Дар як сатр
» » Аз бахти худ меболем

Аз бахти худ меболем

7-09-2018, 07:10

Мо-зодагон ва парвардагони даврони соҳибистиқлолии кишвар ифтихор дорем, ки яке аз наслҳои хушбахти миллати озод ва соҳибтамаддуни тоҷик ҳастем. Шукрона мекунем, ки орзуи ҳазорсолаи аҷдоди истиқлолхоҳамон амалӣ гашт ва халқи Тоҷикистону тоҷикони тамоми олам дар симои шахсияти таърихии муосири миллат Президенти Ҷумҳурии Тоҷикистон муҳтарам Эмомалӣ Раҳмон Пешвои хирадманди худро дарёфт намуданд.

Асосгузори сулҳу ваҳдати миллӣ - Пешвои муаззами мо дар яке аз суханрониҳояшон чунин қайд намудаанд: «Таваҷҷуҳ ба ҷавонон маънии рӯ овардан ба ояндаи кишвар ва миллатро дорад». Албатта, ин таъкид ва ҳидоят суханони одӣ нестанд. Воқеан ҳам, ҷавонони худшинос ва ҳамқадами замон, албатта, ояндаи ободу дурахшони кишварро таъмин ва зиндагии шоистаро бунёд хоҳанд кард.

Шахсан ман, ҳарчанд ки ҳоло хонандаи мактаб ҳастам, худро барои таъмини ояндаи ободи ватанам вазифадор ва масъул мешуморам. Ба ин мақсад кӯшиш дорам, ки мактабро бо баҳои аъло хатм намоям ва пайи орзуи ҷавонии худ ба донишгоҳ дохил шуда, соҳиби касби дӯстдоштаам шуда, оянда бахалқи азизи худ бо меҳнати содиқона манфиатрасон бошам. Маънии зиндагиро дар хизмат кардан ба халқи худам медонам.

Мақсаду мароми аслии мо он аст, ки ҳама нақшаҳои нек ва дурандешонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳаққи Тоҷикистони азизамон ҳарчи зудтар амалӣ шаванд ва миллати мо бори дигар исбот намояд, ки тоҷдор ва нигини олам аст:

Мо- ҷавонони сарафрози Ватан,
Ин Ватанро ҳомии беминнатем.
Азми мо бунёдкористу ҳама,
Пайравони Пешвои миллатем.
Лолаи Назаралӣ,
гирандаи идрори президентӣ, хонандаи синфи 11 МТМУ №10

 



Шарҳи хонандагон +

Матолиби дигар:

Ҷавонон пайравони Пешвои миллатанд

Ҷавонон пайравони Пешвои миллатанд

Номаҳои Шумо
Дар сулҳофарию ватандӯстӣ намунаи ибрат бошем

Дар сулҳофарию ватандӯстӣ намунаи ибрат бошем

Номаҳои Шумо
Истиқлолияти ватан ифтихори мост!

Истиқлолияти ватан ифтихори мост!

Хабарҳо, Номаҳои Шумо
Роҳнамо ва оинаи зиндагии ҷавонон

Роҳнамо ва оинаи зиндагии ҷавонон

Хабарҳо, Ҷавонон ва варзиш, Номаҳои Шумо
Дар партави Паём. Сиёсати башардӯстонаи Пешвои миллат

Дар партави Паём. Сиёсати башардӯстонаи Пешвои миллат

Хабарҳо, Номаҳои Шумо