Дар як сатр
» » Ғолибони мусобиқаи ҷумҳуриявӣ аз дасти Пешвои миллат ҷоиза мегиранд

Ғолибони мусобиқаи ҷумҳуриявӣ аз дасти Пешвои миллат ҷоиза мегиранд

10-04-2016, 12:18

Барои шаҳр ё ноҳияе, ки ғолиби мусобиқаи ҷумҳуриявӣ бахшида ба 25-солагии Истиқлоли давлатии Тоҷикистон мегардад, эътои аз 30 то 50 ҳазор сомонӣ, барои ҷамоати шаҳраку деҳоти беҳтарин 20 ҳазор сомонӣ, барои деҳа ва маҳаллаи беҳтарин 10 ҳазор сомонӣ ва барои хона ва оилаи намунавӣ 8 ҳазор сомонӣ ҷоиза дар назар аст. Ин ҷоизаҳоро ҳамроҳ бо диплому шаҳодатномаҳо ба ғолибон Пешвои миллат, Президенти кишвар Эмомалӣ Раҳмон дар рӯзҳои таҷлили 25-солагии Истиқлолияти давлатӣ тақдим хоҳад кард.

Ғолибони мусобиқаи ҷумҳуриявӣ аз дасти Пешвои миллат ҷоиза мегиранд

Ин нуқта зимни ҷаласаи васеи Комиссияи вилоятӣ оид ба омодагӣ ва гузаронидани мусобиқаи ҷумҳуриявӣ бахшида 25-солагии Истиқлоли давлатии Тоҷикистон, ки 8 апрел дар маҷлисгоҳи мақомоти иҷроияи ҳокимияти давлатии вилояти Хатлон доир гардид, зикр шуд.

Қурбон Ҳакимзода, муовини якуми раиси вилоят ва ҳамзамон раиси Комиссияи вилоятӣ «Оид ба омодагӣ ва гузаронидани мусобиқаи ҷумҳуриявӣ бахшида 25-солагии Истиқлолияти давлатии Ҷумҳурии Тоҷикистон», дар аснои ифтитоҳи ҷаласа хабар дод, ки дар асоси Амри Президенти Ҷумҳурии Тоҷикистон аз 24 феврали соли 2016, «Дар бораи гузаронидани мусобиқаи ҷумҳуриявӣ бахшида ба ҷашни 25-солагии Истиқлолияти давлатии Ҷумҳурии Тоҷикистон дар байни мақомоти марказии ҳокимияти давлатӣ, мақомоти иҷроияи ҳокимияти давлатии вилоятҳо шуҳру ноҳияҳои тобеи ҷумҳурӣ, барои шаҳр, ноҳия, шаҳрак, деҳот, деҳа, маҳаллаи беҳтарин, хона ва оилаи намунавӣ» дар шаҳру навоҳии вилояти Хатлон корҳои омодагӣ оғоз гардидааст.

Ғолибони мусобиқаи ҷумҳуриявӣ аз дасти Пешвои миллат ҷоиза мегиранд- Доир ба иҷрои Амри Роҳбари давлат қарори раиси вилояти Хатлон аз 31 марти моли 2016, №72, ба тасвиб расид, ки тибқи қарори мазкур Комиссияи вилоятӣ таъсис дода шуд ва ҳуҷҷатҳои зарурӣ вобаста ба баргузории мусобиқаи мазкур ба 25 шаҳру ноҳия ва ҳайати Комиссияи вилоятӣ ирсол карда шудааст, - афзуд Қ. Ҳакимзода.

