Дар як сатр
» » Азми таҷлили 100-солагии аввалин қаҳрамони СССР аз Тоҷикистон дар вилояти Хатлон

Азми таҷлили 100-солагии аввалин қаҳрамони СССР аз Тоҷикистон дар вилояти Хатлон

8-05-2016, 18:46

Азми таҷлили 100-солагии аввалин қаҳрамони СССР аз Тоҷикистон дар вилояти ХатлонАзхудкунӣ ва ободонии заминҳои асрҳо бекорхобидаю синабирёни водии Вахш сохтмони умумиттифоқӣ эълон гардид. Мардуми гуногунмиллату гуногункасб барои иштирок намудан дар «Вахшстрой» як гурӯҳ деҳқонон аз деҳаи Куйиқозиёни ноҳияи Конибодом низ ба ноҳияи Кагановичобод (ҳозира Ҷалолиддини Балхӣ) кӯч бастанд. Дар байни онҳо Неъмат ном ҷавони 14-15 сола низ буд.

Неъмат Қарабоев ҳамроҳи деҳқонон ба ободонию бунёдкорӣ машғул шуда, ҳамзамон дар курси кӯтоҳмуддати ҳисобчӣ хонда, дар колхози навташкил аз рӯи ин касб ба фаъолият оғоз намуд.

Неъмат Қарабоев соли 1937 ихтиёрӣ ба хизмати ҳарбӣ рафт. Аввал дар округи ҳарбии Ленинград, дар полки савораи қисми ҳарбии 4679, баъдтар дар шаҳрҳои Украинаи ғарбӣ ва Беларусия хизмат кард. Соли 1939 ба округи ҳарбии Киев, полки 300-уми тирандозии дивизияи 7-ум гузашт. Дар ҳайати полк, ки бар зидди гвардиячиёни сафеди фин меҷангид, разведкачӣ-алоқачӣ шуд. Дар яке аз муҳорибаҳои шадид, гвардиячиёни сафед мехостанд Неъмат Қарабоевро ба асирӣ гиранд, Неъмат бо як чолокӣ онҳоро бо норинҷак нобуд кард.

21 марти соли 1940 Неъмат Қарабоев дар қатори гурӯҳи аскарони Сурх ва афсароне, ки дар ҷанги зидди финҳои сафед мардонагии беназир нишон дода буданд, унвони олии Қаҳрамони Иттиҳоди Шӯравиро сазовор гардид, ки ӯ аз Осиёи Марказӣ аввалин қаҳрамон буд.
Лейтенанти хурд Неъмат Қарабоев соли 1941 дар омӯзишгоҳи ҳарбии тирандозии Сухумӣ таҳсил карда, нахуст командири гурӯҳ, пропогандисти баталион ва узви бюрои комсомолии полк буд.

Неъмат Қарабоев 22 июни соли 1941 командири взводи полки 88-уми эҳтиётии тирандозӣ таъин шуд. Баъдтар взводи ӯ дар наздикии Новороссийск ба ҷабҳаи ҷанг даромад. 26 декабри соли 1941 дар як муҳорибаи шадид маҷруҳ шуда, барои табобат ба госпитали шаҳри Боржово афтид. Баъд аз табобат боз ба ҳамон қисми ҳарбӣ баргашт.

Неъмат Қарабоев моҳи январи соли 1943 ҳангоми аз дарёи Дон гузашта, хатти фронти душманро рахна кардан тир хӯрда, ҳалок гардид…

Бо мақсади абадӣ гардонидани номи нахустин Қаҳрамони Иттиҳоди Шӯравӣ аз Тоҷикистон бисёр кӯчаю хиёбон, мактабҳо ва хоҷагиҳо ба номи ӯ гузошта шуданд. Дар шаҳри Душанбе яке аз кӯчаҳои калону зебо ба номи Неъмат Қарабоев номгузорӣ шудааст.
Дар ноҳияҳои Конибодом ва Ҷалолиддини Балхӣ низ нимпайкараи қаҳрамонро гузоштанд.

Соли ҷорӣ дар арафаи ҷашни 71-солагии Рӯзи Ғалаба дар Ҷанги Бузурги Ватании солҳои 1941-1945, ҷашни 100-солагии нахустин Қаҳрамони Иттиҳоди Шӯравӣ Неъмат Қарабоев дар шаҳри Конибодом ва ноҳияи Ҷалолиддини Балхӣ ба таври васеъ қайд карда мешавад.

О. Соатов,
собиқадори меҳнат



Шарҳи хонандагон +

Матолиби дигар:

Ҳаёт Неъмат: «Куфр неъмат аз кафат берун кунад!»

Ҳаёт Неъмат: «Куфр неъмат аз кафат берун кунад!»

Ҳаёти иҷтимоӣ, Маориф ва илм
Хандаи чашмони тар аз ваҳдат аст

Хандаи чашмони тар аз ваҳдат аст

Фарҳанг ва адабиёт
Балҷувон. Осорхонаи нав бо нигораҳо аз замони ҶБВ

Балҷувон. Осорхонаи нав бо нигораҳо аз замони ҶБВ

Фарҳанг ва адабиёт, Хабарҳо, ҲАНГОМА ПАҲЛАВОНОВА
Саҳми тоҷикистониҳо дар ғалаба бузург аст

Саҳми тоҷикистониҳо дар ғалаба бузург аст

Ҳаёти иҷтимоӣ, Ҳуқуқу амният
Боғҳо зиёд мешаванд, аммо...

Боғҳо зиёд мешаванд, аммо...

Хабарҳо