3 апрел дар доираи даври аввали Чемпионати Тоҷикистон оид ба футбол байни дастаҳои Лигаи олӣ дастаи «Хатлон»-и шаҳри Бохтар бо дастаи «Равшан»-и шаҳри Кӯлоб қувваозмоӣ кард.
Бозии дастаҳо дар варзишгоҳи марказии шаҳри Ҳисор баргузор гардида, бо бартарии «Хатлон» анҷом ёфт.
Нахуст, дар дақиқаи 7-ум нимҳимоятгари «Хатлон» Тағойзода Тоҳирҷон тӯбро вориди дарвозаи рақиб намуда, дастаашро пешсаф кард. Дар дақиқаи 21-уми рақобат футболбози ҳамин даста Парвиз Баки-Ахунов ҳисобро 2-0 намуд. Хайриддин Турахонов бошад, бо голи задаи худ бартарии комили «Хатлон»-ро таъмин кард.
Футболбози дастаи «Равшан» Абдухалил Боронов тавонист дар дақиқаи 77-ум ягона голи дастаашро ба ҳадаф расонад. Бо ҳамин бозӣ бо ҳисоби 3-1 ба фоидаи дастаи «Хатлон» ба анҷом расид. Муаллифи голи аввали дастаи ғолиб Тоҳирҷон Тағойзода беҳтарин бозингари дидор дониста шуд.
Дар ҳамин давр дастаи дигари вилояти Хатлон - «Файзканд»-и ноҳияи Восеъ бо ҳисоби калони 0-5 аз дастаи «Истаравшан» шикаст хӯрд.
Бояд гуфт, ки дар даври минбаъда рӯзҳои 8-9-уми апрел «Хатлон» бо «Истаравшан» ва «Файзканд» бо «Эсхата» дар сафар қувва меозмоянд. Бозии байни дастаҳои «Равшан» ва «Истиқлол» ба рӯзи дигар гузаронида шуд.
Д. ИБОДУЛЛ ОЗОДА,
«Хатлон»
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
26-01-2021, 14:00
24-02-2022, 13:30
