Дар як сатр
» » Қабули ҳуҷҷатҳо ба ДДТХ шурӯъ мешавад

Қабули ҳуҷҷатҳо ба ДДТХ шурӯъ мешавад

30-03-2016, 10:16


Донишгоҳи давлатии тиббии Хатлон аз 1 апрели соли ҷорӣ қабули ҳуҷҷатҳои довталабонро оғоз хоҳад кард.
Қабули ҳуҷҷатҳо ба ДДТХ шурӯъ мешавад

Ин донишгоҳи навтаъсис дорои се факултет - кори муолиҷавӣ, педеатрӣ ва стоматологӣ мебошад. Дар назар аст, ки имсол 350 донишҷӯ қабул шавад. Қабули ҳуҷҷати довталабон то 1 май идома карда, имтиҳоноти қабул аз 10 то 22 май баргузор мешаванд. Барои ҷалб ва ҳавастмандии ҷавонон ба ДДТХ то се сол имтиёзҳои муайяне дар назар гирифта шудааст. Донишгоҳи давлатии тиббии Хатлон дар масоҳати 20 гектар бунёд мегардад, ки дар 7 гектари он бинои донишгоҳ ҷойгир шуда, дар 13 гектари он сохтмони як беморхонаи вилоятӣ барои таҷрибаомӯзии донишҷӯён ва ҳам барои беҳтар ба роҳ мондани хизматрасонии тиббӣ ба аҳолӣ ба нақша гирифта шудааст.

Рӯзи 19 марти соли 2016 дар ноҳияи Ховалинг Марказҳои саломатии деҳоти Дараи Мухтор, Чашмабедак, Садбарго, Ҳалқаёр ба истифода дода шуда, Маркази саломатии деҳоти Шуғнов аз таъмири асоси бароварда шуд.

Марказҳои саломатӣ дар доираи ҳамкориҳои Ҳукумати Ҷумҳурии Тоҷикистон ва Хадамоти тандурустии Оғохон, тибқи Барномаи «Тибби оилавӣ» дар арафаи Иди байналмиллалӣ Наврӯз дар ноҳияи Ховалинг бо иштироки муовини раиси нохияи Ховалинг Аҳророва Гулбарг, Сардори Раёсати тандурустии вилояти Хатлон Маллазода Сайдулло ва муовини директории Хадамоти тандурустии Оғохон дар Ҷумҳурии Тоҷикистон Садоншоева Гулдарбоғ Шириновна, координатори барномаи «Тибби оилавӣ» Сурайё Атомамадова, Хадамоти тандурустии Оғохон дар Ҷумҳурии Тоҷикистон менеҷери минтақавии барномаи «Тибби оилавӣ»-Хадамоти тандурустии Оғохон дар вилояти Хатлон Табаров А. С. Ба истифода дода шуд.

Ҳамчунин дар доираи барномаи мазкур, 31 кормандони миёнаи тибби ноҳия ва 5 табиб: 1 нафар аз Ховалинг, 2 нафар аз Муъминобод ва 2 нафар аз Ш. Шоҳин аз курсҳои 6 моҳаи тибби оилавӣ дар шаҳри Душанбе ва Кулоб гузаронида шуданд.

Раванди бақайдгирии довталабони муассисаҳои таҳсилоти умумии шаҳру ноҳияҳои вилояти Хатлон ба имтиҳонҳои марказонидашудаи дохилшавӣ барои соли таҳсили 2016-2017, ки тавассути Маркази миллии тестии назди Президенти Ҷумҳурии Тоҷикистон барои дохилшавӣ ба муассисаҳои таҳсилоти миёна ва олии касбии кишвар ҷараён мегирад, оғоз гардидааст.

Ёдовар бояд шуд, ки айни замон дар 9 шаҳру ноҳияҳои вилоят 10 нуқтаҳои доимии бақайдгирии довталабон фаъолият доранд. Нуқтаҳои бақайдгирӣ дар шаҳру ноҳияҳои Қӯрғонтеппа, Кӯлоб, Данғара, Восеъ, Фархор, Мир Сайид Алии Ҳамадонӣ, Ёвон, Шаҳритуз ва Ҷалолидини Балхӣ фаъол буда, ҳар рӯз довталабон метавонанд дар ин нуқтаҳо омада худро бақайд гиранд.

Дар ноҳияҳои Абдураҳмони Ҷомӣ, Хуросон, Дӯстӣ, Панҷ, Қумсангир, Ховалинг, Шамсиддин Шоҳин, Муъминобод, Темурмалик ва Балҷувон нуқтаҳои бақайдгирии сайёр ташкил карда шудааст. Довталабон метавонанд аз чунин нуқтаҳои сайёр истифода баранд.

Аз рӯи маълумотҳои омории пешниҳод намудаи намояндагии Маркази миллии тестии назди Президенти Ҷумҳурии Тоҷикистон дар вилоят аз 1-уми март то 16-уми марти соли 2016 10679 нафар (4325 духтар) довталабони муассисаҳои таҳсилоти миёнаи умумии шаҳру ноҳияҳои вилояти Хатлон худро бақайд гирифтаанд, ки 22,5%-и хатмкунандагонро ташкил медиҳад.


Шарҳи хонандагон +

Матолиби дигар:

Дар Хатлон тайи се моҳ 6 маркази саломатии деҳот ва 16 бунгоҳи тиббӣ сохта  ...

Дар Хатлон тайи се моҳ 6 маркази саломатии деҳот ва 16 бунгоҳи тиббӣ сохта ...

Хабарҳо, Тандурустӣ ва экология, НОСИРҶОН МАЪМУРЗОДА
«Корвони саломатӣ» ба деҳоти дурдасти Хатлон расид

«Корвони саломатӣ» ба деҳоти дурдасти Хатлон расид

Хабарҳо, Тандурустӣ ва экология, ҲАНГОМА ПАҲЛАВОНОВА
Таъсиси донишгоҳи тиббии Хатлон

Таъсиси донишгоҳи тиббии Хатлон

Иқтисоду тиҷорат, Хабарҳо, НОСИРҶОН МАЪМУРЗОДА
Татбиқи лоиҳаи нави тиббӣ дар Хатлон

Татбиқи лоиҳаи нави тиббӣ дар Хатлон

Хабарҳо, Тандурустӣ ва экология, ҲАНГОМА ПАҲЛАВОНОВА
Қариб 5 млн. сомонӣ кӯмаки волидон барои таъмири мактабҳо

Қариб 5 млн. сомонӣ кӯмаки волидон барои таъмири мактабҳо

Хабарҳо, Маориф ва илм, НОСИРҶОН МАЪМУРЗОДА