Дар як сатр
» » Ҷавононро дар рӯҳияи ватандӯстӣ тарбия намоем

Ҷавононро дар рӯҳияи ватандӯстӣ тарбия намоем

2-05-2017, 09:33

Ҷавононро дар рӯҳияи ватандӯстӣ тарбия намоем

Мақомоти иҷроияи ҳокимияти давлатии ноҳия дар ҳамкорӣ бо ШВКД дар ноҳияи Абдурраҳмони Ҷомӣ дар доираи чорабиниҳо бахшида ба Соли ҷавонон вохӯрии судманде оид ба баланд бардоштани маърифати ҳуқуқии аҳолӣ, масъулияти ватандорӣ ва худшиносии миллӣ байни ҷавонону наврасон доир намуд.

Дар ин ҷамъомад, ки дар ШВКД-и ноҳия баргузор гардид, намояндагони мақомоти иҷроияи ҳокимияти давлатии ноҳия, шуъбаю идораҳо, мақомоти ҳифзи ҳуқуқ, дастгоҳи кории Ҷамоатҳои шаҳраку деҳот, роҳбарони як қатор ташкилоту муассиса, фаъ-олон, шӯроҳои занон, раисони кумитаҳои маҳалла, ҷанговарони башардӯст, омӯзгорону хонандагони синфҳои болоии муассисаҳои таълимӣ иштирок доштанд.

Чорабиниро муовини раиси ноҳия Хосият Неъматова оғоз бахшида, аз муҳтавои вохӯрӣ, ки бо иштироки сардори Раёсати ВКД дар вилояти Хатлон генерал-майори милитсия Солеҳзода Искандар Солеҳ мегузашт, маълумот дод.

Солеҳзода Искандар дар баромади худ, сараввал, аз Паёми нав-батии Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон нуктаҳои муҳимро ёдовар шуда, афзуд, ки имсолро Соли ҷавонон эълон намудан, ин маънои боварии пурра ба неруи созандаву бунёдкор- ояндасозони давлату ҷомеа мебошад. Ҳар як ҷавони бо нангу номуси тоҷик бо бархӯрдорӣ аз ғамхорию таваҷҷуҳи Пешвои миллат дар роҳи гулгулшукуфоии меҳани азизи худ саҳмгузор бояд бошад.

-Бо вуҷуди ҳамаи ҳусну таваҷ-ҷуҳ ба ҷавонон, -афзуд Солеҳзода, - ҳанӯз ҳам ҳолатҳои ногувор дар ҷомеа ба назар мерасанд, ки он аз тарбияи сусти ҷавонон дарак медиҳад. Баъзе аз ҷавонон ба гурӯҳҳои ифротгаро, террористию экстремистӣ шомил мешаванд, даст ба амалҳои ғайриинсонӣ мезананд. Аз оқибатҳои ногувори ин кор, ки он танҳо марг аст, наандешида, ба роҳи нодуруст мераванду ҷони ҷавони худро барбод медиҳанд ва аҳли оила, номи авлодро бад месозанд. Хиёнати ин гуна нафаронро давлату миллат ҳаргиз намебахшад.

-Кирдорҳои ба нашъамандӣ майл намудани бархе аз ҷавонон низ аз ҳамин гуна амалҳои номатлуб аст, ки, мутаассифона, дар ҷомеаи мо то ҳанӯз ҷой дорад. Пеши роҳи ҳамаи инро гирифтан кори якҷониба набуда, ҳамкории умум мебояд. Ҳамкории мактаб, оила, аҳли ҷомеа бо мақомоти ҳифзи ҳуқуқ хело зарур аст, то ин ки чунин амалҳои номатлубро аз байн барем, -гуфт дар охир С. Солеҳзода.

Баъдан, аз ҷониби ҷавонон, ки иштирокчиёни асосии ҷамъомад буданд, фаъолон баромад намуда, изҳор доштанд, ки бо рафтору амали неку бунёдкоронаи худ ба боварии давлату Ҳукумат сазовор монда, дар пешгирии ҳама гуна амалҳои номатлуб саҳмгузорӣ менамоянд.

Д. ҲАЙДАР


Шарҳи хонандагон +

Матолиби дигар:

Вохӯрии Искандар Солеҳзода бо аъзои Шӯрои ҷамъиятӣ

Вохӯрии Искандар Солеҳзода бо аъзои Шӯрои ҷамъиятӣ

Хабарҳо, Ҳуқуқу амният, КОМРОНИ БАХТИЁР
«Корвони маърифат» ба Хуросон омад

«Корвони маърифат» ба Хуросон омад

Хабарҳо, Ҳокимияти давлатӣ, Фарҳанг ва адабиёт, КОМРОНИ БАХТИЁР
Роҳнамо ва оинаи зиндагии ҷавонон

Роҳнамо ва оинаи зиндагии ҷавонон

Хабарҳо, Ҷавонон ва варзиш, Номаҳои Шумо
Конфронси бахшида ба Соли оила

Конфронси бахшида ба Соли оила

Ҳаёти иҷтимоӣ, Хабарҳо, ҲАНГОМА ПАҲЛАВОНОВА
Туманова ва Мирбобоев ба суҳбати шаҳритусиҳо омаданд

Туманова ва Мирбобоев ба суҳбати шаҳритусиҳо омаданд

Хабарҳо, НОСИРҶОН МАЪМУРЗОДА