Дар як сатр
» » Муҳлати даъвои 36,7 миллион сомонӣ «қарзҳои беэътимод» гузаштааст

Муҳлати даъвои 36,7 миллион сомонӣ «қарзҳои беэътимод» гузаштааст

4-02-2017, 15:30

Муҳлати даъвои 36,7 миллион сомонӣ «қарзҳои беэътимод» гузаштааст

- Дар вилоят соли 2016 нақшаи ду намуди андоз таъмин нагардид, - хабар дод Хайриддин Наҷмиддинов, муовини сардори Сарраёсати молияи вилояти Хатлон, - андоз аз даромад 5% (10 миллион сомонӣ) ва андоз аз арзиши иловашуда 2% (3,5 миллион сомонӣ).

Бақияпулии андозҳо, тибқи иттилои Х. Наҷмиддинов, то якуми декабри соли 2016 маблағи 152 миллион сомониро ташкил дод, ки нисбат ба аввали соли гузашта 14 миллион сомонӣ зиёд шудааст.

Аз рӯйи ҷамъбасти ҳисобот, қарзи бақияпулии андозҳо, асосан,ба соҳаи кишоварзӣ 50,9 миллион сомонӣ, корхонаҳои тобеи Агентии беҳдошти замин ва обёрӣ 23 миллион сомонӣ ва ба корхонаҳои саноатӣ 11,5 миллион сомонӣ рост меояд.

- Қайд кардан бамаврид аст, ки яке аз сабабҳои сол то сол зиёд гардидани бақияпулии андозҳо ҳисоб намудани фоизу ҷаримаҳо ва сари вақт пардохт нагардидани маблағҳои ҳисобишуда мебошад, - идома дод Х. Наҷмиддинов. – Танҳо дар 11 моҳи соли 2016 аз ҳисоби фоизу ҷаримаҳо бақияпулии андозҳо 27 миллион сомонӣ зиёд гардидааст.

Сабаби дигар он аст, ки дар ҳудуди вилоят дар натиҷаи таҷдиди хоҷагиҳо аз тарафи комиссияҳои ноҳиявӣ бақияпулии андози хоҷагиҳои таҷдидшуда ба зиммаи хоҷагиҳои навтаъсис гузошта шудааст. Ғайр аз ин, қарзи хоҷагиҳои пахтакор, ки ба таъхир гузошта шуда буд, дар соли 2016-ум 6,3 миллион сомонӣ дар ҳисобварақаи андозсупорандаҳои дахлдор барқарор карда шудааст. Дар ҳамин ҳол, ба қавли муовини сардори Сарраёсати молияи вилоят, 36,7 миллион сомонӣ маблағи қарзи андозҳо қарзҳои беэътимод мебошанд, ки муҳлати даъвояшон гузаштааст.

Н. МАЪМУРЗОДА,
«Хатлон



Шарҳи хонандагон +

Матолиби дигар:

Ошкорсозии 1,1 млн. сомонӣ зарар

Ошкорсозии 1,1 млн. сомонӣ зарар

Хабарҳо, Ҳуқуқу амният, НОСИРҶОН МАЪМУРЗОДА
Ироаи 110 миллион сомонӣ қарзҳои бонкӣ дар вилоят

Ироаи 110 миллион сомонӣ қарзҳои бонкӣ дар вилоят

Иқтисоду тиҷорат, Хабарҳо, НОСИРҶОН МАЪМУРЗОДА
Санҷиши кори 630 муассиса дар як сол

Санҷиши кори 630 муассиса дар як сол

Хабарҳо, НОСИРҶОН МАЪМУРЗОДА
Нақшаи ҷамъоварии андоз - 115%

Нақшаи ҷамъоварии андоз - 115%

Хабарҳо
Афзоиши шумораи қарздорон

Афзоиши шумораи қарздорон

Иқтисоду тиҷорат, Хабарҳо