Дар як сатр
» » Сафари кории Пешвои миллат ба ноҳияи Қубодиён

Сафари кории Пешвои миллат ба ноҳияи Қубодиён

4-08-2017, 08:30

Сафари кории Пешвои миллат ба ноҳияи Қубодиён


Субҳи имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо мақсади шиносоӣ бо корҳои бунёдкорию созандагӣ ва рафти кишту кор ба ноҳияи Қубодиёни вилояти Хатлон ташриф оварданд.

Сарвари давлатро дар фурудгоҳи муваққатӣ сокинони шарафманд ва меҳнатқарини ноҳия бо самимияти хоса ва муҳаббати беандоза истиқбол намуданд.

Сафари кории Пешвои миллат ба ноҳияи Қубодиён

Дар доираи сафари корӣ ба ноҳияи Қубодиёни вилояти Хатлон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо рафти корҳои саҳроӣ, аз ҷумла оғози ҷамъоварии ҳосили пахта ва парвариши сабзавот дар хоҷагиҳои деҳқонии деҳаи Ҳаваскори Ҷамоати деҳоти "Тахти Сангин" шинос шуда, ҳамзамон аз намоиши маҳсулоти кишоварзию чорводорӣ ва саноатии ноҳияи мазкур дидан намуданд.

Сафари кории Пешвои миллат ба ноҳияи Қубодиён

Иттилоъ дода шуд, ки соли равон кишоварзони ноҳияи Қубодиён аз кишти ҳамаи навъҳои ғалладонагиҳо маҳсулоти дилхоҳ ба даст овардаанд. Тибқи нишондод то 1 июли соли равон барзгарон аз майдони умумии 2 ҳазору 300 гектар зиёда аз 10 ҳазор тонна маҳсулоти ғалладонагӣ рӯёнидаанд.

Пешвои миллат муҳтарам Эмомалӣ Раҳмон инчунин бо вазъи пахтакорӣ дар Хоҷагии деҳқонии Маҳмадӣ Полвон-и деҳаи Ҳаваскор шинос гардиданд. Меҳнаткашони хоҷагии мазкур соли равон дар майдони 6 гектар кишти пахтаи навъи "Тоҷикистон"-ро бо усули ҷадиди зери плёнка ба роҳ мондаанд. Истифодаи чунин усул имкон дод, ки деҳқонони ин хоҷагӣ дар ноҳия аввалин шуда, ба ҷамъоварии ҳосили пахта шурӯъ намоянд.

Сафари кории Пешвои миллат ба ноҳияи Қубодиён

Иттилоъ дода шуд, ки имсол дар тамоми хоҷагиҳои деҳқонии ноҳияи Қубодиён дар масоҳати 7 ҳазору 510 гектар пахта кишт шудааст. Тибқи мушоҳидаҳо нашъунамои пахта хуб буда, барзгарони ноҳия дар мавсими соли 2017 нақша доранд, ки ба ҳисоби миёна аз ҳар гектар 25-30 сентнерӣ ҳосил рӯёнанд.
Сарвари давлат инчунин бо рафти кишти такрорӣ дар Хоҷагии деҳқонии "Мӯсобобо" -и деҳаи Ҳаваскор шинос гардиданд. Дар заминҳои ин хоҷагӣ, ки масоҳати 5 гектарро дарбар мегирад, кишти зироати барвақтӣ ба роҳ монда шудааст. Меҳнаткашони хоҷагии мазкур 80 дарсади корҳои вобаста ба кишти такрориро аллакай ба анҷом расондаанд. Онҳо кишти зироати гуногун, ба монанди картошка, помидор, карам, пиёз, шолӣ ва навъҳои дигари сабзавотро дар маъракаи кишти такрорӣ ба роҳ мондаанд. Дар маҷмӯъ дар ноҳия дар майдони 2764 гектар кишти такрорӣ гузаронда шудааст, ки 92 дарсади иҷрои дурнаморо дар бар мегирад.

Сафари кории Пешвои миллат ба ноҳияи Қубодиён

Дар намоишгоҳ маҳсулоти тайёри саноатӣ пешниҳод гардида буд. Яке аз корхонаҳое, ки имрӯз дар доираи барномаи давлатии рушди соҳибкорӣ дар ноҳияи Қубодиён фаъолият дорад, ин ҶДММ "Насими Раҳим" мебошад. Корхонаи мазкур дар намоишгоҳ 10 намуди консерва аз меваю сабзавотро ба намоиш гузошт.

