Дар як сатр
» » ДИИШ зулмат аст

ДИИШ зулмат аст

25-05-2017, 15:13

ДИИШ зулмат аст

Дар толори «Кохи Ватан»-и шаҳри Қӯрғонтеппа дар мавзӯи «Сабабу омилҳои шомилшавии ҷавонон ба ҳизбу ҳаракатҳои ифротгароӣ ва оқибатҳои терроризму экстремизм» дар ҳамбастагӣ бо Вазорати корҳои дохилии Ҷумҳурии Тоҷикистон мулоқоти судманд баргузор гардид, ки дар он мудирони шуъбаҳои маорифи шаҳру ноҳияҳои вилоят, омӯзорон ва донишҷӯёну хонандагон иштирок доштанд.

Дар ин чорабинӣ Сафарбек Шарифзода, мудири шуъбаи дин, танзими анъана ва ҷашну маросимҳои мақомоти иҷроияи ҳокимияти давлатии вилояти Хатлон, зикр намуд, ки ифротгароӣ изҳори фаъолияти ифротии онҳоест, ки воқеӣ ба даъвати нооромӣ, дигаркунии сохти конститутсионии давлат, ғасби ҳокимият, ангезонидани нажодпарастӣ, миллатгароӣ, бадбинии иҷтимоӣ ва мазҳабӣ машғуланд.

«Имрӯз бо баҳонаи «ҷиҳод» дар давлатҳои Сурияву Ироқ ду ҷониби силоҳбадаст сӯйи ҳам тирандозӣ мекунанду хуни мардуми бегуноҳро мерезанд. Магар ин дуруст аст? Албатта, на! Ба ҳамагон маълум аст, ки ин нотинҷиҳое, ки тӯли солҳои охир дар Шому Ироқ ва Сурия идома дорад, гувоҳи мафкураи пасту тарбияи дуруст надоштани насли ҷавон аст», - афзуд С. Шарифзода.

-Ҷанги ДИИШ як ҷанги таҳмилшудаест, ки аз ҷониби гурӯҳҳои моҷароҷӯи байналмилалӣ маблағгузорӣ мешавад, - зикр кард Сафиало Азизуллозода, сардори Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон. - Таҳлили ҳодисаҳои охир дар кишварҳои исломии Шарқи наздик - Сурия, Ироқ, Лубнон водор месозад, ки барои таъмини амнияти миллӣ ва ҳифзи тартиботи ҷамъиятӣ омил ва заминаҳои рушди тафаккур, ақидаҳои ифротгароӣ ва террористиро дар ҷомеа муайян карда, ҷиҳати пешгирӣ намудани густариши идеологияи онҳо барои шомилсозии ҷавонон ба сафи ташкилоти экстремистию террористӣ чораҷӯйӣ намоем.

ДИИШ зулмат аст

Гуфта мешавад, ки толибилмоне, ки аз уламои исломии ин кишварҳо таълим гирифта, бо адабиёти динӣ ва ҷараёнҳои бегона ошноӣ пайдо кардаанд, қисми зиёди ин ҷавонон барои паҳн намудани ақидаҳои бегонаи ифротӣ аз ҷониби гурӯҳҳои иғвоангези ин мамлакатҳо ба сифати тахрибкор ҷалб гардидаанд. Ҳамин тариқ, дар солҳои 90-уми асри гузашта, дар Ҷумҳурии Тоҷикистон ҷараёнҳои нави экстремистӣ, ба монанди «Ҳизб-ут-таҳрир», «Ҳаракати исломии ӯзбекистон», «Ансоруллоҳ» ва «Салафия» пайдо гардидаанд.

Абдуллоҳи Муҳаққиқ, коршиноси масоили динии кишварҳои Осиёи Миёна, бар ин назараст, ки Ҷумҳурии Тоҷикистон чун дигар кишварҳо солҳои охир ба хатарҳои нави ҷаҳонӣ ба монанди терроризм ва экстремизм рӯ ба рӯ шудааст. «Яке аз сабабҳои асосии пайдошавии ин ҳизбу ҳаракатҳои экстремистӣ дар давраи муқовиматҳои шаҳрвандӣ ва бесарусомонӣ, аз ҷумла сафарҳои ғайрирасмии гурӯҳи ҷавонони толибилми тоҷик барои гирифтани таълимоти динӣ ба давлатҳои араб мебошад. Имрӯз, нишонаҳои ифротгароӣ ва омилҳои терористӣ дар байни ҷавонони мусалмони Осиёи Маркази характери динӣ гирифта бошад ҳам, аммо рӯҳониён хомӯшанд. Чаро кормандони мақомоти ҳифзи ҳуқуқ нисбати салафия мубориза мебаранд, аммо рӯҳониён хомӯширо афзалтар медонанд?» - афзуд ӯ.

Дар идомаи суҳбат А. Муҳаққиқ гуфт, ки равияи «Салафия» худ навпайдо буда, аз нигоҳи дини ислом ҳаракати бидъат (навоварӣ) ҳаром ба шумор меравад. Онҳо ақидаи ботил, афкори экстремистӣ ва мақсадҳои ғаразноки худро дар байни мусулмонҳо аз номи Худо ва пайғамбар таблиғу ташвиқ менамоянд ва даъво доранд, ки таъсиси давлати исломӣ, яъне хилофат, вазифаи муқаддаси ҳар фарди мусулмон аст.

Комрони БАХТИЁР,
«Хатлон»



Шарҳи хонандагон +

Матолиби дигар:

Муборизаи зидди терроризм кори дастаҷамъист

Муборизаи зидди терроризм кори дастаҷамъист

Хабарҳо, Сиёсат, Ҷавонон ва варзиш, ФАРОМӮЗ БОБОЕВ
Марде, ки худро бадном ва оиларо доғдор мекунад

Марде, ки худро бадном ва оиларо доғдор мекунад

Хабарҳо, КОМРОНИ БАХТИЁР
Хатари ифротгароӣ имрӯз сангинтар аз солҳои 90-ум аст

Хатари ифротгароӣ имрӯз сангинтар аз солҳои 90-ум аст

Хабарҳо, Ҳуқуқу амният, Ҷавонон ва варзиш, НОСИРҶОН МАЪМУРЗОДА
«Ҷанг аз сагон мондааст», мо-ку инсонем!

«Ҷанг аз сагон мондааст», мо-ку инсонем!

Ҳуқуқу амният, Ҷавонон ва варзиш, НИЗОМИДДИН ИСОЕВ , КОМРОНИ БАХТИЁР
Ифтитоҳи парванда алайҳи 7 узви «Ал-Қоида» ва 14 муҷоҳид

Ифтитоҳи парванда алайҳи 7 узви «Ал-Қоида» ва 14 муҷоҳид

Хабарҳо, Ҳуқуқу амният, НОСИРҶОН МАЪМУРЗОДА