Дар як сатр
» » Ҳукми 1 тарғибгар ва 4 зархариди ДИИШ дар Хатлон

Ҳукми 1 тарғибгар ва 4 зархариди ДИИШ дар Хатлон

10-02-2017, 15:34

Ҳукми 1 тарғибгар ва 4 зархариди ДИИШ дар Хатлон


Коллегияи судӣ оид ба парвандаҳои ҷиноятии Суди вилояти Хатлон дар як рӯз ҳукми худро нисбати 5 нафар сокинони вилояти Хатлон барои ҳамдастӣ бо ДИИШ эълон кард.

Ба иддаои мақомоти тафтишотӣ, Алимаҳмадов Маҳмадисо Муродбекович, соли таваллудаш 1997, истиқоматкунандаи Ҷамоати деҳоти «Обшорон»и ноҳияи Шаҳритуз, соли 2015 ҳангоми дар муҳоҷирати меҳнатӣ дар Федеретсияи Россия қарор доштанаш бо Муҳаммад ном шахси номаълум шиносоӣ пайдо намуд. Муҳаммад ба Маҳмадисо оид ба ғояҳои ташкилоти террористию экстремистии «Давлати исломӣ» “амри маъруф" намуда, ӯро ба ин ташкилоти террористию экстремистӣ ҷалб намуд.

Ҳукми 1 тарғибгар ва 4 зархариди ДИИШ дар ХатлонСайфиддин Муҳиддинзода, муовини раиси Суди вилояти Хатлон, зимни қироати ҳукм дар толори Суди вилояти Хатлон гуфт, ки Маҳмадисо Алимаҳмадов бо кирдорҳои барқасдонаи худ мутобиқи моддаи 307 прим 1 қисми 2-и Кодекси ҷиноятии Ҷумҳурии Тоҷикистон айбдор дониста шуда, ба муҳлати 7 сол аз озодӣ маҳрум мегардад.

- Соли 2015 Алимаҳмадов Маҳмадисо Муродбекович дар шабакаи интернетӣ, дар сомонаи “Одноклассники» саҳифаи худро бо номи «Маҳмад Исо Ғафурӣ» созмон дода, дар он ақидаҳо ва расму наворҳои номатлуби ташкилоти экстремистӣ – террористии “Давлати исломӣ»-ро мавриди муҳокима қарор дода, корҳои номатлуби онҳоро ҳамчун муборизи роҳи ислом эътироф намудааст, - зикр намуд Сайфиддин Муҳиддинзода, муовини раиси Суди вилояти Хатлон. – Бо мақсади пурра аз худ намудани ғояҳои номатлуби ташкилоти экстремистӣ – террористии «Давлати исломӣ» Маҳмадисо бо сомонаҳои интернетии «Абумалик Таджики» (полковники фирорӣ Гулмурод Ҳалимов), «Сурия, бародар Абу Холиди Кӯлобӣ аз мулки Шом», «Снайперисти тоҷик (Алан Чекранов)» ва «Муҳаммад Ансорӣ- даъват ба сӯи Ҷиҳод» оид ба дуруст будани ҷиҳод дар Сурия суҳбат ороста, сабту наворҳои ваҳшиёнаи онҳоро бо маводҳои таблиғотии ташкилоти экстремистии «Гурӯҳи 24» ба дигарон паҳн намудааст.

Ҳукми 1 тарғибгар ва 4 зархариди ДИИШ дар Хатлон
Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои Ҷумҳурии Тоҷикистон аз 10 уми октябри соли 2016 таҳти №3408/24-433 дар мазмун ва мундариҷаи баромадҳои саркардагон ва аъзои ташкилоти экстремистӣ-террористии ба номи “Давлати исломӣ”, ки М. Алимаҳмадов, тавассути саҳифаи худ дар шабакаи иҷтимоии Интернет паҳн намудааст, даъвати оммавӣ дар мавҷуд будани ба амал баровардани фаъолияти экстремистӣро, дар хулосаи худ арзёби кардаанд.

Волидони Маҳмадисо гуфтанд, ки аз ҳукми суд норозианд.

Аммо раиси мурофиаи судӣ зикр кард, ки Суд ҳангоми таъини ҷазо ба Маҳмадисо ҳолати сабуккунандаи ҷазо, ки судшаванда бори аввал ҷиноят содир карда, ба кадааш иқрор буда, самимона пушаймон буданаш ба назар гирифтааст.

