Дар як сатр
» » «Корвони ваҳдат»-и Хатлон дар Бадахшон (аксҳо)

«Корвони ваҳдат»-и Хатлон дар Бадахшон (аксҳо)

26-05-2016, 13:04

«Корвони ваҳдат»-и иштирокчиёни «Рӯзҳои фарҳангии Хатлон дар Вилояти Мухтори Кӯҳистони Бадахшон» сафари хешро ба ноҳияҳои Ванҷ, Ишкошим, Роштқалъа ва Мурғоб оғоз бахшиданд.

«Корвони ваҳдат»-и Хатлон дар Бадахшон (аксҳо)

«Корвони ваҳдат» аз назди бинои мақомоти иҷроияи ҳокимияти давлатии вилояти Хатлон соати 14:00 ба роҳ баромад. Ширкаткунандагони корвонро дар ноҳияи Шамсиддини Шоҳин истиқбол намуданд. Субҳи 25 май, расо соати 7, дар даромадгоҳи ноҳияи Дарвоз аҳли ҳунару фарҳанги вилоятро муовини якуми раиси ВМКБ Нуралӣ Риоев, раиси ноҳияи Дарвоз Саидбурҳон Абдураҳмонзода, сокинони ноҳияи мазкур бо нону намак пешвоз гирифтанд. Намояндагони вилояти Хатлонро муовини раиси вилоят Махфират Хидирзода роҳбарӣ дошт.

«Корвони ваҳдат»-и Хатлон дар Бадахшон (аксҳо)

Дар «Корвони ваҳдат»-и Хатлонзамин шоирону ҳунармандони варзида, намояндагони шаҳру ноҳияҳои вилоят, санъаткорони театрҳои вилоятии мусиқӣ-мазҳакавии ба номи Ато Муҳаммадҷонови шаҳри Қӯрғонтеппа ва Сайдалӣ Вализодаи шаҳри Кӯлоб шомиланд. Зимни қабули меҳмонон дар ноҳияи Дарвоз, ки «Дарвозаи тилоии Бадахшон» номида мешавад, муовини якуми раиси вилояти Бадахшон Нуралӣ Риоев суханронӣ карда, иброз дошт, ки таҳти роҳбарии оқилонаю хирадмандонаи Асосгузори сулҳу ваҳдати миллӣ - Пешвои миллат Эмомалӣ Раҳмон имрӯз соҳиби давлати соҳибистиқлолу озод, ҳуқуқбунёд ҳастем. Асолати мо - тоҷиконро, ки ваҳдатофарию ободгароист дар симои Эмомалӣ Раҳмон чаҳониён шинохтанд. Ин родмарди асил, қавииродаю некандеш тавонист дар як муддати кӯтоҳ Тоҷикистонро ба оламиён муаррифӣ созаду дар ин баробар мамлакатро аз бунбасти коммуникатсионӣ раҳо намояд.

«Корвони ваҳдат»-и Хатлон дар Бадахшон (аксҳо)

Муовини раиси вилоят Махфират Хидирзода назди ҳозирин сухан ронда, сарҷамъию «Корвони ваҳдат»-и имрӯзаи вилояти Хатлонро дар шаҳру ноҳияҳои ВМКБ аз самараи Ваҳдати миллӣ, хизматҳои беназири Президенти Ҷумҳурии Тоҷикистон, Пешвои миллат, Асосгузори сулҳу ваҳдати миллӣ Эмомалӣ Раҳмон арзёбӣ намуд.

«Корвони ваҳдат»-и Хатлон дар Бадахшон (аксҳо)

Раиси ноҳияи Дарвоз Саидбурҳон Абдураҳмонзода иброз дошт, ки 19-умин солгарди Ваҳдати миллӣ тибқи Қарори Ҳукумати Ҷумҳурии Тоҷикистон дар Бадахшон ҷашн гирифта мешавад, ки ин боиси ифтихори мост. Базми Ваҳдат дар ин гӯшаи сарсабзу хуррами Ватани биҳиштосо ба афлок танинандоз буду санъаткорони ду вилоят зери мусиқии рӯҳафзо ва сурудҳо бахшида ба Ваҳдати миллӣ, Ватан, сулҳу субот мерақсиданд.

