Дар як сатр
» » Варзишгари хатлонӣ сарпараст меҷӯяд (видео)

Варзишгари хатлонӣ сарпараст меҷӯяд (видео)

15-05-2017, 08:17

Варзишгари хатлонӣ сарпараст меҷӯяд (видео)

Исматулло Умаров, варзишгари тоҷик дар риштаи дастхобонӣ, дар шаҳри Екатеринбурги Россия қарор дорад. ӯ дар мусобиқаҳои ҷумҳуриявию байналмилалӣ ширкат намуда, 2 каратҷоизадори чемпионати Осиё, 4 карат чемпиони Тоҷикистон буда, дорандаи 15 медали мусобиқоти ҷумҳуриявӣ ва 7 медали мусобиқоти байналмилалӣ мебошад. Ҳамчунин, ҷоизадори фестивали байналмилалии «Шери тилоӣ»-и шаҳри Екатеринбург аст.

Рӯзи 1–уми майи соли равон Исматулло Умаров (дар акс аз рост) дар мусобиқаи умумии русиягӣ барои гирифтани Ҷоми Танкоград дар шаҳри Челябински Россия иштирок намуда, бар рақибони худ ғолиб омада, сазовори ҷойи сеюм гардид.

Исматулло 17 июли соли 1998 дар шаҳри Қӯрғонтеппа ба дунё омадааст. ӯ аз хурдӣ ба намуди варзиши дастхобонӣ меҳру рағбати беандоза дошта, машқ мекард. Дар миёни ҳамсолони худ дар мусобиқаҳо дастболо мешуд. ӯ аз соли 2011 то инҷониб ба ин навъи варзиш машғул буда, устоди аввалинаш Марат Идрисов, сармураббии дастхобонӣ дар вилояти Хатлон мебошад.

- Ҳангоме ки дар дигар давлат-ҳо қувваозмоӣ намуда ба пирӯзӣ мерасам, Парчами давлатамонро боло бардошта, фахр мекунам, ки қарзи фарзандии худро адо кардаам, - зикр кард Исматулло Умаров. – Аввалин мусобиқае, ки ман дар он ширкат варзидам, чемпионати Осиё буд, ки дар шаҳри Тошканти Ҷумҳурии ӯзбекистон миёни 20 давлат баргузор гардида буд. Он ҷо ба ҷойи 3-юм баромада, байрақи Тоҷикистонро боло бардоштам.

Соли 2016 дар шаҳри Екатеринбурги Русия дар мусобиқаи «Золотой Тигр», ки дар он варзишгарон аз 21 давлат аз рӯйи 45 намуди варзиш қувваозмоӣ менамуданд, Исматулло Умаров низ иштирок карда, сазовори ҷойи 2-юм гардид.

Варзишгари хатлонӣ сарпараст меҷӯяд (видео)

Дар мусобиқаи байналмилалие, ки аз 15 то 16 апрели соли 2017 дар шаҳри Омски Русия бо иштироки 5 давлат: Россия, Қазоқистон, Озарбойҷон, Гурҷистон ва Тоҷикистон барпо шуда буд, Исматулло Умаров байни 10 варзишгар сазовори 2 медали тилло ва 1 биринҷӣ гашт.


Ин варзишгар ба чемпионати ҷаҳон, ки дар шаҳри Будапешти Ҷумҳурии Венгрия аз 2 то 9 сентябри соли 2017 миёни 55 давлат баргузор мегардад, роҳхат гирифтааст. Исматулло Умаров барои сафару иштирок дар мусобиқаҳои байналмилали, хусусан, дар чемпионати ҷаҳонӣ сарпараст меҷӯяд.

Комрони БАХТИЁР,
«Хатлон»



Шарҳи хонандагон +

Матолиби дигар:

6 паҳлавон соҳиби медал шуданд

6 паҳлавон соҳиби медал шуданд

Хабарҳо, Ҷавонон ва варзиш, НОСИРҶОН МАЪМУРЗОДА
Варзишгари хатлонӣ дар Амрико низ соҳибном шуд

Варзишгари хатлонӣ дар Амрико низ соҳибном шуд

Хабарҳо, Ҷавонон ва варзиш, Матолиби чандрасонаӣ, КОМРОНИ БАХТИЁР
Кӯлоб: Чемпионат оид ба гӯштини миллӣ

Кӯлоб: Чемпионат оид ба гӯштини миллӣ

Хабарҳо, Ҷавонон ва варзиш, КОМРОНИ БАХТИЁР
104 медали тилои варзишгарони Хатлон

104 медали тилои варзишгарони Хатлон

Хабарҳо, Ҷавонон ва варзиш, НОСИРҶОН МАЪМУРЗОДА
Боз як медали Фавориз

Боз як медали Фавориз

Хабарҳо, Ҷавонон ва варзиш