Тибқи талаботи банди 7 қарори Пленуми Суди Олии Ҷумҳурии Тоҷикистон «Дар бораи татбиқ намудани қонунгузорӣ ҳангоми баррасии парвандаҳои ҷиоятии хусусияти экстремистӣ дошта» таҳти мафҳуми даъват (моддаи 307 1 Кодекси ҷиноятии Ҷумҳурии Тоҷикистон - Даъвати оммавӣ барои амалӣ намудани фаъолияти экстремистӣ (ифротгароӣ) ва сафедкунии оммавии экстремизм) ин таъсир расонидан ба шуур ва иродаи одамон бо мақсади майл намудани онҳо ба амалигардонии фаъолияти экстремистӣ фаҳмида мешавад. Шаклҳои даъват метавонанд шифоҳӣ, хаттӣ ё тавассути воситаҳои техникӣ ифода гарданд. Агар даъват аз тариқи истифода аз воситаҳои ахбори омма ё шабакаи интернетӣ содир гардида, он гоҳ таркиби ҷинояти бо қисми 2- и моддаи 3071 Кодекси ҷиноятии Ҷумҳурии Тоҷикистон пешбинишударо ташкил медиҳад.

Ҳукми 1 тарғибгар ва 4 зархариди ДИИШ дар Хатлон

Ҳамчунин Суди вилояти Хатлон боз се сокини ноҳияи Хуросон ва 1 сокини шаҳри Кӯлобро барои талоши боло кардани парчами гурӯҳи тундрави "Давлати исломӣ", ки бо қарори Суди Олии Ҷумҳурии Тоҷикистон аз 14 апрели соли 2015 фаъолияташ манъ карда шудааст, аз озодӣ маҳрум намудзиндонӣ кард.

Ба идаои муфаттишон, ин чаҳор ҷавон – Беҳрӯз Файзалиев, Маҳмадсаид Забиров, Сангалӣ Ёрназаров ва Раҷҷо Умаров нақшаи ҷиноятро дар шаҳри Самараи Русия, дар замони дар муҳоҷирати корӣ буданашон кашида, баъдан мехостанд дар Тоҷикистон амалӣ кунанд.

- Инҳо мехостаанд, ки пайкараи Ленин дар Кӯлоб, пайкараи “Моҳу ситора", Идораи амният ва идораи милитсияи ноҳияи Хуросонро битарконанд, - омадааст дар ҳукми суд. – Тамосҳои ин гурӯҳ бо Самараи Русия аз тариқи интернет сурат гирифта, барои иҷрои тамоми корҳо бояд 800 ҳазор рубли русӣ масраф мешуд. Ҳукми ин нафарон аз рӯи моддаҳои "Барангехтани кинаву адовати миллӣ", "Зархаридӣ", "Терроризм" ва "Тайёрӣ барои анҷоми ҷиноят"- и Кодекси ҷиноятии Ҷумҳурии Тоҷикистон, баррасӣ шуда, онҳо аз 12 то 15 сол зиндонӣ шуданд.

Даврон Ёрназаров, бародари Сангалӣ Ёрназаров, дар сӯҳбат бо хабарнигорон гуфт, ки дар робита бо қазияи бародараш бетарафиро ихтиёр мекунад ва намехоҳад аз ӯ пуштибонӣ намояд..

Вакилони дифои ин чаҳор ҷавон ба хабарнигорон гуфтанд, маҳкумшудаҳо шикояте надоранд ва аз додани тафсилот худдорӣ намуданд.

Комрони БАХТИЁР

Ин гузориш дар ҳамдастӣ бо Намояндагии Институти инъикоси ҷанг ва сулҳ (IWPR) дар Тоҷикистон, дар доираи лоиҳаи «Тавонмандсозии ҷомеа ба хотири мубориза бо ифротгароӣ дар Тоҷикистон» омода шудааст
.


Шарҳи хонандагон +

Матолиби дигар:

Терроризму ифротгароӣ ва хатари он ба ҷамъият

Терроризму ифротгароӣ ва хатари он ба ҷамъият

Хабарҳо, Сиёсат, Номаҳои Шумо
Аз озодӣ маҳрум шудани ду ҷавон

Аз озодӣ маҳрум шудани ду ҷавон

Хабарҳо, Ҳуқуқу амният, НОСИРҶОН МАЪМУРЗОДА
Аз 10 то 25 сол аз озодӣ маҳрум шудани сокинони Норак

Аз 10 то 25 сол аз озодӣ маҳрум шудани сокинони Норак

Хабарҳо, Ҳуқуқу амният, Ҷавонон ва варзиш, КОМРОНИ БАХТИЁР
Парчамбардорони «Давлати исломӣ» муҷозот шуданд

Парчамбардорони «Давлати исломӣ» муҷозот шуданд

Хабарҳо, Ҳуқуқу амният, Ҷавонон ва варзиш, КОМРОНИ БАХТИЁР
Нафси бад - балои ҷон!

Нафси бад - балои ҷон!

Хабарҳо, Ҳуқуқу амният, ЗОКИРҶОН МУРОДОВ