Ба таъкиди муовини якуми раиси вилоят, мақсади асосии мусобиқа амалӣ намудани дастури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маҳсуб ёфта, он дар ҳудуди вилоят бо мақсади вусъат бахшидан ба корҳои ободонӣ, бунёдкорию созандагӣ, мусоидат ба рушди иҷтимоию иқтисодӣ, таъсиси ҷойҳои нави корӣ дар шаҳру ноҳияҳо, шаҳраку деҳот, деҳаҳо, маҳаллаҳо, ташвиқу тарғиб ва дастрас намудани таҷрибаи пешқадам, инчунин, гиромидошти арзишҳои ваҳдати миллӣ, таҳкими ҳувияти миллӣ, тарғиб ва оммавӣ гардонидани суннатҳои беҳтарини миллӣ, баланд бардоштани ҳисси хештаншиносӣ, ватандӯстӣ, ободкорӣ, зебопарастӣ, эҳтиром ба арзишҳои миллӣ, фарҳанг, илму маориф, тандурустӣ, муҳити зист ва ифтихор аз анъанаҳои миллӣ мебошад.

Дар ҷаласаи мазкур аъзои Комиссияи вилоятӣ оид ба омодагӣ ва гузаронидани мусобиқаи ҷумҳуриявӣ, намояндагони Кумитаи рушди маҳалли назди Ҳукумати Ҷумҳурии Тоҷикистон бо роҳбарии муовини якуми раиси ин кумита Бег Қурбонзада, раисон, котибони комиссияҳои шаҳрию ноҳиявӣ, роҳбарони ташкилоту муассисаҳои дахлдори вилоятӣ ва намояндагони воситаҳои ахбори омма иштирок намуданд.

Муовини якуми раиси Кумитаи рушди маҳал Бег Қурбонзода оид ба қоидаҳои гузаронидани мусобиқаи ҷумҳуриявӣ, методологияи арзёбии нишондодҳо ва баҳогузорӣ ҳангоми муайян намудани оила ва хонаи намунавӣ, маҳалла, деҳа, деҳот, шаҳрак, ноҳия ва шаҳри беҳтарин суханронӣ намуд.

Раиси комиссияи вилоятӣ Қурбон Ҳакимзода дар идома гуфт, ки мусобиқа дар 4 марҳала – дар сатҳи ҷамоатҳои шаҳраку деҳот (моҳи май), шаҳру ноҳияҳо (охирҳои июн-авоили моҳи июл), вилоят (нимаи дуюми моҳи июл) ва ҷумҳурӣ (то 20 август) - баргузор гардида, ғолибони озмун бо мукофотҳои таъсиснамудаи Кумитаи тадорукот қадрдонӣ мегарданд.

Ба раисону котибони комиссияҳои шаҳрию ноҳиявӣ дастур дода шуд, ки барои дар сатҳи баланд гузаронидани озмуни мазкур тадбир андешанд.

Н. МАЪМУРЗОДА,
«Хатлон»



Шарҳи хонандагон +

Матолиби дигар:

Озмуни вилоятӣ, ки 5000 сомонӣ ҷоиза дорад, 4-уми май ҷамъбаст мешавад

Озмуни вилоятӣ, ки 5000 сомонӣ ҷоиза дорад, 4-уми май ҷамъбаст мешавад

Фарҳанг ва адабиёт, Хабарҳо, ҲАНГОМА ПАҲЛАВОНОВА
Ёвон: Мусобиқаи ҷумҳуриявӣ оид ба гӯштини дзюдо

Ёвон: Мусобиқаи ҷумҳуриявӣ оид ба гӯштини дзюдо

Хабарҳо, Ҷавонон ва варзиш, НОСИРҶОН МАЪМУРЗОДА
Кӯлоб: Чемпионат оид ба гӯштини миллӣ

Кӯлоб: Чемпионат оид ба гӯштини миллӣ

Хабарҳо, Ҷавонон ва варзиш, КОМРОНИ БАХТИЁР
Азми таҷлили чаҳоррӯзаи Наврӯз дар тамоми вилоят

Азми таҷлили чаҳоррӯзаи Наврӯз дар тамоми вилоят

Фарҳанг ва адабиёт, Хабарҳо, НОСИРҶОН МАЪМУРЗОДА
Анонс: 14-15 феврал ярмарка дар Қӯрғонтеппаю Кӯлоб

Анонс: 14-15 феврал ярмарка дар Қӯрғонтеппаю Кӯлоб

Хабарҳо, Арсаи кишоварзӣ, НОСИРҶОН МАЪМУРЗОДА