Дар як сатр
» » Дастовардҳои арсаи кишоварзӣ дар Н. Хусрав: Дурнамо беш аз 100% иҷро гардид

Дастовардҳои арсаи кишоварзӣ дар Н. Хусрав: Дурнамо беш аз 100% иҷро гардид

22-07-2017, 12:44

Кишти такрорӣ дар ҳамаи бахшҳои хоҷагидории ноҳияи Носири Хусрав ба ҳолати 1 июли соли 2017 ҳамагӣ дар майдони 2765 гектар иҷро гардид, ки 109 фоизи нақшаро ташкил медиҳад.

Неъматулло Холбойзода, муовини раиси ноҳияи Носири ХусравНеъматулло Холбойзода, муовини якуми раиси ноҳияи Носири Хусрав, зимни тасдиқи ин хабар ба рӯзномаи “Хатлон” гуфт, ки дар ин мавсим дар майдони 1471 га (103%) такроран ғалладонагиҳо кишт шуданд. “Аз он ҷумла, ҷуворимаккаи дон 1245 га (101%), шолӣ 58 га (145 фоиз) ва дигар ғалладонагиҳо ва лӯбиёгиҳо 168 га (112%) кишт шудааст. Майдони умумии кишти сабзавот 88 гектар, полезӣ 323 га, хӯроки чорво 816 га ва зироатҳои техникӣ 67 гектарро ташкил додааст”, - қайд кард Н. Холбойзода.

Ба қавли манбаъ, дар ноҳия майдони умумии замини корами обӣ 6486 гектарро ташкил менамояд. Хоҷагиҳои деҳқонии ноҳияи Носири Хусрав аз аввали баҳори соли 2017 ба кишт шурӯъ намуда, то ин давра дар майдони 6072 гектар кишти зироатҳои кишоварзӣ гузарониданд. Дар ноҳия ба масъалаи истеҳсоли маҳсулоти кишоварзӣ диққати зарурӣ дода шуда, аксари намудҳои маҳсулоти кишоварзӣ барзиёд истеҳсол гардидаанд. Аз он ҷумла, 6904 тонна ғалладонагӣ истеҳсол гардид, ки нисбати соли гузашта 151 тонна зиёд ва ба ҳисоби миёна аз ҳар як гектар 45,4-сентнерӣ ҳосил гирифта шуд.

Дар соли ҷорӣ содироти 1500 тонна меваю сабзавот ба нақша гирифта шуда, кишоварзони ноҳияи Носири Хусрав иҷроиши онро ба 1700 тонна баробар, яъне 113,3% таъмин карданд.

Н. Холбойзода ҳамчунин хабар дод, ки меҳнаткашони ноҳия аз номусоидии боду ҳавои зимистони гузашта хулосаи даркорӣ бароварда, бо мақсади захира намудани хӯроки чорво дар майдони 412 гектар макка, хӯроки сабз ва юнучқа киштанд. “Чорводорони ноҳия дар тӯли 6 моҳи гузашта 321,9 тонна гӯшт, 1434 тонна шир, 219,1 ҳазор дона тухм, 36,3 тонна пашм ва 11,01 тонна пила истеҳсол намуданд”, - афзуд манбаъ.

Феълан дар қайди омори ноҳияи дурдасти Носири Хусрав 6 хоҷагии ёрирасон, 1 хоҷагии ҷангал, 1590 хоҷагии деҳқонӣ (фермерӣ) ва 4 корхонаи хурди саноатӣ (аз он дутояш фаъол) дар қайди омори ноҳия қарор доранд.


Шарҳи хонандагон +

Матолиби дигар:

Кишти такрорӣ дар майдони 4668 гектар

Кишти такрорӣ дар майдони 4668 гектар

Хабарҳо, Арсаи кишоварзӣ, НОСИРҶОН МАЪМУРЗОДА
Идораи кишоварзӣ: «Ҳосил фаровон аст»

Идораи кишоварзӣ: «Ҳосил фаровон аст»

Хабарҳо, Арсаи кишоварзӣ, НОСИРҶОН МАЪМУРЗОДА
Иштирок дар ярмаркаи фурӯши чорво ва маҳсулоти кишоварзии вилояти Хатлон

Иштирок дар ярмаркаи фурӯши чорво ва маҳсулоти кишоварзии вилояти Хатлон

Хабарҳо, Арсаи кишоварзӣ
Кишти пахтаву зироатҳои дигар бомаром ҷараён дорад

Кишти пахтаву зироатҳои дигар бомаром ҷараён дорад

Хабарҳо, Арсаи кишоварзӣ, НОСИРҶОН МАЪМУРЗОДА
Афзоиши истеҳсоли маҳсулоти кишоварзӣ то 150% дар ноҳияи Н. Хусрав

Афзоиши истеҳсоли маҳсулоти кишоварзӣ то 150% дар ноҳияи Н. Хусрав

Хабарҳо, Арсаи кишоварзӣ, НОСИРҶОН МАЪМУРЗОДА