Дар як сатр
» » Доруҳои пастсифатро cӯзонданд (аксу видео)

Доруҳои пастсифатро cӯзонданд (аксу видео)

19-04-2017, 09:01

Доруҳои пастсифатро cӯзонданд (аксу видео)


«Назорати қатъии сифати доруворӣ яке аз масъалаҳои асосии соҳаи тандурустӣ ба шумор меравад. Зеро то ба ҳол доруворӣ асосан аз хориҷи кишвар ворид шуда, сифати он дуруст муайян карда намешавад. Аз ин рӯ, вазорату идораҳои дахлдорро зарур аст, ки барои кам кардани муомилоти дорувории қалбакӣ ва пастсифат дар мамлакат чораҳои зарурӣ андешанд».

(Аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, 22 декабри соли 2016)


Раёсати Хадамоти назорати давлатии фаъолияти фарматсевтӣ дар вилояти Хатлон дар раванди идома бахшидани ислоҳоти соҳаи тандурустӣ ба масъалаҳои беҳтар намудани дастрасӣ, сифат ва самаранокии хизматрасонии тиббӣ ба аҳолӣ, инчунин, рушди шаклҳои нави кумаки тиббиву санитарӣ аҳамияти хоса медиҳад. Назорати қатъии сифати доруворӣ бошад, маҳз аз ҳамин соҳа вобаста аст.

Бо дарки ин нуктаи муҳими Паёми Президенти кишвар имрӯзҳо дар вилояти Хатлон низ иқдомҳои манфиатбахш ҷиҳати бо таҷҳизоти муосир таъмин намудани озмоишгоҳи Хадамоти назорати давлатии фаъолияти фарматсевтӣ дар вилояти Хатлон бахши микробиология барои ташхиси маводи доруворӣ амалӣ карда мешавад.



- Масъалаи маводи дорувории қалбакӣ ва ба талабот ҷавобгӯй набудани он нигаронкунанда аст, - зикр кард Бобоҷон Саидов, мудири шуъбаи рушди иҷтимоӣ ва робита бо ҷомеаи дастгоҳи раиси вилояти Хатлон. - Бо дарназардошти он ки зиёда аз 90 фоизи доруворӣ ба Тоҷикистон аз хориҷи кишвар ворид мегардад, танзими арзиши доруворӣ, сарфи назар аз мураккабии он, масъалаи бисёр ҳам муҳим ва рӯзмарра мебошад. Ба табобати беморон ҳамон вақт кафолат дода мешавад, ки агар сифати доруворӣ таъмин карда шавад.

Доруҳои пастсифатро cӯзонданд (аксу видео)Маҳмадҷон Абдуқодирзода, сардори Раёсати Хадамоти назорати давлатии фаъолияти фарматсевтӣ дар вилояти Хатлон, мегӯяд, ки аз тарафи мутахассисони Хадамот пайваста назорати сифати доруворӣ гузаронида мешавад.

«Нафароне, ки дорувории қалбакӣ ва муҳлати истифодааш гузаштаро мефурӯшанд, мутобиқи қонун ҷаримабандӣ мешаванд. Дар баробари ин, ҳангоми овардани маводи ороишӣ кормандони хадамоти гумрук соҳибкорони инфиродӣ ё шахсони ҳуқуқиро ба хадамоти мо барои гирифтани ҳуҷҷатҳои расмӣ равон мекунанд. Ширкат ё соҳибкори инфиродӣ дар асоси ҳуҷҷатҳои воридгашта ба сардори хадамот ариза пешниҳод менамояд. Нусхаи маҳсулоти воридгашта барои ташхис гирифта, баъд аз гузаронидани ташхис сертификати мутобиқат дода мешавад». - афзуд М. Абдуқодирзода.

Доруҳои пастсифатро cӯзонданд (аксу видео)- Хадамоти назорати давлатии фаъолияти фарматсевтӣ дар вилояти Хатлон сифати доруворӣ, маводҳои ороишию гигиенӣ, иловагиҳои фаъоли биологӣ ва ғизои бачагонаро аз санҷиш мегузаронад, - зикр кард Аслиддин Имомзода, мудири озмоишгоҳи Раёсати Хадамоти назорати давлатии фарматсевтӣ дар вилояти Хатлон. - Дар воқеъ, имрӯз масъалаи маводи дорувории қалбакӣ ва ба талабот ҷавобгӯй набудани он, на танҳо дар Тоҷикистон, балки дар бисёре аз кишварҳои дунё боиси нигаронист. Аз ин рӯ, Хадамот барои аз байн бурдани муомилоти дорувории қалбакӣ ва пастсифат чораҳои зарурӣ меандешад.

Доруҳои пастсифатро cӯзонданд (аксу видео)

Дар давоми се моҳи аввали соли 2017 аз тарафи шуъбаи назорати давлатии фаъолияти фарматсевтии хадамот ба миқдори 207 номгӯй 27691 адад (1600 кг) ба маблағи 122 ҳазор сомонӣ маводҳои дорувории қалбакӣ, пастсифат, ба таври қочоқ воридшуда ва муҳлати истифодабариашон гузашта, бесертификати мутобиқат ва сифат бо роҳи сӯзонидан несту нобуд карда шуданд.

Комрони БАХТИЁР,
«Хатлон»



Шарҳи хонандагон +

Матолиби дигар:

Низоми давлатии санҷиш – кафолати сифати доруворӣ

Низоми давлатии санҷиш – кафолати сифати доруворӣ

Хабарҳо, Тандурустӣ ва экология, Номаҳои Шумо
Барои фурӯши маҳсулоти пастсифат 319 нафар муҷозот шуд

Барои фурӯши маҳсулоти пастсифат 319 нафар муҷозот шуд

Хабарҳо, Тандурустӣ ва экология, КОМРОНИ БАХТИЁР
Сӯзонидане, ки ба манфиати мардум буд

Сӯзонидане, ки ба манфиати мардум буд

Хабарҳо, Тандурустӣ ва экология, ЗОКИРҶОН МУРОДОВ
Дорусозони Хатлон хайр карданд

Дорусозони Хатлон хайр карданд

Хабарҳо, Тандурустӣ ва экология
Маҳви доруҳои пастсифату куҳна дар Кӯлоб

Маҳви доруҳои пастсифату куҳна дар Кӯлоб

Хабарҳо, НАҶОТ САФАРЗОДА