Дар як сатр
» » Баҳри пешгирии зӯроварии хонаводагӣ дар оила

Баҳри пешгирии зӯроварии хонаводагӣ дар оила

2-05-2017, 09:53

Баҳри пешгирии зӯроварии хонаводагӣ дар оила

Кумитаи кор бо занон ва оилаи назди Ҳукумати Ҷумҳурии Тоҷикистон дар якҷоягӣ бо Лоиҳаи «Пешгирии зӯр-оварии хонаводагӣ» (PDV) дар шаҳри Қӯрғонтеппа семинари омӯзишӣ оид ба мубориза бар зидди зӯроварӣ дар оила-муттаҳид намудан, саъю кӯшиш дар пешравии ин падида ва хизматрасонӣ ба ҷабрдидагони зӯроварӣ дар оила гузаронида шуд.

Дар семинар муовини Кумитаи кор бо занон ва оилаи назди Ҳукумати Ҷумҳурии Тоҷикистон Марҳабо Оли-мӣ, роҳбари шуъбаи гендерии Кумитаи кор бо занон ва оилаи назди Ҳукумати Ҷумҳурии Тоҷикистон Ҷавоҳир Акобирова, коршиноси пешрафт оид ба пешгирии зӯроварӣ дар оила, PDV/GOPA Виорелия Русу иштирок доштанд.

Мақсади омӯзиши мазкур баланд бардоштани сатҳи маълумотнокии аъзои Шӯрои ҳамоҳангсозӣ оид ба мубориза бо зӯроварӣ дар оила, мустаҳкам намудани донишҳои назариявӣ ва малакаҳои таҷрибавӣ, мусоидат ва мустаҳкам намудани механизмҳои байниидоравӣ дар расонидани кумакҳои ҳамаҷониба ва ҳифзи ҷабрдидагон аз зӯроварии оилавӣ, мубодилаи беҳтарини байналмилалӣ ва таҷрибаи миллӣ оид ба муборизаи оилавӣ мебошад.

- Бо мақсади баланд бардоштани иттилоотнокӣ ва маърифати ҳуқуқии аҳолӣ оид ба оқибатҳои номатлуби зӯроварӣ дар оила, нисбати занон, кӯдакон ва оилаҳои муҳоҷирони меҳнатӣ Кумитаи кор бо занон ва оилаи назди Ҳукумати Ҷумҳурии Тоҷикистон мунтазам чорабиниҳои иттилоотӣ ва маърифатиро байни қишрҳои мухталифи ҷомеа баргузор менамояд, - гуфт Ҷавоҳир Акобирова.

Виорелия Русу дар мавзӯи “Зӯрова-рӣ дар оила, сабабҳо ва намудҳои зӯроварӣ дар оила, таъсири зӯроварӣ дар оила барои ҷабрдидагон ва кӯдакон” баромад намуд.

Ба иттилои Ҷавоҳир Акобирова соли 2009 дар назди Кумита хадамоти дастгирии духтарон ташкил карда шудааст, ки мақсади асосии он расонидани хизматрасонии хайрхоҳона - ёрии равонӣ-педагогӣ, ҳуқуқӣ, иҷтимоӣ ба духтарони қурбони хушунат ва истисмору савдои одамон шудаанд ё дар оянда хавфи шудан доранд, мебошад.

Ҳамчунин, мутахассисони шуъба-ҳои кор бо занони 25 шаҳру навоҳии вилоят дар семинари рӯзи 25 апрел доиргардида иштирок намуда, дар атрофи масъалаи зӯроварӣ дар оила баҳсу мунозира намуданд.

Ф. ДАВЛАТ



Шарҳи хонандагон +

Матолиби дигар:

Баррасии механизм ва фишангҳои таъсиррасонӣ ба пешгирии зӯроварӣ дар оила

Баррасии механизм ва фишангҳои таъсиррасонӣ ба пешгирии зӯроварӣ дар оила

Хабарҳо, Ҳаёти иҷтимоӣ, ФАРОМӮЗ БОБОЕВ
Ҷайҳун. Пешгирии зӯроварӣ дар оила

Ҷайҳун. Пешгирии зӯроварӣ дар оила

Ҳаёти иҷтимоӣ, Хабарҳо, ҲАНГОМА ПАҲЛАВОНОВА
Ба иҷро даромадани «Барномаи рушди оила дар вилояти Хатлон»

Ба иҷро даромадани «Барномаи рушди оила дар вилояти Хатлон»

Ҳаёти иҷтимоӣ, Хабарҳо, НОСИРҶОН МАЪМУРЗОДА
Конфронси бахшида ба Соли оила

Конфронси бахшида ба Соли оила

Ҳаёти иҷтимоӣ, Хабарҳо, ҲАНГОМА ПАҲЛАВОНОВА
Шаҳритус. Баҳси пешгирии зӯроварӣ дар оила

Шаҳритус. Баҳси пешгирии зӯроварӣ дар оила

Ҳаёти иҷтимоӣ, Хабарҳо, ҲАНГОМА ПАҲЛАВОНОВА