Ҳангоми сафар муовини сардори Раёсати ВКД дар ВМКБ Мирзобек Сафолзода, ки корвонро роҳбаладӣ мекард, роҳ ба роҳ хотираҳои хешро саҳифагардон намуда, аз соли 1995 ёдоварӣ кард, ки чӣ гуна дар шаҳри Душанбе Роҳбари давлат Эмомалӣ Раҳмон дар он айёми сангин масъулияти гаронеро бар дӯши хеш гирифта буд. Як нукта басо ҷолиб буд, ки Президенти Ҷумҳурии Тоҷикистон 56 маротиба ба ВМКБ сафари корӣ дошт. Ҳол он ки дар даврони Иттиҳоди Шӯравӣ умуман ягон нафар собиқ роҳбарони Ҳукумати давр аз Бадахшон дидан ба амал наовардаанд.

Ҳамчунин, вақте ки 16 июли соли 2015 дар натиҷаи офати табиӣ ба аҳолии деҳаи Барсеми ноҳияи Шуғнон зиёни ҷиддӣ расида, сокинон бехонаву анҷоми рӯзгор монда буданд, дар як муддати кӯтоҳ бо иқдоми фарзанди фарзонаи миллат Эмомалӣ Раҳмон 81 хона, мактаб, бунгоҳи тиббӣ, роҳҳо сохта мавриди истифода қарор доданд.

«Корвони ваҳдат»-и Хатлон дар Бадахшон (аксҳо)

Дар роҳҳои тахту ҳамвор то деҳи Шкев расидани хешро нафаҳмидем, бо ҳамроҳон. Дар деҳаи Даштаки ноҳияи Ванҷ раиси ноҳия Давлатбибӣ Раҷабова, фаъолон, хурду бузург ба истиқболи намояндагони вилояти Хатлон баромаданд.

Баргу сози коинот аз ваҳдат аст,
Андар ин олам ҳаёт аз ваҳдат аст,

- Чунин мазмун дошт пазироии гарму самимии сокинони ноҳияи Ванҷ, ки зери мусиқии рӯҳнавоз хурду бузург мерақсиданду шукргузорӣ аз ваҳдату якпорчагии Тоҷикистон мекарданд. Намояндагони вилоят аз ҶММ «Мармар Стоун»-и ноҳия дидан ба амал оварда, бо фаъолияти ин корхона аз наздик шинос гардиданд. Тавре ки роҳбари корхонаи мазкур Сунатулло Акрамов иброз дошт, дар ин муассиса дар баробари коркарди мармар, ҳамчунин хокаи пластика ва масолеҳ барои рангубори хонаҳо низ истеҳсол мешавад.

«Корвони ваҳдат»-и Хатлон дар Бадахшон (аксҳо)

Аҳли деҳи Панҷшанбеободи ноҳия ба пазироии «Корвони ваҳдат» - иштирокчиёни «Рӯзҳои фарҳангии Хатлон дар Вилояти Мухтори Кӯҳистони Бадахшон» баромада буданд. Бонувон садои дафро ба афлок расонида, бо нону шириниҳо, шеьру суруд меҳмононро хайрамақдам мегуфтанд.

Сипас, дар маркази ноҳияи Ванҷ намоишу фурӯши маҳсулоти кишоварзию саноатӣ ва ҳунарҳои мардумии Хатлонзамин, аз ҷумла ноҳияҳои Фархору Мир Сайид Алии Ҳамадонӣ ва Вахш баргузор гардид. Кашидадӯзиҳои рангорангу нотакрори бонувони хатлонӣ диққати бошандагони ноҳияро ба хеш ҷалб намуд.

«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


Дар ҷамъомади тантанавӣ бо иштироки ҳазорҳо нафар раиси ноҳияи Ванҷ, муовини якуми раиси ВМКБ, муовини раиси вилояти Хатлон ширкат варзиданд. Чорабиниро раиси ноҳия Давлатбибӣ Раҷабова ҳусни оғоз бахшида, аз он изҳори хушнудӣ кард, ки бо шарофати бузургтарин ҷашн - Ваҳдати миллӣ имрӯз Ванҷи пурганҷ меҳмонони калонтарин вилояти ҷумҳуриро истиқбол доранд. Ва меьмори ин ваҳдат Эмомалӣ Раҳмон заҳматҳои зиёде ба харҷ дод, то ҳамагон сарҷамъу осударӯзгор бошем.

