Дар як сатр
» » Ваҳдат созандагист

Ваҳдат созандагист

24-05-2017, 09:24

Ваҳдат созандагист


«Саҳми ман дар рушду нумўи ватан» чунин унвон дошт, чорабинии пуршукўҳи сиёсӣ- фарҳангӣ, ки бо ибтикори Кумитаи иҷроияи ҳизби халқии демократии Тоҷикистон дар вилояти Хатлон баргузор гашт.

Саҳни театри вилоятии мусиқӣ-мазҳакавии ба номи Ато Муҳаммадҷонов идгоҳро мемонд. Ҷавонону собиқадорони соҳаҳои мухталиф вориди театр гашта, қабл аз оғози чорабинӣ аз зебоию ҳунари нотак-рори меъморони ин бинои муҳташам, ки бо як салиқаю маҳорати хос бунёд ёфта, аз самараи неки ваҳдати миллӣ ба шумор мерафт, ҳаловат мебурданд. Дарвоқеъ, ҳар як ошёнаи ин бино аз дигар ба куллӣ фарқ мекард, бо санъати зебои нигориш, ки аз қаъри асрҳо, аз санъати волои аҷдодӣ қисса мекард. Қиссаҳои ҷавонмардӣ, ватандўстӣ, ободкорию зебопарастӣ. Чорабиниро А. Ализода, раиси Кумитаи иҷроияи ҲХДТ дар вилояти Хатлон, ҳусни оғоз бахшида, иброз дошт, ки ҳадаф аз ҳамоиши имрўзаи ду насл, пеш аз ҳама, ба ҷавонон фаҳмонда додани моҳияти ваҳдати миллӣ, хизматҳои арзандаи Президенти кишвар муҳтарам Эмомалӣ Раҳмон дар роҳи расидан ба Созишномаи истиқрори сулҳ ва ризоияти миллӣ мебошад.

Аҳмадҷон Ализода зимни суханронӣ аз хизматҳои собиқадорони соҳаҳои мухталиф ҳамсоли Абдуҷалол Салимов, Давлаталӣ Шарифов, Амиршо Миралиев, Ғайбулло Афзалов, Саодат Амиршоева, Муҳаббат Азизӣ, Исмоил Шафиев, Сангак Бекназаров, Маҳмадулло Насруллоев, Қурбонзода Бек, Саид Салимов ва дигарон ёдовар гардида, таъкид дошт, ки дар ҳар давру замон сухани нек иқдоми инсонпарваронаю ободгаронаи ҳар як фард дар таърих сабт хоҳад гардид. Ализода аз раиси вилоят Давлатшоҳ Гулмаҳмадзода ва раиси шаҳри Қўрғонтеппа Амируллои Асадулло барои дастгирӣ аз ин чорабинӣ изҳори сипос намуд.

Ваҳдат созандагист

Сипас, муовини раиси вилоят, узви кумитаи иҷроияи марказии ҲХДТ Махфират Хидирзода сухан намуда, аз ташкили чунин як маҳфили хушу гуворо, вохўрии ду насли ҷомеа, изҳори миннатдорӣ намуд. Муовини раиси вилоят таъкид дошт, ки ҷавонони имрўза ҷавонони хушбахту боиқболи замонанд, зеро ҷавонии онҳо дар як ҷомеаи орому обод, зери сиёсати хирадмандонаи Роҳбари давлат Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон гузашта истодааст. Ин мулоқоти судманде, ки бо ширкати собиқадорон шахсони барўманд ба амал омад, аз он шаҳодат медиҳад, ки шахсиятҳои наҷиб тавассути меҳнату заҳмати шабонарўзӣ ба манфиати халқу ватан ба ин мартаба расидаанд. Махфират Хидирзода рўзгори собиқадорони заҳматро барои ҷавонон сабақи нотакрору омўхтанӣ арзёбӣ намуд. Ва аз ҷавонон даъват ба амал овард, ки баҳри пойдории сулҳу ваҳдат, ки бо заҳмати зиёд ба даст омадааст, саҳмгузор бошанд. Бахусус дар айёме, ки ҷомеаи ҷаҳониро ҳодисаҳои вазнин фаро гирифтааст. Гурўҳҳои ифротӣ дар давлатҳои Шому Ироқ ба қатли ҳазорон одамони бегуноҳ машғул гашта, мавзеъҳои таърихии ҳазорсолаҳо қомат афрохтаро ба замин яксон намудаанд. Аз ин лиҳоз, ҷавонони баору номуси ватан бояд фирефтаи аъзои ҳизбу ҳаракатҳои ҷангҷу нагарданд. Танҳо барои ободонӣ ва гул-гулшукуфоии ватани азизамон Тоҷикистони биҳиштосо камари ҳиммат банданд.

