Дар як сатр
» » 24 шикоят аз паст будани сифати маҳсулот

24 шикоят аз паст будани сифати маҳсулот

25-01-2017, 10:09

24 шикоят аз паст будани сифати маҳсулот


Аз тарафи Маркази стандартизатсия, метрология, сертификатсия ва нозироти савдои Тоҷикстандарт дар вилояти Хатлон 3330 адад бозичаҳои пластикӣ ва 500 кг қандакҳои чинӣ, ки ба тариқи қочоқ дар қаламрави вилояти Халон ворид гардидаанд, ошкор ва аз муомилот гирифта шуданд.

Ин нуктаро Диловар Пирназарзода, директори Маркази «Тоҷикстандарт» дар вилояти Хатлон, зимни нишасти хабариаш гуфт. Аз ҷумла, таъкид дошт, баъди гузаронидани ташхис аз тарафи кормандони соҳа маълум гардид, ки бозичаҳои пластики ғайристандартӣ буда ба саломатии кӯдакон зарароваранд.

Бо назардошти пешгирии воридоти маҳсулоти озуқавории бесифат ба бозори истеъмолӣ ва ҳимояи ҳуқуқи истеъмолкунандагон дар натиҷаи гузаронидани назорати давлатӣ миқдори калони маҳсулоти гуногуни муҳлати истъмолиашон гузашта ошкор карда шудааст. Аз ҷумла, 300 кг макарон, 8087 кг маҳсулоти қаннодӣ, 152, 21 дал нӯшокии машруботӣ, 70, 9 дал нӯшокии ғайримашруботӣ, 37 тоннаю 780 кг чой, қаҳва, 805кг моеъи шустушӯйӣ, 27 тоннаю 945 кг маҳсулоти консерваи меваю сабзавот, 203 кг хамиртуруши хушк (дрож), 337,5 кг ҳасиб, 223,4 кг маҳсулоти ширӣ, 239 тоннаю 614 кг маҳсулоти гӯштӣ, 14000 дона тухми мурғ, 443 кг меваи хушк (хурмо), 1000 кг намаки ошӣ, 54 т 193кг равғани растанӣ, 92 қуттии тамоку ғайристандартӣ дониста шуд, ки нисбати шахсони мутасаддӣ тибқи талаботи қонунҳои амалкунанда чораҷӯйӣ карда шуд.

24 шикоят аз паст будани сифати маҳсулот- Маркази стандартизатсия, метрология, сертификатсия ва нозироти савдои Тоҷикстандарт дар вилояти Хатлон ҷиҳати ҳифзи бозори истеъмолӣ аз молу маҳсулоти пастсифат ва ғайристандартӣ, инчунин ба ҳимояи ҳуқуқи истеъмолкунандагонро таваҷҷуҳ зоҳир менамояд, - зикр намуд Диловар Пирназарзода, директори Маркази « Тоҷикстандарт» дар вилояти Хатлон. – Баҳри таъмини ҳимояи ҳуқуқи истеъмолкунандагон 24 аризаи шифоҳию хаттии шикояти шаҳрвандон, ки аксарияти онҳо аз паст будани сифати маҳсулот иборат мебошад, ба таври мусбат ҳалли худро ёфтаанд.

Дар охири нишаст Д. Пирназарзода таъкид намуд, ки бо мақсади роҳ надодан ба воридоти маҳсулоти пастсифат, аз қабили тухм ва гӯшти мурғ аз хориҷи кишвар, бо воридкунандагони ин навъи маҳсулот вохӯрӣ доир гардид, ки минбаъд воридоти тухм ва гӯшти мурғ қатъ мегардад.

Комрони БАХТИЁР,
«Хатлон»



Шарҳи хонандагон +

Матолиби дигар:

Мулоқоти раиси вилоят бо ҳайате аз соҳибкорони Россия

Мулоқоти раиси вилоят бо ҳайате аз соҳибкорони Россия

Иқтисоду тиҷорат, Хабарҳо, Арсаи кишоварзӣ
Барои фурӯши маҳсулоти пастсифат 319 нафар муҷозот шуд

Барои фурӯши маҳсулоти пастсифат 319 нафар муҷозот шуд

Хабарҳо, Тандурустӣ ва экология, КОМРОНИ БАХТИЁР
Мусодираи 2,5 тонна намаки бесифат

Мусодираи 2,5 тонна намаки бесифат

Хабарҳо, Тандурустӣ ва экология, ҲАНГОМА ПАҲЛАВОНОВА
Аз муомилот берун овардани беш аз 2 тонна маводи нашъадор

Аз муомилот берун овардани беш аз 2 тонна маводи нашъадор

Хабарҳо, Ҳуқуқу амният, НОСИРҶОН МАЪМУРЗОДА
Амрияи манъи «Тоҷикстандарт»  барои маҳсулоти ғайристандартӣ

Амрияи манъи «Тоҷикстандарт» барои маҳсулоти ғайристандартӣ

Хабарҳо, АМОН МАҲКАМОВ