Дар як сатр
» » Қубодиён. Маркази омӯзишии дӯзандагӣ кушода шуд

Қубодиён. Маркази омӯзишии дӯзандагӣ кушода шуд

4-05-2017, 17:01

Қубодиён. Маркази омӯзишии дӯзандагӣ  кушода шуд


19 апрели соли 2017 дар ноҳияи Қубодиён Маркази омӯзишии дӯзандагӣ аз тарафи Ассотсиатсияи миллии занҳои соҳибкори Тоҷикистон (АМЗСТ) дар доираи Лоиҳаи «Соҳибкории бонувон воситаи васеъ намудани ҳуқуқ ва имкониятҳои занон» бо маблағгузории Оҷонсии ИМА оид ба рушди байналмилалӣ (USAID) ифтитоҳ ёфт.

Дар кушодашавии Марказ Сафири Мухтори ИМА дар Тоҷикистон Элизабет Миллард, роҳбари Оҷонсии ИМА оид ба рушди байналмилалӣ (USAID) дар Тоҷикистон Кейт Крофорт, муовини раиси вилояти Хатлон Махфират Хидирзода, раиси ноҳияи Қубодиён Зафар Файзуллозода, иҷрокунандаи вазифаи директори иҷроияи АМЗСТ Малика Мирзобаҳодурова, роҳбари лоиҳа Фаррух Шоимардонов иштирок доштанд.

Сафири ИМА дар Тоҷикистон Элизабет Миллард дар баромади худ ин иқдомро нек арзёбӣ намуда, онро дар ҳунаромӯзию беҳтар гардидани вазъи иқтисодии бонувон арзёбӣ намуд.Ҳамчунин, ӯ афзуд, ки нақши занону бонувон дар пешбурди соҳаҳои хоҷагии халқ ва баланд бардоштани малакаю маҳорат, касбомӯзии ҷавонон калон аст.

М. Хидирзода, муовини раиси вилоят ва З. Файзуллозода, раиси ноҳияи Қубодиён, низ кушодашавии Маркази омӯзиши дӯзандагиро саривақтӣ хонда, арзи сипоси худро ба шарикони рушд ва АМЗСТ баён намуданд.

Таърихи муваффақият

Соҳибкор Муҳаббат Ҷӯрақулова беш аз 15 сол мешавад, ки ба дӯзандагӣ машғул аст. ӯ пештар дар хона кор мекард. Баъдтар як ҳуҷраи хурдро аз маркази ноҳия ба иҷора гирифта, фаъолияташро идома дод. Ду сол мешавад, ки Муҳаббат Ҷӯрақулова баҳрагирандаи Лоиҳаи Оҷонсии ИМА оид ба рушди байналмилалӣ (USAID) «Соҳибкории бонувон воситаи васеъ намудани ҳуқуқ ва имкониятҳои занон» мебошад.

Бо ҷалби иҷрокунандаи лоиҳаи мазкур Ассотсиатсияи миллии занҳои соҳибкори Тоҷикистон, Муҳаббат Ҷӯрақулова дар омӯзишҳои дизайн, пора ва дӯхтани либосҳои миллии аврупоӣ, попурӣ, бизнес-тренинг ва омӯзиш барои омӯзгорон иштирок намуда, малакаи худро сайқал дод. ӯ ҳамчунин аз лоиҳа барои пешбурди фаъолияти расмии соҳибкорӣ маслиҳатҳои ҳуқуқию иқтисодӣ гирифта, донишашро васеъ намуд.

Лоиҳаи USAID «Cоҳибкории бонувон воситаи васеъ намудани ҳуқуқ ва имкониятҳои занон» оид ба ташкили марказҳои омӯзишӣ дар ноҳияҳои ҳадафӣ таҳлил гузаронида ба хулосае омад, ки дар мувозинати сехи дӯзандагии Муҳаббат Ҷӯрақулова Маркази омӯзиши дӯзандагиро дар маркази ноҳияи Қубодиён наздик ба бозор ташкил намояд.

Маркази омӯзиши дӯзандагӣ бо мақсади ҷалби занону духтарон ба касбомӯзии ройгон ва ба ин васила дастгирӣ намудани онҳо дар оғоз ва рушди соҳибкории занона равона гардидааст. Дар ин макон 10 нафар дӯзанда бо кори доимӣ таъмин шуда, дар як сол, тақрибан ба 150 нафар бонувон омӯзиш гузаронида мешавад. Ҳамчунин, дар як моҳ вобаста ба талабот мумкин аст ба 50 нафар мизоҷон метавонад хизмат расонад.

Минбаъд занону духтарон дар ин марказ нозукиҳои дӯзандагиро омӯхта имкон пайдо мекунанд, аз ҷиҳати иқтисодӣ фаъол гардида, зиндагии худ ва оиларо беҳтар намоянд.

Бахши робита бо ҷомеаи АМЗСТ


Шарҳи хонандагон +

Матолиби дигар:

Қубодиён. Ифтитоҳи маркази омӯзишӣ

Қубодиён. Ифтитоҳи маркази омӯзишӣ

Хабарҳо, Иқтисоду тиҷорат, НОСИРҶОН МАЪМУРЗОДА
Соҳибкорон нерӯи бузурганд

Соҳибкорон нерӯи бузурганд

Хабарҳо, Ҳокимияти давлатӣ, Иқтисоду тиҷорат, АСАЛМО САФАРОВА, НИЗОМИДДИН ИСОЕВ
Сафири ИМА дар Тоҷикистон ба Хатлон омад

Сафири ИМА дар Тоҷикистон ба Хатлон омад

Хабарҳо, Ҳокимияти давлатӣ, НОСИРҶОН МАЪМУРЗОДА
Муовини вазир: Ҷавоне, ки иқтисодиётро меомӯзад, соҳибкори муваффақ мешавад

Муовини вазир: Ҷавоне, ки иқтисодиётро меомӯзад, соҳибкори муваффақ мешавад

Хабарҳо, Иқтисоду тиҷорат
Занони соҳибкор дар муттаҳидӣ табодули таҷриба мекунанд

Занони соҳибкор дар муттаҳидӣ табодули таҷриба мекунанд

Иқтисоду тиҷорат, Хабарҳо, АМОН МАҲКАМОВ