Роҳбари ташкилоти ҷамъиятии ҷавонон «Созандагони ватан» Абдулло Раҳмонзода, зимни суханронӣ таъкид дошт, ки мо-ҷавонон бар зидди ҳама гуна зуҳуроти номатлубе, ки ба инсоният зиён меорад, аз ҷумла терроризм, экстремизм, нашъамандиву нашъаҷалобӣ ва коррупсия муборизаи беамон мебарем. «Ваҳдат баҳамойӣ ва дўстӣ, ободгаройӣ, бунёдкорӣ ва созандагист»- иброз дошт собиқадори ҲХДТ дар вилояти Хатлон Ғайбулло Афзалов зимни баромадаш дар чорабинӣ. Номбурда таъкид дошт, ки ҳизбу ҳаракатҳои манфиатҷўй охири асри XX таъсис ёфта, Тоҷикистонро ба ҷанги таҳмилӣ оварда расониданд. Хушбахтона, дар Иҷлосияи 16- уми Маҷлиси олӣ Эмомалӣ Раҳмон раиси Шўрои олӣ интихоб гардид, ва давлату миллатро аз нестшавӣ наҷот бахшид. Ба мардум сулҳ овард, фирориёни иҷбориро ба ватан бозовард ва зина ба зина сатҳи иқтисодии мамлакатро боло бурд.

-Мо мардуми тоҷику тоҷикистонӣ шукргузор аз яздони покем, ки чунин шахсияти бузург ба мисли Эмомалӣ Раҳмон роҳбари мо, пешвои мо ва наҷотбахши ватану миллати мо гардид, - изҳор дошт собиқадори меҳнат, раиси шўрои собиқадорони Кумитаи иҷроияи ҲХДТ дар вилояти Хатлон Исмоил Шафиев. Ҳамин тавр, роҳбари дастгоҳи шаҳри Қўрғонтеппа Назир Азимзода, олими ҷавон узви ҲХДТ Аҳлиддин Сайидмуминов, Рухшонаи Шералӣ, Афсонаи Умар, Нигора Бобоева ва дигарон дар баромади хеш аз заҳмату талошҳои Роҳбари давлат, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон таъкид ба амал оварданд. Сипас, қисмати фарҳангии чорабинӣ оғоз ёфт. Ҳозирин барномаи ҳунарии санъаткорони вилоятро тамошо карданд. Дар сурудаҳои ҳунармандон мавзўъҳо дар васфи ваҳдати миллӣ, Пешвои миллат, Тоҷикистони зебоманзар, Ватан-Модар тарранум ёфта, мақбули ҳамагон гардид.

ВАХШОНА,
«Хатлон»



Шарҳи хонандагон +

Матолиби дигар:

Дар ҳамкорӣ терроризму ифротгароиро пешгирӣ намоем

Дар ҳамкорӣ терроризму ифротгароиро пешгирӣ намоем

Хабарҳо, Ҳокимияти давлатӣ, Ҷавонон ва варзиш, АСАЛМО САФАРОВА
Д. Гулмаҳмадзода: «Ҷашнҳои Наврӯз ва 20-солагии Ваҳдати миллиро сазовор ист ...

Д. Гулмаҳмадзода: «Ҷашнҳои Наврӯз ва 20-солагии Ваҳдати миллиро сазовор ист ...

Хабарҳо, Мақомоти иҷроияи ҳокимияти давлатӣ, АСАЛМО САФАРОВА
Дар партави Паём. Сиёсати башардӯстонаи Пешвои миллат

Дар партави Паём. Сиёсати башардӯстонаи Пешвои миллат

Хабарҳо, Номаҳои Шумо
Эмомалӣ Раҳмон асосгузори сулҳу ваҳдати миллист

Эмомалӣ Раҳмон асосгузори сулҳу ваҳдати миллист

Сиёсат, Хабарҳо, ҲАНГОМА ПАҲЛАВОНОВА, КОМРОНИ БАХТИЁР
Ҳуқуқи корманд дар мадди аввал

Ҳуқуқи корманд дар мадди аввал

Хабарҳо, Ҳуқуқу амният, АСАЛМО САФАРОВА