Дар як сатр
» » Хиёнати ҲНИТ алайҳи давлатдорӣ

Хиёнати ҲНИТ алайҳи давлатдорӣ

16-03-2017, 09:51

Хиёнати ҲНИТ алайҳи давлатдорӣ

Маълум аст, ки ҲНИТ аз оғози ташкилёбии худ моҳи декабри соли 1991 бо мақсади ба даст овардани ҳокимияти сиёсӣ талош мекард. Яке аз мақсадҳои асосии ин ҳизб, пеш аз ҳама, сарнагун кардани сохти конститутсионӣ ва ба сари қудрат омадан буд. Маҳз бо ҳамин сабаб дар замони ҷанги шаҳрвандӣ фаъолияти ҲНИТ баста шуда буд. Баъд аз Созишномаи умумии истиқрори сулҳ ва ризоияти миллӣ (1997) 28 сентябри соли 1999 ва 15 октябри соли 2003 он ҳамчун ҳизби сиёсӣ аз нав номнавис шуда, ба фаъолият шурӯъ кард.

Аъзои ҳизб ва раёсати он дар таърихи Тоҷикистони соҳибистиқлол бояд, ки барои пешрафту ободии кишвар, якпорчагии миллати тоҷик, фаъолияти ҳамаҷонибаи созандагии худро баҳри гулгуншавии диёр ҳамчун ҳизби сиёсӣ равона мекард. Масъалаҳои ҳифзи истиқлолияти сиёсӣ, иқтисодӣ ва фарҳангӣ, ҳимояи тамомияти арзии Тоҷикистон, ҳимоят аз истиқрори сулҳ, таъмини ваҳдати миллӣ ва ҳамзистии бародаронаи халқҳои ҷумҳурӣ бояд дар маркази таваҷҷуҳи ин ҳизб буда, ҳамчун вазифаи муқаддаси ин ташкилоти сиёсӣ мебуд. Аммо, мутаассифона, солҳои охир масъулони он фаъолияти зидди конститутсиониро пеша карданд ва шумораи зиёди ҷиноятҳои хусусияти сиёсӣ, террористию экстремистидошта содир намуданд. Махсусан солҳои охир аъзои ин ҳизб дар байни аҳолӣ кинаю адоват барангехтанд, ки ин боиси халалдоршавии ҳаёти осудаи шаҳрвандон ва амнияти ҷамъиятӣ гардид.

Бояд тазаккур дод, ки баъд аз ба даст овардани истиқлолият ба роҳ гузошта шудани демократисозии ҳаёти ҷамъиятию сиёсӣ, барои ташкил ёфтан ва рушди ҳизбҳои сиёсӣ, ҳаракатҳою созмонҳои мухталиф давлат шароити мусоид эҷод намуд. Аз ин вазъият истифода намуда, соҳибмансабони ҲНИТ барои мақсадҳои шахсияшон муқобили манфиатҳои миллӣ ва давлатӣ баромаданд. Мо медонем, ки ҳоло низ дар хориҷи мамлакат доираҳои сиёсӣ, экстремистӣ, ташкилот ва мақомотҳои қудратманде ҳастанд, ки нооромии вазъи дохилии кишвари моро хоҳонанд ва аз ин манфиатдоранд. Онҳо мақсад доранд вазъи Тоҷикистонро бо вазъияти кунунии Афғонистон, Ироқ, Сурия ва дигар кишварҳои ноороми исломӣ табдил диҳанд ва дар сарзамини тоҷикон фазои террористӣ, зӯроварӣ, экстремистӣ, радикализмро ташкил намоянд. Маълум гашт, ки фаъолияти солҳои охири ҲНИТ барои ба мақсад расидани ин хоҷаҳои хориҷӣ мусоидат мекард. Рӯирост бояд гуфт, ки фаъолияти солҳои охири ҲНИТ ин хиёнат алайҳи давлатдории миллат буд. Роҳбарони ин ҳизб ба давлату миллати Тоҷикистон шукргузорӣ накарданд, бо даъватҳои оммавӣ ба асосҳои сохти конститутсионӣ ва соҳибихтиёрии Ҷумҳурии Тоҷикистон таҳдид намуданд.

Чи тавре ки дар шумораи 197-и рӯзномаи «Ҷумҳурият» аз 1 октябри соли 2015 омадааст, бесабаб нест, ки «Танҳо дар панҷ соли охир 45 нафар узви ҲНИТ ҷиноятҳои вазнин ва махсусан вазнин, 17 нафарашон барои содир намудани ҷиноятҳои ифротгароӣ ва террористӣ, аз қабили ташкили иттиҳодияҳои ҷиноятӣ ва иштирок дар онҳо, даъватҳои оммавӣ, бо роҳи зӯроварӣ тағйир додани сохти конститутсионии Ҷумҳурии Тоҷикистон нақша кашида шудаанд». Дар натиҷа, аз ҷониби Вазорати адлияи Ҷумҳурии Точикистон солҳои 2014-2015 муайян карда шуд, ки мақсади асосии ҲНИТ дар ҳақиқат аз сарнагун намудани сохти конститутсионӣ, соҳибихтиёрии он иборат будааст.

