Дар як сатр
» » Ноҳияи Носири Хусрав яке аз аввалин шуда маъракаи даъвати наваскаронро ба охир расонид

Ноҳияи Носири Хусрав яке аз аввалин шуда маъракаи даъвати наваскаронро ба охир расонид

5-04-2016, 09:25

Нимаи аввали рӯзи 1-уми апрел дар саҳни бинои Комиссариати ҳарбии ноҳияи Носири Хусрави вилояти Хатлон маросими гусели ҷавонони даъватшуда ба сафи Қувваҳои Мусаллаҳи Ҷумҳурии Тоҷикистон баргузор гардид.
Ноҳияи Носири Хусрав яке аз аввалин шуда маъракаи даъвати наваскаронро ба охир расонид

Нахуст, раиси ноҳия Рамазон Оймаҳмадзода дар назди ҳозирин ба сухан баромада, ҷавонони ихтиёран ба комиссариати ҳарби омадаро самимона табрик намуд ва барояшон дар хизмати аскарӣ бурдборию сарбаландиҳо таманно кард.

- Бо итминони комил изҳор менамоям, ки даъватшудагони имрӯза сарбозони далеру шуҷои Артиши миллии ҷумҳурӣ гардида, минбаъд низ рисолат ва уҳдадориҳои худро бо рафтору интизоми намунавӣ, садоқат ба савганди ҳарбӣ, бо сарбаландиву далерӣ иҷро менамоянд, - изҳор дошт Рамазон
Оймаҳмадзода.

Сипас, якчанд нафар падару модарони даъватшуда суханронӣ намуда, ба фарзандони хеш дар адо намудани хизмати ҳарбӣ ва муҳофизати Ватан сарбаландию барор хостанду барояшон дуои нек доданд.

Ҳамин тавр, маросими "Кулчагазон" баргузор шуд, ки дар он падару модарон ба хотири бо сари баланд аз хизмати ҳарбӣ баргаштани фарзандонашон ба онҳо кулчаҳо доданд, ки аз он газида хуранд, то пас аз бозгашт аз хизмат аз он кулча дубора бигазанд.

Дар охир, аз ҷониби санъаткорони Қасри фарҳангӣ ноҳия барои болидагии рӯҳи ҷавонон ва волидони онҳо барномаи тамошобоби консертӣ пешниҳод гардид ва таҳти наво падару модарон бо писарони наваскарашон рақсу шодӣ намуданд.

Амиралӣ Завқиев, комиссари ҳарбии ноҳия, иттилоъ дод, ки нақшаи гусели ҷавонон ба сафи Қувваҳои Мусаллаҳи мамлакат дар рӯзи аввали ин маърака пурра сарбаландона иҷро гардид.

Ёдовар шудан бамаврид аст, ки ин маротибаи сеюм мебошад, ки ҳайати шахсии Комиссариати ҳарбии ноҳия пайиҳам маъракаи даъвати ҷавонон ба сафи Қувваҳои Мусаллаҳи Ҷумҳурии Тоҷикистонро дар сатҳи ҷумҳурӣ яке аз аввалинҳо шуда ба итмом мерасонанд.
"Хатлон"


Шарҳи хонандагон +

Матолиби дигар:

Ҷавонони шуҷоъ ба хизмати Ватан мераванд

Ҷавонони шуҷоъ ба хизмати Ватан мераванд

Фарҳанг ва адабиёт, Хабарҳо, АМОН МАҲКАМОВ
Сафарбаркунии ҷавонон ба артиш таъмин шуд

Сафарбаркунии ҷавонон ба артиш таъмин шуд

Хабарҳо, Ҷавонон ва варзиш, НОСИРҶОН МАЪМУРЗОДА
Пешсафони маъракаи даъвати аскарӣ

Пешсафони маъракаи даъвати аскарӣ

Хабарҳо, Ҷавонон ва варзиш, НОСИРҶОН МАЪМУРЗОДА
Носири Хусрав. Иҷрои нақша дар як рӯз

Носири Хусрав. Иҷрои нақша дар як рӯз

Хабарҳо, НОСИРҶОН МАЪМУРЗОДА
Хуросон. Ифтитоҳи бинои нави комиссариати ҳарбӣ

Хуросон. Ифтитоҳи бинои нави комиссариати ҳарбӣ

Хабарҳо, НОСИРҶОН МАЪМУРЗОДА