Дар як сатр
» » Соҳибкорон нерӯи бузурганд

Соҳибкорон нерӯи бузурганд

3-04-2017, 10:30

Соҳибкорон нерӯи бузурганд


«Соҳибкорон неруи бузурги пешбурди иқтисодиёт мебошанд».
Эмомалӣ Раҳмон, Асосгузори сулҳу ваҳдати миллӣ-Пешвои миллат


Дар даврони соҳибистиқлолии мамлакат барои рушди соҳибкорӣ заминаҳои мусоид фароҳам оварда шуд. Тавре ки Роҳбари давлат таъкид месозанд, дастгирии соҳибкории хурду миёна яке аз самтҳои асосии сиёсати иқтисодии давлат ба шумор меравад. Боиси хушнудист, ки дар ин самт фаъ-олнокии занону духтарон бештар ба чашм мерасад. Шумораи соҳибкорон миёни занону бонувон рӯз ба рӯз меафзояд. Ба хотири боз ҳам рушд додани соҳибкории хурду миёна Шӯрои соҳибкорзанони вилояти Хатлон таъсис дода шуд. Ба ин муносибат дар толори тарабхонаи «Леваканд»-и шаҳри Қӯрғонтеппа нахустҷаласаи Шӯро доир гардида, Низомнома ва нақшаи кории Шӯрои занони соҳибкори вилоят баррасӣ ва тасдиқ шуд. Зимни суханронӣ муовини раиси вилоят Махфират Хидирзода ёдовар гашт, ки бо ташаббусҳои неку сиёсати хирадмандонаи Президенти Ҷумҳурии Тоҷикистон Эмомалӣ Раҳмон грантҳои президентӣ барои занон таъсис ёфт. Ин дастгириҳои ҳамаҷониба имкон фароҳам овард, ки мақсаду ҳадафҳои бонувон дар самти соҳибкорӣ амалӣ гардид. Дар ин замина соли сипаригардида гранти раиси вилоят бо маблағи 250 ҳазор сомонӣ барои 21 нафар занону бонувон таъсис ёфт. Ҳамчунин грантҳои раисони ноҳияҳои Ёвон, Муъминободу Балҷувон низ таъсис гардид, ироа дошт Махфират Хидирзода ва афзуд, ки имрӯз низ бонувон ба омӯхтани таҳияи грантҳо ниёз доранд ва боварӣ дорем, ки таъсиси Шӯрои занони соҳибкор дар назди Раёсати кор бо занон ва оилаи мақомоти иҷроияи ҳокимияти давлатии вилояти Хатлон барои ҳалли ин масоил имкон пайдо месозад.

Сипас, роҳбари ҶДММ “Дурахш”-и шаҳри Қӯрғонтеппа Раъно Назирова, Ҳусния Шоинова - соҳибкори калон дар самти заргарӣ, чакандӯзӣ, Шаҳло Бурҳонова - соҳибкори хурд, роҳбари корхонаи дӯзандагии “Зебо”- самти либосҳои мактабӣ аз ноҳияи Шаҳритуз, Алиева Мавлуда - соҳибкор, роҳбари сехи қаннодӣ аз ноҳияи Фархор, Зулайхо Тиллоева - роҳбари хоҷагии деҳқонӣ аз ноҳияи Ёвон, Тозагул Самадова - соҳибкор, ғолиби озмуни гранти раиси вилояти Хатлон дар соли 2016 зимни суханронӣ аз фаъолият, дастоварду нақшаҳои минбаъдаи хеш ёдовар гардиданд.

Тавре ки Тозагул Самадова ироа дошт: «ҳунар маро ба 11 давлати хориҷа бурд. Аз Асосгузори сулҳу ваҳдати миллӣ - Пешвои миллат Эмомалӣ Раҳмон миннатдорем, ки чунин як фазои шаффоф барои соҳибкорон муҳайё сохтанд ва муҳимтар аз ҳама, Ватани тинҷу осуда ва Ваҳдати миллиро бароямон тақдим доштанд, ҳунарҳои мардумиро аз нав эҳё намуданд. Ҷавобан ба ин ғамхориҳо мо занони соҳибкор бояд сидқан меҳнат кунем».

Ҳамин тавр, бонувони соҳиб-кор андешаҳои хешро пиромуни дастгириҳои ҳамарӯзаи роҳбарияти Ҳукумати ҷумҳурӣ ва вилоят баён доштанд.

ВАХШОНА,
Н. ИСОЕВ



Шарҳи хонандагон +

Матолиби дигар:

Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Хабарҳо, Ҳокимияти давлатӣ, АСАЛМО САФАРОВА
Эълони озмун ҷиҳати дарёфти грантҳои раиси вилоят барои бонувони соҳибкор

Эълони озмун ҷиҳати дарёфти грантҳои раиси вилоят барои бонувони соҳибкор

Хабарҳо, Иқтисоду тиҷорат, Ҳаёти иҷтимоӣ, ҲАНГОМА ПАҲЛАВОНОВА
Мулоқот бо соҳибкорон

Мулоқот бо соҳибкорон

Иқтисоду тиҷорат, Хабарҳо, АСАЛМО САФАРОВА, НИЗОМИДДИН ИСОЕВ
Занони соҳибкор дар муттаҳидӣ табодули таҷриба мекунанд

Занони соҳибкор дар муттаҳидӣ табодули таҷриба мекунанд

Иқтисоду тиҷорат, Хабарҳо, АМОН МАҲКАМОВ
Қӯрғонтеппа. Шумораи занони роҳбар меафзояд

Қӯрғонтеппа. Шумораи занони роҳбар меафзояд

Ҳаёти иҷтимоӣ, Хабарҳо, ҲАНГОМА ПАҲЛАВОНОВА