Дар як сатр
» » Оғози сафари кории Пешвои миллат ба ноҳияи Ёвон

Оғози сафари кории Пешвои миллат ба ноҳияи Ёвон

22-04-2016, 11:27

Оғози сафари кории Пешвои миллат ба ноҳияи Ёвон

Имрӯз сафари кории Асосгузори сулҳу Ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Ёвони вилояти Хатлон аз ифтитоҳи Муассисаи таҳсилоти миёнаи умумии рақами 16 дар деҳаи Даҳанаи Ҷамоати деҳоти Даҳана оғоз гардид.

Сарвари давлат Эмомалӣ Раҳмон дар вазъияти тантанавӣ лентаи рамзиро бурида, мактаби навро мавриди баҳрабардорӣ қарор дод.

Оғози сафари кории Пешвои миллат ба ноҳияи Ёвон

Ин муассисаи замонавии таълимӣ дар доираи иҷрои дастуру ҳидоятҳои бевоситаи Пешвои миллат муҳтарам Эмомалӣ Раҳмон аз ҷониби соҳибкори маҳаллӣ Баҳриддин Ҷурахонов бунёд гардид.

Мактаби нав бо 640 ҷойи нишаст дар як баст бо харҷи 17 миллион сомонӣ аз ҳисоби соҳибкори маҳаллӣ сохта шудааст ва аз 27 синфхонаи таълимӣ, аз ҷумла химия, физика, биология, синфхонаи компютерӣ, 7 утоқи корӣ барои омӯзгорон, китобхона, толори варзишӣ, маҷлисгоҳ бо 240 ҷойи нишаст ва ошхона иборат мебошад. Барои машғулиятҳои варзишӣ ва дигар чорабиниҳои оммавӣ дар назди муассиса майдони варзишии замонавӣ бо 730 ҷойи нишаст сохта шудааст. Синфхонаҳои мактаб бо таҷҳизоти навтарини таълимӣ таъмин буда, дар онҳо имконияти сатҳи баланди омӯзиши забонҳои хориҷӣ, технологияи компютерӣ ва барои духтарон шароити созгори касбу ҳунаромӯзӣ фароҳам оварда шудааст.

Оғози сафари кории Пешвои миллат ба ноҳияи Ёвон

Пешвои миллат муҳтарам Эмомалӣ Раҳмон бо шароити синфхонаҳои дарсӣ, китобхона, толори варзишию маҷлисгоҳ ва ошхонаи мактаб бевосита шинос шуда, ба сифати корҳои сохтмонӣ ва имконоти зарурии машғулиятҳои амалию назариявии муассиса баҳои баланд дод.

Оғози сафари кории Пешвои миллат ба ноҳияи Ёвон

Дар синфхонаи компютерӣ, ҳунаромӯзӣ, толори варзиш ва толори маҷлисгоҳ Сарвари давлат бо истеъдоди истифодаи технологияҳои компютерӣ аз ҷониби хонандагон, санъати навозандагию сарояндагии онҳо ва ҳунаромӯзию истеъдоди варзишии толибилмон шинос шуда, онҳоро барои боз ҳам бештар аз худ кардани илму дониши замонавӣ ва технологияҳои компютерӣ, инчунин аз худ кардани ҳунарҳои мардумӣ ва такмили маҳорати варзишии худ, ҳидоят кард.

Оғози сафари кории Пешвои миллат ба ноҳияи Ёвон

То бунёди ин муассисаи таълимӣ фарзандони сокинони деҳоти Даҳана аз нарасидани синфхонаҳо ва шароити носозгори таълиму тарбия танқисӣ мекашиданд.

Пешвои миллат муҳтарам Эмомалӣ Раҳмон аз амали неки соҳибкор Баҳриддин Ҷурахонов дар бунёди муассисаи таълимӣ ситоиш карда, онро намунаи ибрат арзёбӣ намуд.

Соҳибкори ватандӯст Баҳриддин Ҷурахонов нақша дорад дар партави дастгирию ғамхориҳои пайвастаи роҳбарияти давлату Ҳукумати Ҷумҳурии Тоҷикистон аз соҳибкорони ватанӣ аз ҳисоби даромади корхонаҳои худ дар ноҳия боз як мактаби наву замонавӣ бунёд намояд.

Оғози сафари кории Пешвои миллат ба ноҳияи Ёвон

Баъди шиносоӣ бо шароити таълими мактаби нав дар саҳни ҳавлии он Президенти Ҷумҳурии Тоҷикистон муҳтарам Эмомалӣ Раҳмон дар ҳузури аҳли маорифи ноҳия суханронӣ карда, таъмини рушди босуботи соҳаи маорифро аз тадбирҳои муҳиму меҳварии сиёсати роҳбарияти давлату Ҳукумати Ҷумҳурии Тоҷикистон арзёбӣ кард.


Шарҳи хонандагон +

Матолиби дигар:

Оғози фаъолияти боғчаи кӯдаконаи «Ситора» дар ноҳияи Ёвони вилояти Хатлон

Оғози фаъолияти боғчаи кӯдаконаи «Ситора» дар ноҳияи Ёвони вилояти Хатлон

Хабарҳо, Маориф ва илм
Суханронии Президенти кишвар дар маросими ифтитоҳи мактаби навбунёд дар ноҳ ...

Суханронии Президенти кишвар дар маросими ифтитоҳи мактаби навбунёд дар ноҳ ...

Хабарҳо, Маориф ва илм
Шиносоии Сарвазир аз рафти корҳои сохтмони қитъаи Ваҳдат-Ёвони роҳи оҳани Д ...

Шиносоии Сарвазир аз рафти корҳои сохтмони қитъаи Ваҳдат-Ёвони роҳи оҳани Д ...

Иқтисоду тиҷорат, Хабарҳо, НОСИРҶОН МАЪМУРЗОДА
Синфхонаҳои нав дар Восеъ ва Темурмалик

Синфхонаҳои нав дар Восеъ ва Темурмалик

Хабарҳо, Маориф ва илм, ҲАНГОМА ПАҲЛАВОНОВА
Дар партави Паём. Сиёсати башардӯстонаи Пешвои миллат

Дар партави Паём. Сиёсати башардӯстонаи Пешвои миллат

Хабарҳо, Номаҳои Шумо