Дар як сатр
» » Қӯрғонтеппа. Конфронси илмӣ-амалӣ дар мавзӯи «Муқовимат ба терроризм: дастовардҳо ва мушкилот»

Қӯрғонтеппа. Конфронси илмӣ-амалӣ дар мавзӯи «Муқовимат ба терроризм: дастовардҳо ва мушкилот»

2-05-2016, 13:38

Қӯрғонтеппа. Конфронси илмӣ-амалӣ дар мавзӯи «Муқовимат ба терроризм: дастовардҳо ва мушкилот»Дар "Кохи Ватан"-и шаҳри Қӯрғонтеппа конфронси илмӣ-амалии вилоятӣ дар мавзӯи «Муқовимат ба терроризм: дастовардҳо ва мушкилот» барпо гардид.

Дар кори ин конфронс муовини раиси вилояти Хатлон Махфират Хидирзода, прокурори вилояти Хатлон Насрулло Маҳмудов, муовини раиси Маркази исломшиносии назди Президенти Ҷумҳурии Тоҷикистон Мутеулло Наҷотзода, роҳбари дастгоҳи раиси шаҳри Қӯрғонтеппа Назир Азимзода ва дигар олимону донишмандон иштирок намуданд.

Прокурори вилоят зимни баромади худ зикр кард, ки аз соли 1997 ба ин сӯ дар ҷумҳурӣ 14 созмони экстремистӣ маҳв карда шуда, фаъолияти 12 ташкилоти дигари террористию экстремистӣ аз ҷониби Сули Олӣ манъ карда шудааст. "Танҳо дар се соли охир 351 ҷинояти хусусияти экстремистидошта ба қайд гирифта шуда, дар ин робита нисбат ба 438 нафар парвандаи ҷиноятӣ кушода шудааст, ки ин рақам нигаронкунанда мебошад", - афзуд Н. Маҳмудов.

Махфират Хидирзода, муовини раиси вилоят, таъкид кард, ки тамоми фаъолони ҷомеа бояд дар роҳи мубориза бо экстремизм, маҳви таассубу бегонапарастӣ иттиҳоди амал дошта бошанд ва барои муқовимат бо зуҳуроти номатлубу осебрасон ба амнияти миллию давлатӣ бо мақомоти дахлдор ҳамкорӣ кунанд.

Ширкатдорони ин ҳамоиш перомуни пайдоиш ва ташаккули гурӯҳҳои ифротӣ, хатари он ба ҷомеаи ҷаҳонӣ ва роҳҳои ҷилавгирӣ аз шомилшавии ҷавонон ба ин гурӯҳҳо табодули назар карданд.


Шарҳи хонандагон +

Матолиби дигар:

88,5%-и ҷиноятҳо ошкор шуданд

88,5%-и ҷиноятҳо ошкор шуданд

Хабарҳо, Ҳуқуқу амният, КОМРОНИ БАХТИЁР
Махфират Хидирзода муовини раиси вилояти Хатлон таъин шуд

Махфират Хидирзода муовини раиси вилояти Хатлон таъин шуд

Сиёсат, Хабарҳо, НОСИРҶОН МАЪМУРЗОДА
Конфронси бахшида ба Соли оила

Конфронси бахшида ба Соли оила

Ҳаёти иҷтимоӣ, Хабарҳо, ҲАНГОМА ПАҲЛАВОНОВА
Қӯрғонтеппа. Баҳси ҷилавгирӣ аз ифротгароии салафӣ

Қӯрғонтеппа. Баҳси ҷилавгирӣ аз ифротгароии салафӣ

Хабарҳо, Ҳуқуқу амният
Ифтитоҳи 43 парванда вобаста ба ҷиноятҳои ифротгароӣ

Ифтитоҳи 43 парванда вобаста ба ҷиноятҳои ифротгароӣ

Хабарҳо, Ҳуқуқу амният, НОСИРҶОН МАЪМУРЗОДА