсолии атласу адрасбофӣ ва Маркази са ...

Оғози фаъолияти Маркази таълимӣ - истеҳсолии атласу адрасбофӣ ва Маркази са ...

Хабарҳо, Ҳокимияти давлатӣ, Иқтисоду тиҷорат
Гузоштани санги асос ба сохтмони бинои Коллеҷи аграрии вилояти Хатлон дар м ...

Гузоштани санги асос ба сохтмони бинои Коллеҷи аграрии вилояти Хатлон дар м ...

Хабарҳо, Ҳокимияти давлатӣ
Ифтитоҳи мактаби №26 дар деҳаи Баҳори ҷамоати Фирӯзаи ноҳияи Носири Хусрав

Ифтитоҳи мактаби №26 дар деҳаи Баҳори ҷамоати Фирӯзаи ноҳияи Носири Хусрав

Хабарҳо, Ҳокимияти давлатӣ, Маориф ва илм
Мулоқоти Сарвари давлат бо роҳбарону фаъолон ва намояндагони сокинони вилоя ...

Мулоқоти Сарвари давлат бо роҳбарону фаъолон ва намояндагони сокинони вилоя ...

Хабарҳо, Ҳокимияти давлатӣ
Ифтитоҳи мактаби №9 дар деҳаи Сангтудаи ноҳияи Данғара

Ифтитоҳи мактаби №9 дар деҳаи Сангтудаи ноҳияи Данғара

Хабарҳо, Ҳокимияти давлатӣ