Дар як сатр
» » Баракат аз замини ризқофар

Баракат аз замини ризқофар

8-09-2018, 06:59

Ба  назари ман,  муносибатҳои  нави хоҷагидорӣ,  равшантараш,  таҷдиди сохтори  соҳаи кишоварзӣ,  яъне бавуҷудоии  хоҷагиҳои  мустақили деҳқонӣ зодаи  даврони соҳибистиқлолӣ буда, ин раванд маҳз бо ғамхорию дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушд ёфта истодааст.

Ташкили   нахустин  хоҷагиҳои  деҳқонӣ  муносибатҳои нави истеҳсолиро  дар соҳаи  кишоварзии  кишвар  ба  вуҷуд овард.  Деҳқон,  ки дар ҳама  ҳолат  ба замин  муносибати  хайрхоҳона дорад,  дар  даврони соҳибистиқлолӣ  назари  худро ба замин  боз  ҳам хайрхоҳонатар  намуда,  чун соҳиби замини  меросӣ  ба коркард ва  истифодаи  оқилонаи он   пардохт ва натиҷаи   фаъолияти деҳқонони  мамлакат имрӯз  ба  ҳамагон равшан аст.  Муҳимтар аз ҳама,  бозори истеъмолии  аҳолӣ аз   самараи заҳмати деҳқонони мамлакат сол то сол  бою ғанӣ  мегардид, ки   ин  аз болоравии   сатҳи ҳаёту рӯзгори шоистаи ҳамватанони  мо дарак медиҳад.

Мо-соҳибмулкони замин  соли  2004  хоҷагии худро дар масоҳати 33 га замин таъсис  додаем. Хоҷагии мо 18 нафар саҳмдор дошта, ба парвариши маҳсулоти ғалладонагӣ,  боғпарварӣ,  пахта,  юнучқа    ва зироати  полезӣ   машғул мебошад.

Боиси қайд аст, ки ҳосили заҳмати деҳқонони хоҷагӣ, на танҳо ба бозорҳои ноҳия,  балки ба бозорҳои  шаҳри Душанбе ва ноҳияҳои ҳамсоя низ ба фурӯш бароварда  мешаванд.

Мо имсол бо мағозаи "Аш-ан”-и  шаҳри Душанбе   шартнома бастем ва то имрӯз  10 тонна маҳсулоти мавсимӣ: тарбуз, бодиринг,   қулфинайро дар ин мағоза ба фурӯш баровардем.

Баъди дарави ғалладонагӣ  бошад,  деҳқонони хоҷагӣ ба кишти такрорӣ,  махсусан ба парвариши  ҷуворимакка ва  ҷорӯб,  машғул мегарданд,  то замин  бекор нахобад. Ин кор имрӯз на танҳо дар хоҷагии деҳқонии мо, балки  дар ҳамаи   хоҷагиҳои деҳқонии ноҳия амалӣ шуда истодааст ва аз файзу баракати дастранҷи аъзои ин хоҷагиҳо ноҳия ба муваффақиятҳои нав ба нави истеҳсолӣ муваффақ гашта, шарафи пешинаи худро ҳамчун ноҳияи шуҳратманди деҳқонзодаҳои асил нигоҳ  дошта истодааст.

Зимни сафари кории худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияҳои Темурмалику Данғара, дар ҷамъомади васеи фаъолону мутахассисон, оид ба захираи хӯроки чорво барои солҳои 2018-2019 таъкид намуданд, ки аз тамоми имконот истифода бурда, захираи дусолаи хӯрокӣ бояд таъмин гардад. Вобаста ба ин, қайд гардида буд, ки ҷиҳати сари вақт ва беталаф захира намудани хӯроки чорво аз байни қаторҳои боғҳо, инчунин аз ҳисоби баргу пояи зироатҳои киштшуда (картошка, пиёз, полезӣ, шолӣ ва ғайра), алафҳои лаби ҷӯю наҳр, соҳили дарёву заҳбур, каналҳо оқилона истифода бурда шавад.

Саҳмдорони хоҷагии мо вобаста ба ин дастур, дар баробари он ки ба парвариши юнучқа, ки хӯроки хушхӯри чорво ба ҳисоб меравад, машғул буда, ҳар сол аз майдони юнучқазор 5-6 маротиба ҳосил мебардоранд, имсол аз дигар манбаъҳои имкондошта барои захираи хӯроки чорво истифода карда, ба миқдори зиёд коҳу алафи хушхӯри чорво ҷамъоварӣ намуданд.

Ҳамин тариқ, мо-деҳқонон, пайваста пайи амалӣ гардонидани қарорҳои Ҳукумат ва дастуру ҳидоятҳои  Сарвари давлат бобати рушди соҳаи кишоварзии кишвар кӯшиш менамоем, зеро ба хубӣ медонем, ки сари баланд, рӯйи сурх ва дастархони пур аз нозу неъмати  аҳолии мамлакат аз меҳнати  ҳалоли  худи марди  деҳқон аст.

 

Насриддин Холиқов,

роҳбари хоҷагии деҳқонии «Обшорон»



Шарҳи хонандагон +

Матолиби дигар:

Насли ояндасозро тарбия менамоем

Насли ояндасозро тарбия менамоем

Маориф ва илм
Захираи хӯроки чорво 60% иҷро шуд

Захираи хӯроки чорво 60% иҷро шуд

Арсаи кишоварзӣ
А. Холиқзода: «бузургтарин неъмат барои ҳар як миллат  оромии ҷомеа аст»

А. Холиқзода: «бузургтарин неъмат барои ҳар як миллат оромии ҷомеа аст»

Ҳаёти иҷтимоӣ
Ҷомӣ. Ҷавонон касбу ҳунар меомӯзанд

Ҷомӣ. Ҷавонон касбу ҳунар меомӯзанд

ҲУНАРҲОИ МАРДУМӢ, Ҷавонон ва варзиш, НИЗОМИДДИН ИСОЕВ
Тасдиқи рамзи «соли рушди  Сайёҳӣ ва ҳунарҳои мардумӣ»

Тасдиқи рамзи «соли рушди Сайёҳӣ ва ҳунарҳои мардумӣ»

ҲУНАРҲОИ МАРДУМӢ, Ҳаёти иҷтимоӣ