Дар ноҳия истеҳсоли масолеҳи сохтмонӣ низ васеъ ба роҳ монда шудааст. ҶДММ "Ороиши диёр" аз ҷумлаи корхонаҳои истеҳсолие мебошад, ки аз семент ҳар гуна масолеҳи сохтмонӣ, аз ҷумла тахтасангҳои ороишӣ тайёр мекунад. ҶСП "Аввалин" аз корхонаҳои бузургтарини ноҳияи Қубодиён ба шумор меравад, ки дар он ба воситаи коркарди решаи ширинбия доруҳои қиматбаҳои табобатӣ барои бемориҳои ҷигар ва кислотаи глисирринзин ҳосил менамоянд. Корхонаи мазкур ҳанӯз соли 2010-ум бо дастгирии Ҳукумати ҷумҳурӣ таъсис ёфта, ҳоло дар он аз навъи гиёҳи ширинбия дору ва аз пасмондаи он маҳсулоти сӯзишвории брикет тавлид карда мешавад.

Сафари кории Пешвои миллат ба ноҳияи Қубодиён

Дигар самти хоҷагидорие, ки дар ноҳияи Қубодиён рушд кардааст, чорводорӣ мебошад. Дар ноҳия баробари чорвои калони шохдор парвариши моли майда ҳам ба роҳ монда шудааст. Аз ҷумла, дар хоҷагиҳои ноҳия гӯсфандҳои зоти қароқулӣ ва ҳисорӣ васеъ парвариш карда мешаванд.

Ба Сарвари давлат иттилоъ доданд, ки дар ноҳияи Қубодиён саршумори моли майда 32 ҳазор сарро ташкил медиҳад, ки ин шумора нисбат ба соли гузашта 816 сар зиёд мебошад. Саршумори чорвои калони шохдор дар миқёси ноҳия ба 1 ҳазору 769 сар расидааст. Иҷрои дурнамои солонаи соҳаи чорводорӣ дар ноҳия 120 дарсад таъмин шудааст.

Сафари кории Пешвои миллат ба ноҳияи Қубодиён

Сарвари давлат иброз намуданд, ки аз замонҳои қадим кишоварзӣ пешаи боифтихор буда, соҳиби ин касб ризқофар ва ородиҳандаи дастурхони мардум ба ҳисоб мерафт. Имрӯз ҳам саҳми кишоварзону чорводорон дар таъмини амнияти озуқаворӣ ва баланд бардоштани сатҳи зиндагии мардум назаррас ва боиси таҳсин мебошад.



Шарҳи хонандагон +

Матолиби дигар:

Дастовардҳои арсаи кишоварзӣ дар Н. Хусрав: Дурнамо беш аз 100% иҷро гардид

Дастовардҳои арсаи кишоварзӣ дар Н. Хусрав: Дурнамо беш аз 100% иҷро гардид

Хабарҳо, Арсаи кишоварзӣ, НОСИРҶОН МАЪМУРЗОДА
Кишти такрорӣ дар майдони 4668 гектар

Кишти такрорӣ дар майдони 4668 гектар

Хабарҳо, Арсаи кишоварзӣ, НОСИРҶОН МАЪМУРЗОДА
Идораи кишоварзӣ: «Ҳосил фаровон аст»

Идораи кишоварзӣ: «Ҳосил фаровон аст»

Хабарҳо, Арсаи кишоварзӣ, НОСИРҶОН МАЪМУРЗОДА
Иштирок дар ярмаркаи фурӯши чорво ва маҳсулоти кишоварзии вилояти Хатлон

Иштирок дар ярмаркаи фурӯши чорво ва маҳсулоти кишоварзии вилояти Хатлон

Хабарҳо, Арсаи кишоварзӣ
Таъмини амнияти озуқаворӣ аз истифодаи самараноки замин аст

Таъмини амнияти озуқаворӣ аз истифодаи самараноки замин аст

Хабарҳо, Арсаи кишоварзӣ, АСАЛМО САФАРОВА