Дар як сатр
» » Таҷлили Рӯзи Ғалаба дар Қӯрғонтеппа

Таҷлили Рӯзи Ғалаба дар Қӯрғонтеппа

9-05-2017, 11:41

Таҷлили Рӯзи Ғалаба дар Қӯрғонтеппа


9 май ҳамчун рӯзи пирӯзии сулҳ бар ҷанг, некӣ ба бадӣ ва дурахшонтарин саҳифаи таърихи башар ҳар сол пуршукӯҳ таҷлил мешавад. Мардуми шарафманди тоҷик низ дар қатори дигар халқҳои озодихоҳ ва сулҳпарвару мутараққии ҷаҳон ҳар сол Иди Зафарро дар Ҷанги Бузурги Ватанӣ бар зидди истилогарони фашистӣ бо тантана ва шаҳомати хоса ҷашн мегиранд.

Ба муносибати ин санаи фархунда дар маркази вилояти Хатлон - шаҳри Қӯрғонтеппа бо иштироки шумораи зиёди собиқадорони ҷангу меҳнат ва фаъолони шаҳру вилоят чорабинии фарҳангӣ баргузор гардид.

Таҷлили Рӯзи Ғалаба дар Қӯрғонтеппа

Нахуст, бо мақсади арҷгузорӣ ба хотираи қаҳрамонону фидоиёни Ҷанги Бузурги Ватанӣ маросими гулчанбаргузорӣ дар назди муҷассамаи Исмоили Сомонӣ, лавҳаи ёдгории «Аскари номаълум» ва «Гулхани ҷовидонӣ» сурат пазируфт. Гулчанбарҳоро собиқадорони ҷангу меҳнат, намояндагони шаҳрдории Қӯрғонтеппа, омӯзгорон, донишҷӯён ва толибилмон гузоштанд.

Ба поси хотираи неки қурбониёни Ҷанги Бузурги Ватании солҳои 1941-1945 ҳамчунин «дақиқаи хомӯшӣ» эълон гардид.

Таҷлили Рӯзи Ғалаба дар Қӯрғонтеппа

Баъди гузоштани гулчамбар ва поси хотири қурбониёни ин ҷанги мудҳиш дар толори Театри вилоятии мусиқӣ-мазҳакавии ба номи Ато Муҳамадҷонов бахшида ба 72-солагии Ғалаба дар Ҷанги Бузурги Ватанӣ ҳамоиши идона барпо гардид. Дар он Искандар Абдуллозода, муовини аввали раиси шаҳри Қӯрғонтеппа, баромад намуда, табрикоти раиси вилояти Хатлон ва раиси шаҳри Қӯргонтеппаро ба самъи ҳозирон расонид.

Муовини аввали раиси шаҳри Қӯрғонтеппа Ҷанги Бузурги Ватаниро аз ҷангҳои фоҷиабортарини башарият арзёбӣ карда, аз нақши ҷанговарони тоҷик дар таъмини Ғалаба ёдовар шуд.

Таҷлили Рӯзи Ғалаба дар Қӯрғонтеппа

«Мо фахр аз он дорем, ки шумо – собиқадорони ҷанг, диловарони Ватан, дар набардҳои шадиди солҳои Ҷанги Бузурги Ватанӣ далериву шуҷоат нишон дода, алҳол бо таҷрибаи ғанӣ ва зиндагии ибратомӯзатон баҳри таҳкими истиқлолият, озодиву ободӣ, пешрафти Ватани азизамон ва тарбияи насли ҷавон дар рӯҳияи хештаншиносӣ, худогоҳӣ ва ватандӯстӣ саҳми шоиста доред», – афзуд И. Абдуллозода.

Таҷлили Рӯзи Ғалаба дар Қӯрғонтеппа

Дар охир, аз тарафи ҳунармандон чорабинии фарҳангӣ бахшида ба Рӯзи Ғалаба пешкаши собиқадорони ҷангу меҳнат ва иштирокчиён гардонида шуд.

Комрони БАХТИЁР,
«Хатлон»



Шарҳи хонандагон +

Матолиби дигар:

Аз гузаштагони худ сабақи ватандории воқеӣ омӯзем

Аз гузаштагони худ сабақи ватандории воқеӣ омӯзем

Хабарҳо, Ҳокимияти давлатӣ, Ҳаёти иҷтимоӣ
Рӯйдоди  фаромӯшнопазири башарият

Рӯйдоди фаромӯшнопазири башарият

Хабарҳо, Ҳаёти иҷтимоӣ, Номаҳои Шумо
170 меҳтари ҶБВ дар Хатлон

170 меҳтари ҶБВ дар Хатлон

Хабарҳо, Ҳокимияти давлатӣ, Ҳаёти иҷтимоӣ, НОСИРҶОН МАЪМУРЗОДА
Д. Гулмаҳмадзода: «Халқи тоҷик дар таъмини Ғалабаи Бузург бар фашизм саҳми  ...

Д. Гулмаҳмадзода: «Халқи тоҷик дар таъмини Ғалабаи Бузург бар фашизм саҳми ...

Хабарҳо, Ҳокимияти давлатӣ, Мақомоти иҷроияи ҳокимияти давлатӣ, Ҳуқуқу амният
Саҳми тоҷикистониҳо дар ғалаба бузург аст

Саҳми тоҷикистониҳо дар ғалаба бузург аст

Ҳаёти иҷтимоӣ, Ҳуқуқу амният