Дар як сатр
» » Ба истифода додани бинои нави меҳмонхонаи замонавӣ дар ноҳияи Ёвон

Ба истифода додани бинои нави меҳмонхонаи замонавӣ дар ноҳияи Ёвон

9-09-2018, 08:51

Дар доираи сафари корӣ ба ноҳияи Ёвон 6 сентябри соли 2018 дар кӯчаи ба номи Абдураҳмони Ҷомии ноҳия  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  бинои нави меҳмонхонаи замонавиро  ба истифода доданд.

Меҳмонхона аз ҷониби соҳиб-кор Акбар Ғуломов бо харҷи бештар аз 4 миллион сомонӣ сохта шуда, тамоми утоқҳои он бо лавозимоти муосиру зарурии истироҳату фароғат таъмин мебошад.

Президенти Ҷумҳурии Тоҷи-кистон муҳтарам Эмомалӣ Раҳмон нахуст дар  ошёнаи якуми бино бо шароити ҳуҷраҳои махсус, аз ҷумла, ҳуҷраҳои оилавии истироҳату хоб шинос шуданд.

Дар қабати якуми меҳмонхона ҳамчунин ҳаммом, ҳавзи шиноварӣ бо услуби хизматрасониҳои муосир, аз ҷумла, толори машқу тамрини бадан низ бунёд  карда шудааст.

Имконоти хизматрасонии меҳмонхона дар як вақт барои 20 нафар пешбинӣ шуда, бошандагони он метавонанд дар худи бино аз хизматрасониҳои маишӣ, аз ҷумла, ошхона ва дигар имконоти хобу  истироҳат  пурсамар истифода намоянд.

 Меҳмонхона аз 12 ҳуҷраи махсус иборат буда, дар қабати 2-юми он  8 ҳуҷра ва нуқтаи алоҳидаи ошпазӣ, қабулгоҳ барои меҳмонон ва толори мулоқотҳои расмӣ ҷойгир  шудааст.

Тибқи иттилоъ, дар ҷараёни корҳои сохтмонӣ, ки давоми 1,5 сол идома ёфт, беш аз 40 нафар ба кор ҷалб гардидаанд.

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо имконот ва шароити хизматрасонии маҷмааи тозабунёд, ки аз рӯйи услуби хоси меъморӣ бунёд шудааст, шинос гардида, ба сифати корҳои зимни бунёди меҳмонхона анҷомёфта баҳои баланд доданд.

Дар саҳни меҳмонхонаи тозабунёд шаршара сохта шуда, атрофи онро гулу буттаҳои ороишиву сояафкан, аз ҷумла, ниҳоли дарахтони мевадиҳанда оро медиҳанд.




Шарҳи хонандагон +

Матолиби дигар:

Ифтитоҳи муассисаи таҳсилоти миёнаи умумии №80 дар  ноҳияи Ёвон

Ифтитоҳи муассисаи таҳсилоти миёнаи умумии №80 дар ноҳияи Ёвон

Ҳокимияти давлатӣ
Бунёди иншоотҳои ҷашнӣ

Бунёди иншоотҳои ҷашнӣ

Иқтисоду тиҷорат
Тасдиқи рамзи «соли рушди  Сайёҳӣ ва ҳунарҳои мардумӣ»

Тасдиқи рамзи «соли рушди Сайёҳӣ ва ҳунарҳои мардумӣ»

ҲУНАРҲОИ МАРДУМӢ, Ҳаёти иҷтимоӣ
Ба истифода додани меҳмонхонаи замонавӣ дар маҳаллаи Синои ноҳияи Шамсиддин ...

Ба истифода додани меҳмонхонаи замонавӣ дар маҳаллаи Синои ноҳияи Шамсиддин ...

Хабарҳо
Ифтитоҳи истироҳатгоҳи замонавии Пули Сангин дар шаҳри Нораки вилояти Хатло ...

Ифтитоҳи истироҳатгоҳи замонавии Пули Сангин дар шаҳри Нораки вилояти Хатло ...

Хабарҳо, Иқтисоду тиҷорат