Муовини раиси вилояти Хатлон Махфират Хидирзода аз файзу баракати Ваҳдати миллӣ дар Хатлонзамину дигар манотиқи ватанамон - Тоҷикистони тозаистиқлол ёдовар гардид. Номбурда таъкид дошт, ки бояд ҳамагон ин ваҳдатро чун мардумаки чашм азиз доранд. Зеро Ваҳдати миллӣ ба мо имкон дод, то ба ҳадафҳои стратегии мамлакатамон: таьмини амнияти озуқаворӣ, истиқлолияти энергетикӣ ва раҳоӣ аз бунбасти коммуникатсионӣ бирасем.
Аз фурсати муносиб истифода бурда, бо иштирокчиёни чорабинӣ, сокинони ноҳияи Ванҷ ҳамсуҳбат гардидем. Аз суханрониҳои модарон Гулсимо Акбарова, Меҳнат Мазорбонова равшан гашт, ки онҳо аз тантанаҳои сулҳу ваҳдат дар ватани маҳбуб шукргузоранд ва пайваста дуои неки модарона ба Пешвои миллат - Асосгузори сулҳу ваҳдати миллӣ Эмомалӣ Раҳмон барои ғамхориҳои беназираш нисбати халқу меҳан доранд.

«Корвони ваҳдат»-и Хатлон дар Бадахшон (аксҳо)

Дар доираи «Корвони ваҳдат»-и Хатлон ҳамчунин дар Қасри фарҳанги ноҳия бо иштироки адибони хатлонӣ Ҳақназар Ғоиб, Рустами Хомарахш, Ғаффоралӣ Сафар, Усмон Билолӣ, Чӯпон Бадал ва дигарон маҳфили адабӣ доир гашт. Дар ин маҳфил дӯстдорони каломи бадеъ ширкат варзиданд.

«Корвони ваҳдат»-и Хатлон дар Бадахшон (аксҳо)

Варзишгоҳи ноҳия - макони баргузории барномаи консертӣ таҳти унвони «Шоми дӯстӣ» идгоҳро мемонд. Сокинони санъатдӯсти ноҳия бесаброна оғози чорабиниро интизорӣ доштанд. Ҳангоме ки ба саҳна ҳунармандони варзидаи хатлонӣ Амриддин Кабиров, Хиромон Қурбонова, Мавлуда Раҷабова, Бозорбой Одинаев, Султон Қурбонов ва дигарон баромада ҳунарнамоӣ менамуданд, тамошочиён бо кафкӯбиҳои пурмавҷ истиқболашон мекарданд. Гулдухтарони чаканпӯш бо рақсҳои ҷолиб диққати ҳамагонро ба хеш ҷалб намуданд. Дар барномаи «Шоми дӯстӣ» тантанаи ваҳдати миллӣ, ватандорӣ, Тоҷикистони зебоманзар, роҳбари оқилу хирадманди мамлакат васф гардиданд.

«Корвони ваҳдат»-и Хатлон дар Бадахшон (аксҳо)


«Корвони ваҳдат»-и Хатлон дар Бадахшон (аксҳо)


Дар ноҳияи Ванҷ «Корвони ваҳдат»-и Хатлон ба гурӯҳҳои алоҳида ҷудо шуда, ба ноҳияҳои Мурғоб, Ишкошим, Роштқалъа ва шаҳри Хоруғ роҳ пеш гирифтанд.

Асалмо САФАРОВА,
ВМКБ


Шарҳи хонандагон +

Матолиби дигар:

Баррасии нақши ВАО дар таҳкими ваҳдати миллӣ

Баррасии нақши ВАО дар таҳкими ваҳдати миллӣ

Хабарҳо, Фарҳанг ва адабиёт, НОСИРҶОН МАЪМУРЗОДА
«Корвони ваҳдат»-и Хатлон дар ВМКБ

«Корвони ваҳдат»-и Хатлон дар ВМКБ

Хабарҳо, Фарҳанг ва адабиёт, ҲАНГОМА ПАҲЛАВОНОВА
Ангораи Наврӯз-2016 тасдиқ шуд

Ангораи Наврӯз-2016 тасдиқ шуд

Фарҳанг ва адабиёт, Хабарҳо, НОСИРҶОН МАЪМУРЗОДА
Рӯ ба рӯ бо мардум

Рӯ ба рӯ бо мардум

Ҳаёти иҷтимоӣ, Хабарҳо, Ҷавонон ва варзиш, Маориф ва илм, АСАЛМО САФАРОВА
Сафари ҳунарӣ ба водии Рашт

Сафари ҳунарӣ ба водии Рашт

Фарҳанг ва адабиёт, Хабарҳо, ҲАНГОМА ПАҲЛАВОНОВА