Дар як сатр
» » Сатҳи ҷинояткорӣ коҳиш ёфт

Сатҳи ҷинояткорӣ коҳиш ёфт

21-04-2017, 17:17

Сатҳи ҷинояткорӣ коҳиш ёфт


Дар ҷаласаи прокуратураи вилояти Хатлон оид ба ҷамъбасти фаъолияти семоҳа масоили ба қайд нагирифтани муроҷиати шаҳрвандон, таҳлили сатҳи ҷинояткорӣ, назорати риояи қонунгузорӣ дар бораи андоз, худкушӣ ва мубориза бар зидди экстремизмро мавриди баррасӣ қарор доданд.

- Яке аз самтҳои асосии фаъолияти мақомоти прокуратура, ин кор бо муроҷиати шаҳрвандон буда, тавассути арз ё шикоят шаҳрвандон мехоҳанд масъалаҳои бамиёномадаро ҳал намоянд, - зикр кард Насрулло Маҳмудов, прокурори вилояти Хатлон. - Мутаассифона, дар бисёр ҳолатҳо, вақте ки шаҳрванд ба мо муроҷиат менамояд, мушкилашонро гӯш намекунем. Вазифаи мо - кормандони прокуратура ин аст, ки бо мардум муносибати хуб дошта бошем. Маҳз ҳамин хунукназарӣ нисбат ба муроҷиати мардум боис мешавад, ки онҳо минбаъд ба мо не, балки ба мақомоти болоӣ муроҷиат мекунанд.

Дар идомаи суҳбат Н. Маҳ-мудов, иброз дошт, ки ҳодисаҳои даст ба худкушӣ задани ноболиғон ва ҷавонон ташвишовар буда, дар амри пешгирии онҳо дар фаъолияти муассисаҳои маорифи шаҳру ноҳияҳо камбудиҳои ҷиддӣ ҷой доранд. «Вазифаи мактабҳо ва донишгоҳҳо натанҳо аз омӯзонидани фанҳои таълимӣ иборат аст, балки ҳамзамон, тарбияи маънавию ҷисмонии хонандагону донишҷӯён мебошад. Аммо, тарбияи онҳо дар рӯҳияи қавииродагӣ ва ҳаётдӯстдорӣ дар сатҳи паст қарор дошта, беҳбудии ҷиддиро талаб менамояд. Дар мактабу донишгоҳҳо ноболиғону ҷавонон аз ҷиҳати рӯҳӣ ва маънавӣ ташаккул наёфта, ҳангоми дучор шудан ба мушкилиҳои зиндагӣ ба сустиродагиву кӯтоҳандешӣ роҳ дода, дар баъзе ҳолатҳо даст ба худкушӣ мезананд. Дар ин давра 28 ҳолати ба худкушӣ ва сӯиқасд ба ҷони худ ба қайд гирифта шудааст, ки аз ин 22 нафар, аз ҷумла 8 мард ва 14 зан ба ҳалокат расидаанд. Дар вилоят дар ин муддат 7 нафар ноболиғон даст ба ин амал задаанд, ки аз ин 6 нафар хонандагони мактабҳои миёна мебошанд», - афзуд ӯ.

Тавре ки дар ҷаласа зикр гардид, дар самти риояи қонунгузорӣ дар бораи андоз 40 санҷиш гузаронида, барои бартараф намудани қонунвайронкуниҳо 350 санади прокурорӣ бароварда, бо баррасии онҳо 209 нафар ба ҷавобгарии интизомӣ ва маъмурӣ кашида шуда, 5 парвандаи ҷиноятӣ оғоз ва 10 даъво оид ба рӯёнидани қарзи андоз ба маблағи 1,3 млн. сомонӣ ба суди иқтисодӣ оварда шуданд.

Дар ҷаласа иттилоъ дода шуд, ки ба иҷрои Қонуни Ҷумҳурии Тоҷикистон «Дар бораи мубориза бар зидди экстремизм» диққати махсус дода, дар ҳамкорӣ бо дигар мақомотҳои ҳифзи ҳуқуқ 60 парвандаи ҷиноятӣ оғоз карда шудааст.

Ҳамчунин, зикр гардид, ки сатҳи содиршавии ҷиноят дар вилоят поён рафта, ҳамагӣ 1296 ҷиноят ба қайд гирифта шудааст, ки нисбати ҳамин давраи соли гузашта 66 ҷиноят кам мебошад. Сатҳи кушодавии ҷиноятҳо дар вилоят 74 фоизро ташкил дод. Дар ин замина сатҳи содиршавии ҷиноятҳои махсусан вазнин ва вазнин дар вилоят зиёд гардида, аз 224 ба 272 ҳолат расидааст. Аз ҷониби прокуророн дар семоҳаи аввали соли 2017-ум 68 ҷинояти аз қайд пинҳонмонда ошкор ва ба қайд гирифта шуда, 11 парвандаи ҷиноятӣ бо тасдиқи хулосаи айбдоркунӣ ба суд ирсол гардидааст. Бо натиҷаи баррасии пешниҳодҳои прокуророн 21 нафар кормандони мақомоти корҳои дохилӣ барои даст задан ба рӯйпӯшкунии ҷиноят ба ҷавобгарии интизомӣ кашида шудаанд.

Комрони БАХТИЁР,
“Хатлон”



Шарҳи хонандагон +

Матолиби дигар:

61 эътирози мардум ба  қарорҳои раисони шаҳру навоҳӣ

61 эътирози мардум ба қарорҳои раисони шаҳру навоҳӣ

Хабарҳо, Ҳуқуқу амният, КОМРОНИ БАХТИЁР
88,5%-и ҷиноятҳо ошкор шуданд

88,5%-и ҷиноятҳо ошкор шуданд

Хабарҳо, Ҳуқуқу амният, КОМРОНИ БАХТИЁР
60%-и кормандони прокуратура иҷоранишинанд

60%-и кормандони прокуратура иҷоранишинанд

Хабарҳо, Ҳуқуқу амният, НИЗОМИДДИН ИСОЕВ
Нигаронии мақомот аз афзоиши ҳаводиси худкушӣ дар Хатлон

Нигаронии мақомот аз афзоиши ҳаводиси худкушӣ дар Хатлон

Хабарҳо, Ҳуқуқу амният, НОСИРҶОН МАЪМУРЗОДА
Прокуратура: Ҷинояткории ноболиғон афзудааст

Прокуратура: Ҷинояткории ноболиғон афзудааст

Хабарҳо, НОСИРҶОН МАЪМУРЗОДА