Дар як сатр
» » Ҳушёриро аз даст надиҳем

Ҳушёриро аз даст надиҳем

2-05-2017, 09:25

Ҳушёриро аз даст надиҳем

Ифротгароӣ амалест, ки ҷомеаи ҷаҳониро зери хатар қарор дода, пеш аз ҳама, теша ба решаи дарахти сабзи суботу амният ва сулҳу ваҳдат мезанад. Садҳо кӯдаконро дучори хушунату бепарасторӣ, гуруснагию дарбадарӣ гардонида, модаронро гирифтори ғам менамоянд.

Дар ҷомеаи имрӯза гурӯҳу ҳизбу ҳаракатҳои ифротӣ мехоҳанд мардумро аз ҳам ҷудо сохта, ҷавононро ба бадбахтиҳо дучор созанд. Онҳо баҳри тавлиди низоъҳои нав дар байни миллату халқиятҳо дар ниқоби “Дини мубини ислом” баромад намуда, ҷавононро аз дину миллати хеш ва оинҳои аҷдодӣ дур созанд. Аз ин лиҳоз, тамоми ҷавононро даъват менамоям, ки ҳамагон бо азму иродаи қавӣ якдилу яктан гашта, ватани азизро боз ҳам ободу зебо гардонем. Ҳаргиз он ҷонбозиҳое, ки падару бобоёни мо баҳри барпо кардани таърихи ғании миллатамон дар тӯли қарнҳо кардаанд, фаромӯш нахоҳад шуд.

Таҳлилҳо нишон медиҳанд, ки ҷавонони ба чунин гурӯҳҳо шомил гашта кӯтоҳандешанд ва бо сабаби воқеаҳои маълум аз таълиму тадрис дур мондаанд ё аз оилаҳои носолим мебошанд.

Ҷавонони камхирад, ҳамчунин, бо роҳи осон соҳиби маблағи зиёд шудан мехоҳанд ва иддае аз онҳо ҳалли ин масоилро дар шомил шудан ба созмонҳои террористӣ медонанд.

Ҳамсолони азиз, ҳушёрӣ ва зиракиро аз даст надода, фирефтаи он нафароне, ки имрӯз дар диёри бегона ба даст яроқ гирифта, хуни ноҳақ мерезонанд, нашавем. Бояд донист, ки тақдири имрӯзу фардои миллату давлати Тоҷикистон дар дасти мову шумост. Фаромӯш насозем, ягон аҷнабӣ ватани моро обод нахоҳад кард. Ривоҷу равнақи сарзамини аҷдодиамон маҳз дар дасти худи мо мебошад. Барои мо- ҷавонон озодиву сулҳу суботи ин сарзамини биҳиштосо беҳтарин неъмат аст ва бояд дар андешаи гирифтани донишу касб бошем, то насли ояндаи миллат созанда бошад.

Фирӯза МИРСОГАТОВА,
омӯзгори Донишкадаи энергетикии Тоҷикистон



Шарҳи хонандагон +

Матолиби дигар:

Фарзанде, ки худро бадном, оила ва миллатро доғдор мекунад

Фарзанде, ки худро бадном, оила ва миллатро доғдор мекунад

Ҳаёти иҷтимоӣ, Хабарҳо, Ҷавонон ва варзиш, Номаҳои Шумо
Барои ризои нафси худ исломро доғдор кардан аз ойини мусалмонӣ нест

Барои ризои нафси худ исломро доғдор кардан аз ойини мусалмонӣ нест

Сиёсат, Хабарҳо, Номаҳои Шумо
Ҷавонони Фархор: ҲНИТ барои мо лозим нест

Ҷавонони Фархор: ҲНИТ барои мо лозим нест

Хабарҳо, Ҷавонон ва варзиш, Номаҳои Шумо
Гурӯҳҳои тундрав аз номи ислом сӯйистифода мекунанд

Гурӯҳҳои тундрав аз номи ислом сӯйистифода мекунанд

Хабарҳо, Ҳуқуқу амният, Номаҳои Шумо
Эмомалӣ Раҳмон: «Давлати исломӣ» нақшаҳои қудратҳои ҷаҳониро, ки рушди давл ...

Эмомалӣ Раҳмон: «Давлати исломӣ» нақшаҳои қудратҳои ҷаҳониро, ки рушди давл ...

Сиёсат, Хабарҳо, Ҷавонон ва варзиш