Дар як сатр
» » Андозро супору осуда бихоб

Андозро супору осуда бихоб

10-05-2017, 11:44

Андозро супору осуда бихоб


Гурӯҳи назорати фаврии шуъбаи санҷиши андозҳо дар вилояти Хатлон тибқи талаботи қисми 3 моддаи 39 Кодекси андози Ҷумҳурии Тоҷикистон бо мақсади назорати иҷрои талаботҳои Қонуни Ҷумҳурии Тоҷикистон «Дар бораи тартиби истифодаи МНХ-и дорои хотираи фискалӣ» таҳти №210 аз 02.05.2013, фармоиши раиси Кумитаи андоз «Оид ба тамғагузории нуқтаҳои фурӯши сӯзишворӣ ва назорати истифодаи тамғаҳо дар мақомоти андоз» амал намуда, дар фаъолияти худ як қатор корҳои назаррасро ба сомон расониданд.

Тибқи нақша оид ба дислакатсияи мошинҳои назорати хазинавии дорои хотираи фискалӣ МНХ дар соли равон дар вилоят мебоист 256 адад мошинҳои назорати хазинавӣ насб карда мешуд. Дар шаҳру ноҳияҳои вилоят 327 адад чунин мошинҳо насбу васл карда шуд, ки нисбати иҷрои нақша 128 фоизро ташкил медиҳад. Мутаассифона, кормандони нозироти андози ноҳияҳои Ш. Шоҳин, Балҷувон, Ховалинг ва Н. Хусрав аз уҳдаи иҷрои нақшаи насби мошинҳои назорати хазинавии дорои хотираи фискалӣ дар нуқтаҳои хизматрасонии дахлдор баромада натавонистанд.

Аз тарафи гурӯҳи назорати фаврии шуъбаи санҷиши андозҳои Раёсати андози вилоят ва шахсони мутасаддии нозироти андози шаҳру ноҳияҳо вобаста ба масъалаи риояи тартиби дуруст истифодабарии мошинҳои назорати хазинавии дорои хотираи фискалӣ дар соли равон нисбати 103 нафар андозсупоранда, хариди назоратӣ гузаронида шуд, ки маблағи ҷаримаҳои маъмурӣ 320 ҳазору 300 сомониро ташкил медиҳад. Аз ҷумла, аз тарафи кормандони Раёсати андози вилоят нисбати 30 нафар андозсупоранда ба маблағи 102 ҳазору 400 сомонӣ парвандаҳои маъмурӣ тартиб дода шуд. Кормандони шуъбаи андоз дар минтақаҳои Кӯлоб бошанд, нисбати 18 нафар андозсупоранда барои вайрон намудани тартибот парвандаҳои маъмурӣ кушоданд.

Вазъияти истифодаи самараноки МНХ аз тарафи андозсупорандагон дар шаҳри Кӯлоб низ мувофиқи мақсад ба роҳ монда нашудааст. Чунончӣ, барои вайрон кардани қонун нисбати 14 нафар андозсупоранда ба маблағи 36 ҳазор сомонӣ парвандаҳо тартиб дода шуд. Ҳамчунин, дар ноҳияи Восеъ низ ҳолати аз мошинҳои назорати хазинавии дорои хотираи фискалӣ истифода набурдан ба мушоҳида расид. Ин аст, ки нисбати 3 нафар андозсупоранда ба маблағи 7 ҳазор сомонӣ парвандаи маъмурӣ кушода шуд. Ба ҳамин монанд, камбудиҳо дар фаъолияти андозсупорандагони ноҳияи Ҳамадонӣ низ ҷой дорад. Гурӯҳи назоратӣ дар ин ҷо нисбати 1 нафар андозсупоранда парвандаи маъмурӣ тартиб дод.

Ҳолатҳои хариди назоратӣ дар сатҳи вилоят паст буда, он дар шаҳри Қӯрғонтеппа 5 адад, ноҳияи Шаҳритӯс 3 адад, Вахш 2 адад, Ёвон 4 адад ва Ҷ.Балхӣ 3 ададро ташкил медиҳад. Омили дигаре, ки дар ин самт ташвишовар аст, ки дар шаҳру ноҳияҳои вилоят ҳангоми қабули ҳисоботи моҳона шахсони мутасаддӣ ҳисоботро аз рӯи маълумоти мошинҳои назорати хазинавии дорои хотираи фискалӣ талаб намекунанд.

Дар масъалаи иҷрои фармоиши раиси Кумитаи андоз аз 09.08.2016 №291 «Оид ба тамғагузории нуқтаҳои фурӯши сӯзишворӣ ва назорати истифодаи тамғаҳо дар мақомоти андоз» дар вилоят як навъ ҷунбишу пешравӣ ба мушоҳида мерасад. Аз лаҳзаи нашри фармоиши мазкур то ба имрӯз дар шаҳру ноҳияҳои вилоят ба миқдори 518 адад тамғаҳо дар нуқтаҳои фурӯши сӯзишворӣ насб карда шудааст. Кормандони шуъба ҳангоми бурдани назорати фаврӣ дар шаҳру ноҳияҳои вилоят як қатор қонунвайронкуниҳоро ошкор намуда, нисбати андозсупорандагони бемасъул чораҳои фаврӣ меандешанд.
Тамғагузории НФС- ҳо бо мақсади таъмин намудани назорати андоз, баҳисобгирии пурраи объектҳои андозбандишаванда ва ба андозбандӣ алоқаманд, пешгирии ҳолатҳои канораҷӯйии соҳибкороне, ки ба хариду таҳвили маҳсулоти сӯзишворӣ машғуланд, роҳандозӣ карда шудааст. Аз ин рӯ, соҳибкоронро зарур аст, ки андозҳои давлатиро софдилона ба нафъи ватан пардохт намоянд. Дар ин маврид мақоли халқие низ ҳаст, ки “Андозҳоро супору осуда бихоб” гуфтаанд.

С. БАЁЗӢ


Шарҳи хонандагон +

Матолиби дигар:

Тағйиру иловаҳо ба Кодекси андоз

Тағйиру иловаҳо ба Кодекси андоз

Хабарҳо, Иқтисоду тиҷорат, Номаҳои Шумо
Ҳифзи қурби пули миллӣ ҳифзи Ватан аст

Ҳифзи қурби пули миллӣ ҳифзи Ватан аст

Хабарҳо, Иқтисоду тиҷорат, Номаҳои Шумо
61 эътирози мардум ба  қарорҳои раисони шаҳру навоҳӣ

61 эътирози мардум ба қарорҳои раисони шаҳру навоҳӣ

Хабарҳо, Ҳуқуқу амният, КОМРОНИ БАХТИЁР
60%-и кормандони прокуратура иҷоранишинанд

60%-и кормандони прокуратура иҷоранишинанд

Хабарҳо, Ҳуқуқу амният, НИЗОМИДДИН ИСОЕВ
Ифшои 91 ҷинояти вобаста ба замин

Ифшои 91 ҷинояти вобаста ба замин

Хабарҳо, Ҳуқуқу амният, НОСИРҶОН МАЪМУРЗОДА