Дар як сатр
» » 9409 ҷавонон ба кор таъмин гаштанд

9409 ҷавонон ба кор таъмин гаштанд

19-01-2017, 10:18


9409  ҷавонон ба кор таъмин гаштанд
Ба иттилои Фариза Абдуллоева соли 2016 дар қаламрави вилояти Хатлон 18118 нафар ҷавонон барои пайдо кардани ҷойи корӣ ба идораи шуғли аҳолии вилоят муроҷиат кардаанд. Дар якҷоягӣ бо Раёсати шуғли аҳолии вилоят 257 ярмаркаи ҷойҳои холӣ баргузор шуд, ки дар натиҷа 9409 ҷавон ба кор таъмин гашт.

Ҳамчунин, дар нишасти матбуотӣ зикр карда шуд, ки аз тарафи Раёсат дар якҷоягӣ бо сохторҳои маҳаллӣ бо мақсади пешгирии хурофоту ҷинояткорӣ, худкушию худсӯзӣ, хариду фурӯши одам мулоқоту вохӯриҳо, чорабиниҳои фарҳангиву маърифатӣ баргузор карда шуд. Дар самти худкушӣ, худсӯзӣ, умуман, пешгирии амалҳои номатлуб 725 номгӯйи чорабиниҳо гузоронида шуд. Соли 2016 дар вилояти Хатлон 44 ҳолати даст ба худкушӣ задани ҷавонон ба қайд гирифта шуд, ки ин нисбат ба соли гузашта 8 ҳолат зиёд мебошад.

- Барои рушди соҳаи сайёҳӣ дар вилояти Хатлон 70 ҳазор сомонӣ ва барои шаҳру ноҳияҳои вилоят 110 ҳазор сомонӣ барои соли 2016 маблағ ҷудо гардида буд. Дар вилояти Хатлон 3 адад ширкатҳои сайёҳӣ, аз ҷумла «Сари Хосор тревел» дар Балҷувон, «Морхӯр» дар ноҳияи Шамсиддини Шоҳин, «Сайёҳ-21» дар шаҳри Қӯрғонтеппа ва Ташкилоти ҷамъиятии «Туризми ба воситаи ҷомеаи ташкилёфта» дар ноҳияи Муъминобод дар самти сайёҳӣ фаъолият менамоянд,- иброз дошт Фариза Абдуллоева.

Фариза Абдуллоева дар идома гуфт: «Соли 2016 варзишгарони вилоят дар 82 мусобиқаи ҷумҳуриявӣ ва 31 мусобиқаи байналмилалӣ ширкат намуда, соҳиби 1602 медал гардиданд. Аз мусобиқаҳои ҷумҳуриявӣ 465 медали тилло, 451 медали нуқра, 575 медали биринҷӣ ба даст оварданд. Варзишгарони вилоят дар мусобиқаҳои байналмилалӣ соҳиби 113 медал, аз ҷумла, 6 медали тилло, 26 медали нуқра ва 52 медали биринҷӣ шуданд. Варзишгарон нисбати соли гузашта 117 медал зиёд ба даст овардаанд».

Рӯзноманигорон дар нишасти матбуотӣ бештар ба масъалаҳои рушди туризми дохилӣ таваҷҷуҳ зоҳир намуда, ба суолҳои хеш посухҳои қаноатбахш гирифтанд.

Фаромӯз БОБОЕВ,
«Хатлон»



Шарҳи хонандагон +

Матолиби дигар:

Беш аз 50 медали толибилмони хатлонӣ дар олимпиадаи ҷумҳуриявӣ

Беш аз 50 медали толибилмони хатлонӣ дар олимпиадаи ҷумҳуриявӣ

Хабарҳо, Маориф ва илм, ҲАНГОМА ПАҲЛАВОНОВА
154 медали варзишгарони Хатлон дар 3 моҳ

154 медали варзишгарони Хатлон дар 3 моҳ

Хабарҳо, Ҷавонон ва варзиш, Номаҳои Шумо
104 медали тилои варзишгарони Хатлон

104 медали тилои варзишгарони Хатлон

Хабарҳо, Ҷавонон ва варзиш, НОСИРҶОН МАЪМУРЗОДА
Боз як медали Фавориз

Боз як медали Фавориз

Хабарҳо, Ҷавонон ва варзиш
Варзишгарони Хатлон: «Барои Ҷоизаи Президент талош мекунем»

Варзишгарони Хатлон: «Барои Ҷоизаи Президент талош мекунем»

Хабарҳо, Ҷавонон ва варзиш