Набояд фаромӯш кард, ки бо мақсади ба роҳи зӯроварӣ ҷалб намудани ҳокимият Муҳиддин Кабирӣ ва дигар аъзои раёсати олии ҲНИТ бо собиқ муовини вазири мудофиа Назарзода Абдуҳалим Мирзо аз ҳисоби собиқ размандагони Иттиҳоди неруҳои мухолифин ва дигарон зиёда аз 20 гурӯҳи ҷиноятии иборат аз 15-30-нафариро дар ҳайати иттиҳоди ҷиноятӣ созмон дода, барои амалӣ намудани ҳадафҳои худ онҳоро вазифадор кардаанд, ки ба иншоотҳои махсусан муҳими давлатӣ ҳуҷуми мусаллаҳона намуда, фаъолияти онҳоро зери итоати худ қарор диҳанд.

Солҳои тӯлонӣ сарварони ин ҳизб ба ҷойи ватандӯстию миллатпарастӣ ба шаҳрвандони Ҷумҳурии Точикистон таассубро талқин мекарданд, барои «ҷиҳоду шаҳодат» кор мебурданд, супоришҳои хоҷаҳои хориҷии худро иҷро мекарданд. Як решаи дигари хиёнаткориҳои роҳбарияти ин ҳизб дар он аст, ки онҳо ҷавонони роҳгумзадаи тоҷикро гӯё барои таҳсил ба таълимгоҳҳои кишварҳои исломии хориҷа мефиристоданд ва аксарияти онҳо имрӯз дар сафи гурӯҳу ташкилотҳои террористии Ироқу Сурия, Афғонистону Покистон мебошанд.

Албатта бояд гуфт, ки шумораи бисёри аъзои ин ҳизб хатои худро дарк намуда, тарки ҳизб карданд. Онҳо дар натиҷаи фиреб ва зудбоварӣ аъзои ин ҳизб шуданашонро фаҳмиданд, зарурати сиёсати созандаи имрӯзаи Ҳукумати Ҷумҳурии Точикистон ва Сарвари оқилу тавонои онро эътироф карданд ва минбаъд барои ояндаи дурахшони Тоҷикистон фаъолият карданро пеша намуданд. Ин, албатта, хуб аст, ҷавонон, аз ҷумла аъзои роҳгумзадаи ин ҳизбро, ки аксарияти онҳо ҷавононанд, ба роҳи дуруст ҳидоят кардан вазифаи ҳар яки мост.

Дар баробари ин мо набояд он рӯзҳои сахтро фаромӯш кунем ва нисбати он нафароне, ки ба дастуру супоришҳои хоҷагони хориҷии худ, ки мехоҳанд мақсадҳои нопоки худро амалӣ созанд, бояд сахт нафрат дошта бошем ва бар зидди онҳо муборизаи беамонро ба роҳ монем.

Х. АЗАМОВ,
дотсенти кафедраи сиёсатшиносии
ДДК ба номи А. Рӯдакӣ



Шарҳи хонандагон +

Матолиби дигар:

Мо зидди хазонему тарафдори баҳорем!

Мо зидди хазонему тарафдори баҳорем!

Сиёсат, Хабарҳо, Ҳуқуқу амният, Номаҳои Шумо
Р. Азизӣ: ««Ҳидоятҳо»-и Нурӣ яке аз бунёдҳои асосии ифротгароӣ дар сафҳои п ...

Р. Азизӣ: ««Ҳидоятҳо»-и Нурӣ яке аз бунёдҳои асосии ифротгароӣ дар сафҳои п ...

Сиёсат, Хабарҳо
ҲНИТ дар шаҳри Сарбанд фаъолияташро қатъ кард

ҲНИТ дар шаҳри Сарбанд фаъолияташро қатъ кард

Сиёсат, Хабарҳо, НОСИРҶОН МАЪМУРЗОДА
Дар оянда кӣ шуданӣ ҳастӣ?

Дар оянда кӣ шуданӣ ҳастӣ?

Сиёсат, Номаҳои Шумо
Ф. Абдуллоева: Ҷавонони Хатлон бо муҳтавои номаи донишҷӯёни суғдӣ ба унвони ...

Ф. Абдуллоева: Ҷавонони Хатлон бо муҳтавои номаи донишҷӯёни суғдӣ ба унвони ...

Сиёсат, Хабарҳо, НОСИРҶОН МАЪМУРЗОДА