Дар як сатр
» » Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

4-04-2017, 14:35

Гусели аввалин гурӯҳи наваскарон дар Хатлон (аксҳо ва видео)

Субҳи 4 апрел саҳни Театри вилоятии мусиқӣ-мазҳакавии ба номи Ато Муҳаммадҷонови шаҳри Қӯрғонтеппа идгоҳро мемонд. Ҷавонон бо шиору навиштаҷоти ватандӯстона, парчамҳои рангоранг ва рӯҳияи ватандӯстона ҷамъ омада буданд. Онҳоро ҳисси меҳанпарастӣ ба ин макон раҳнамун сохта буд. Дар ин чорабинӣ зиёда аз 5 ҳазор нафар намояндагон аз шаҳру новоҳии вилоят ширкат доштанд.

Дар доираи маъракаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон нахустин гурӯҳи ҷавонони вилояти Хатлон, ки синнашон (1990-1999) ба хизмати ҳарбӣ расидааст, бо тантана ба артиш сафарбар карда шуданд.

Давлатшоҳ Гулмаҳмадзода, раиси вилояти Хатлон, зимни баромадаш дар ин чорабинӣ гуфт, ки имрӯзҳо бо дастгирии пайвастаи Ҳукумати Ҷумҳурии Тоҷикистон, бахусус Президенти кишвар, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар ҳамаи ҷузъу томҳои Қувваҳои Мусаллаҳи мамлакат тамоми шароитҳо барои адои хизмати ҳарбии ҷавонон муҳайё карда шудааст.

Гусели аввалин гурӯҳи наваскарон дар Хатлон (аксҳо ва видео)
- Хизмат кардан ба ватан шарафи бузург ва дар айни замон вазифаи муқаддаси ҳар як ҷавон мебошад. Ҳар як хизматчии ҳарбӣ бояд хуб дарк намояд, ки ватандӯстӣ ин арзи садоқат ба Ватан-модар ва халқу давлати соҳибистиқлоли худ буда, дар пос доштани арзишҳои миллӣ ва аз тамоми манфиатҳо боло гузоштани манфиати давлату халқ зоҳир мегардад, - идома дод раиси вилоят.

Ҳамчунин, Давлатшоҳ Гулмаҳмадзода, зимни суханронии хеш кулли наваскаронро даъват намуд, ки онҳо дар баробари обутоби бадан, дар қисмҳои ҳарбӣ ба омӯхтани донишҳои замонавӣ, алалхусус, сиёсӣ ва низомӣ низ машғул шуда, мутахассиси варзида гарданд.

Гусели аввалин гурӯҳи наваскарон дар Хатлон (аксҳо ва видео)
Сипас, Майрам Шодиева, модари яке аз наваскарон аз шаҳри Қӯрғонтеппа, аз номи модарони даъватшудагон ба сухан баромада, гуфт, ки онҳо аз даъвати фарзандонашон ба сафи ҷавонмардони миллат мефахранд ва дигаронро низ ба он тарғиб намуда, афзуд: «Ман аз он хушнудам, ки писарам ихтиёран дар сафи Қувваҳои Мусаллаҳи мамлакат хизмати аскариро ба ҷо меорад ва марзу буми ватанро ҳифз менамояд».

- Имрӯз боиси ифтхор аст, ки ман ба сафи Қувваҳои Мусаллаҳи Ҷумҳурии Тоҷикистон шомил гашта, қарзи ҷавонмардиамро дар назди Ватан - модар адо хоҳам кард, - зикр кард наваскар Исмоил Алиев, аз ноҳияи Фархор. - Ман ваъда медиҳам, ки хизматро бо сари баланд ва интизоми намунавӣ ба анҷом расонида, пас аз адои хизмат дар ҳама ҳолатҳо омодаам, ки барои ин ватану миллат ҷони худро дареғ надошта хизмат намоям.

Раиси вилоят Давлатшоҳ Гулмаҳмадзода ва комиссари ҳарбии вилоят Нуралӣ Фақиров ба наваскарон туҳфаҳои хотиравӣ тақдим карданд.


Маросими нонгазон аз ҷониби модарон хеле ҳаяҷонангез сурат гирифт. Онҳо ба наваскарон кулчаҳои ширмоли бо меҳру муҳаббати беандоза пухтаи хешро пешниҳод намуда, чун анъанаи куҳани аҷдодӣ дуои нек доданд. Зеро пос доштани кулчаи бомаззаи дастпази модар - нигоҳдорандаи оташи фурӯзони хонадон, ҳар як ҷавонро водор месозад, ки содиқона хизмати Ватан-модарро ба ҷо ораду бо сари баланд ба хона баргарданд. Дар ин баробар гулдухтарони зебои атласу чаканпӯш гулу рӯймолчаҳои нақшин ба наваскарон тақдим намуданд. Аз чеҳраҳои зебою нигоҳи гарму ошиқонаи духтарон эҳсос намудем, ки ба ин ҷавонмардон боварии комил доранд, то даме ки ин гуна родмардон марзу буми меҳани азизро ҳифз менамоянд, онҳо бо хотири болида ба омӯхтани илму ҳунар машғул ва бозгашти онҳоро бесаброна интизор мешаванд.

Ҳини суҳбат бо даъватшавандагон аз шаҳру навоҳии вилоят равшан гардид, ки ҳамаи онҳо бо амри дил, бо хоҳиши хеш барои хизмат дар сафи Қувваҳои Мусаллаҳи Ҷумҳурии Тоҷикистон омодаанд. Пас, ин натанҳо чорабинии нахустдаъватшавандагон, балки хоҳишмандон низ буд. Яъне ҷамъомади ҷавонони ватанпарвар, баору номус, хештаншиносу худогоҳ ва миллатдӯст буд. Чунки онҳо таҳти шиори зерин саф ороста буданд:

Насли истиқлолу сулҳу ваҳдатем,
Пайравони Пешвои миллатем.


Дар охир, барномаи консертии санъаткорони Раёсати фарҳанги вилоят баргузор гардид. Дар анҷоми маърака падарону модарон бо дуои нек фарзандони худро ба хизмати ҳарбӣ гусел намуданд.

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Гусели аввалин гурӯҳи наваскарон дар Хатлон (аксҳо ва видео)

Комрони БАХТИЁР,
ВАХШОНА
“Хатлон”



Шарҳи хонандагон +

Матолиби дигар:

Ноҳияи Носири Хусрав яке аз аввалин шуда маъракаи даъвати наваскаронро ба о ...

Ноҳияи Носири Хусрав яке аз аввалин шуда маъракаи даъвати наваскаронро ба о ...

Хабарҳо
Ҷавонони шуҷоъ ба хизмати Ватан мераванд

Ҷавонони шуҷоъ ба хизмати Ватан мераванд

Фарҳанг ва адабиёт, Хабарҳо, АМОН МАҲКАМОВ
Оғози маъракаи даъвати аскарӣ

Оғози маъракаи даъвати аскарӣ

Хабарҳо, Ҷавонон ва варзиш, ҲАНГОМА ПАҲЛАВОНОВА
Нишони ҷавонмардӣ

Нишони ҷавонмардӣ

Ҷавонон ва варзиш
Сарсупурдаҳои Ватан

Сарсупурдаҳои Ватан

Ҷавонон ва варзиш, ҲАНГОМА ПАҲЛАВОНОВА