Дар як сатр
» » «Ҳамлаи оилавӣ» ба падар: модар буғӣ карду писар бо табар зад

«Ҳамлаи оилавӣ» ба падар: модар буғӣ карду писар бо табар зад

13-02-2017, 12:03

«Ҳамлаи оилавӣ» ба падар: модар буғӣ карду писар бо табар зад


Суди вилояти Хатлон парвандаи ҷиноятиеро дида баромад, ки дар робита ба куштори падар аз сӯйи писару модар мебошад.

Бино ба иттилои Зубайдулло Маҳмудзода, додраси парванда, вақте мард аз меҳмонии хешовандонаш ба хона баргашт, писараш Ҳомидҷон бо табар ба падар ҳамла кард. Баъд Қурбонгул бо дастони худ шавҳарро буғӣ намуд. Онҳо ҷасади ӯро шабона дар дурии 800 метр аз манзили зисташон зери хок карда, аробаро ба дарё андохтанд.

«Ҳасан Тоштемурови 45-сола, ки давоми солҳои зиёд бо ҳамсару фарзандонаш ҷангу даъвои зиёд доштааст, бо зарби табар кушта шуд. Ҷараёни таҳқиқ ва баъдан мурофиа собит кард, ки кушторро аз рӯи маслиҳати пешакӣ модару писар содир кардаанд. Ҳодисаи куштор пас аз 36 рӯз ошкор шуд», - гуфт Зубайдулло Маҳмудзода.

Маҳкумшудаҳо Қурбонгул Сариеваи 43-сола ва писари бузургаш Ҳомидҷон Тоштемурови 18-сола дар ҷараёни суд ба гуноҳи худ иқрор шуданд. Онҳо ба хабарнигорон гуфтанд, ки аз моҷароҳои пайвастаи оилавӣ хаста шудаанд ва муҳити пурхушунати хонавода ва латту кӯби ҳамешагии мард онҳоро ба содир намудани ҷинояти куштор расонидааст.

Суд ба қотилон ҷазои сазовор дод. Бо ҳукми суд Қурбонгул Сариева ба муҳлати 25 сол ва Ҳомидҷон Тоштемуров 27 сол равони зиндон шуданд.

Комрони БАХТИЁР,
“Хатлон”




Шарҳи хонандагон +

Матолиби дигар:

Модар, варо набахш

Модар, варо набахш

Фарҳанг ва адабиёт, Хабарҳо
Парчамбардорони «Давлати исломӣ» муҷозот шуданд

Парчамбардорони «Давлати исломӣ» муҷозот шуданд

Хабарҳо, Ҳуқуқу амният, Ҷавонон ва варзиш, КОМРОНИ БАХТИЁР
Ноболиғи 16-сола дар куштори кӯдак гумонбар дониста мешавад

Ноболиғи 16-сола дар куштори кӯдак гумонбар дониста мешавад

Хабарҳо, Ҷавонон ва варзиш, НОСИРҶОН МАЪМУРЗОДА
Ифтитоҳи 43 парванда вобаста ба ҷиноятҳои ифротгароӣ

Ифтитоҳи 43 парванда вобаста ба ҷиноятҳои ифротгароӣ

Хабарҳо, Ҳуқуқу амният, НОСИРҶОН МАЪМУРЗОДА
«Вақте шумо ҳам пир шудед…»

«Вақте шумо ҳам пир шудед…»

Ҳаёти иҷтимоӣ, Номаҳои Шумо